Luku 10:15 - FỊAFỊA BAỊBỤLỤ

¹⁵ Kepanọmụ, ị́yẹrị kịngẹ kụma, í ḅiotọn-arị í gele mu so la ḅẹ? Ini ị́ kẹ gbin iderima-ḅo ḍuḅu ḅio suu ḅa!”

Luku 10:15 Iomraidhean Croise

Suku-saakị 11:4

Anịtẹso ịn nwẹnị ḅẹẹ, “Ó ḅoo, yee wa gbọrụ opu ama nama wamịna-aḅụụ pịrị, na pịkị sịḅị mu so la tẹ gbọrụ kụrọtẹ gele-warị na, tẹ ẹrẹ nyana wamịna-aḅụụ pịrị, anieofori wa ḅofa bebe tomikiri tọrụ mẹ ḅụ gala-gala ọrụ-jụjụ da.”

Ayịzaya 5:14

Ḍuḅu mẹ ịn sama-mẹnị ḅẹ tẹ koruarị, tẹ anị amịna ḅịḅị finji-sara wararị. Anị Jeruselemu ḅẹ opu atomi ma mẹnị iderimarị, ama ḅẹ atomi ma tẹ ẹkwẹn pẹlẹ, pẹlẹ-a apụ ma kẹ sụa.”

Jerimaya 51:53

Babịlọnị nwẹnị So-tọrụ kpọlị mu ḅụ kụrọtẹ ama-ḍụayọ nama sọ, à paa kịnị fịrịma tẹ ini anị guluguluma ḅa. Yẹrị KỊNỊNYANAḄỌ ḅe, ọkọ ḅẹẹm.”

Izikẹlị 26:20

Àrị ị́ kẹ ḍuḅu ḅio fịrịma tẹ í mu elemu asakị kụra-ḅio ḅụ fịị ḅọrọtẹ apụ ma ḅụ sọ ḅa. Àrị ị́ mịẹ tẹ í mu kiri suku-ḅio ḅẹ tomikiri mẹ ḅụ sime ḅa sime-gbamaso gulugulu ogboku, ị́ nwẹnị fịtẹ-apụ ma ogbo sọ ḅa. Anị dogi-ḅo ḅarịye anie kịnị ḅarị jen kẹ í ḅio anga tẹ í í kiri ọkị ḅịa ḍumo wararị apụ ma amakiri mẹ ḅio.

Izikẹlị 31:18

“Sịn mẹ anie Ijiputi ḅẹ amadaḅọ ḅe na ori atomi na, Ideni ḍụọ ḅio ḅẹ asịn ma sọ anị sịn mẹ gele tẹ tọrụ-gbẹ ḅara sime-ḅara sime-a. Kụma mịọkụ, arị Ideni ḍụọ ḅẹ asịn ma kịka tẹ ideri koro mu fịtẹ-apụ ma ḅụ sọ tẹ Tamụnọ-nimi-a tẹ ọmụ ḅio fịị apụ ma ḅụ sọ ḅa. Yẹrị ḍuko tẹẹ,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅarị.

Izikẹlị 32:18

Ori mẹẹ: Fịị-fịị tomḅọ, Ijiputi ḅẹ tọnwa atomi ma gotẹ ḍụẹịn-ḍuu. Ịn kẹ osi kụrọtẹ asịẹ ma ḅụ sụa fịtẹ-apụ ma tomikiri mẹ fịrịma.

Izikẹlị 32:20

“Ijiputi-ḅẹ-apụ ma ọmụ ḅio fịị apụ ma ḅụ sọ tẹ ḅịkị ḅa. Okologie tẹlẹma wẹrị wararị kẹ inimgba ḅaa.

Izikẹlị 32:27

Ịn kụn nyana ḅara kẹ in ḍiḅi-a, ọmụ-kụrọnị opu apụ kịka ḅara elemu sakị ḅẹ ḅara mẹ, anie ọmụ-aị ḅiri gbasịma tẹ ḍuḅu ḅio mu apụ ma, ịna okologie ma ịna sịḅị saakị tẹ ịna ekpeke ma nwẹnị ịna oju ma ọgọnọ. Mịna ọmụ-kụrọnị opu-apụ ma gbọrụ sakị ḅụ in ḍumo wararị apụ tẹmẹ-naịn-naịnmam.

Obadaya 1:4

Ị́ nwẹnị igo feni fiin ḅara kẹ gele-faatẹ anga la tẹẹ sọ, anịanịa lolia ma ogboku ị́ warị nama tẹẹ sọ, àrị ị́ nụnụ ideri kiri ḅio gbin ḅa.

Matiyo 10:28

Oju akpakpa mẹ ngẹrị ḅaa tẹ ḅarị inetẹ tẹmẹ mẹ ḅaa ḅịa apụ ma, ọmịnị in gotẹ ḅalafa ma; anie nakara Tamụnọ mie ó mangịma ḅarị ḅọ, anie inetẹ ẹlị ḅio oju akpakpa mẹ na, tẹmẹ na ḅaa guluguluma ḅẹ ḅọ ḅe.

Matiyo 11:23

Tẹ Kepanọmụ, kịngẹ kụma í ḅiim ị́ ị́ ḅụụ saakị-gelema mu so la! Nimi mịnẹ ini ị́ kẹ gbin iderima-ḅo ḍuḅu ḅio suu ḅa. Í ḅio ḅụ kọrị tẹ ḅụụ-buama-aị nwẹnị Sọdọmụ ḅụ kọrịm namịna mimgbe anị fa-a tẹ sime ḅo mịmgba mẹ sọ la tẹ!

Matiyo 4:13

Ò so sakị ò mu Nazarẹtị ḅụ anga-a, kụma Kepanọmụ nwẹn-sịn, Galili tọrụ akaka ḅẹ ama ḅụ mie ò mu anga ye, (anị ama mẹ anie Romu ḅẹrẹtọn mẹ ḅẹ sịḅịda ama Galili ḅụ), tẹ Zẹbulọnị na Nafutali na ye-yọ ḅụ anị simem.

Luku 13:28

Ọ́ kpọma owu tẹ pịkị aka farị ḅa, ọmịnị Ebira-amụ na, Ayịzịkị na, Jekọbụ na, ịkịankoroapụ ma na ẹrị ḅẹ sakị, Tamụnọ Ama-da yọ mẹ ḅụ, tẹ ini ọmịnị ma sukuruma pakama ḅa.

Luku 16:23

Tẹ Ḍuḅu ḅio ḅụ ori opu akụye daarị ogbo ọ̀ nwẹnị tọrụ saakị tẹ ala-jụ ḅio Ebira-amụ ẹrị, Lazarọsị ori akaka lẹgị-sime wararị.

Ditẹrọnọmị 1:28

Wa iwo tọ anga muarị? Wamịna amịnapụ mịẹ tẹ wamịna aḅioḅẹngbọ sanị tẹẹ. Ịn ḅẹẹm, “tomi ma ịn gburo-gburo na, gele na kẹ wa nẹngị wararị, opu ama ma ḍụḅa ḍụḅa wararị, tẹ ini ọmụ-aị kẹ arị mịẹ kụrọma mu so la wararị; anie sikima, wa anịjụ ḅụ nonji-atomi ma owiapụ ma ẹrị tẹẹ.”

2 Pita 2:4

Enjẹlị tẹ si mịẹ apụ ma sọ, Tamụnọ papaa ḅara kẹ ịn wẹrịso-a, kụma ori ịn kẹ ẹlị ḅio, ikoli kẹ ini ịkasị koromam, kanakana ḅio, tẹ ini anịanga sime tẹ Ḅẹrẹkọn Ene mẹ koruarị.