Luku 10:13 - FỊAFỊA BAỊBỤLỤ

¹³ “Korazịnị, ị́ tẹkẹlẹ ḅa! Bẹtịsayịda, ị́yẹrị sọ ị́ tẹkẹlẹ ḅa! Ọmịna aḅio mịẹ ḅụụ-buama-aị ma Taya na Sayịdọnị na ḅụ mịẹm namịna mimgbe iḅere-iḅerea kụra-ḅio ịn lẹgị-sime tẹ akpa ịnwaịn tẹ fọọn kẹ ịna sịḅị sara tẹ kẹ ḍie tẹ mịnẹ ini ịna asi ḅụ pịkị tẹẹ.

Luku 10:13 Iomraidhean Croise

Jobu 42:6

anịẹrẹsị arị ị̀ ḅụụ ḍiki-simam, tẹ ḅụọ-kuḅu na ọpọ ḅio ḅẹ afọn na ḅụ pịkịm si ḅụ.”

Ayịzaya 61:3

Kẹ Zayọnị ḅụ kururuarị apụ ma pịrị Ḍereku na ḅioḅẹlẹ na, ḅioḅẹngbọ-si nakara, Tokini nume-su, kururu nakara. Ini opu asịn kịka ḅa Anie KỊNỊNYANAḄỌ ḅe ḅarana ḍiḅi aị. Inimgba kuraye mịẹ ḅa, Tẹ Tamụnọ tokini ḅa ọ̀ kọrị tẹ ye gotẹ.

Izikẹlị 26:1

Kịnị ma kun-so tẹ oyi gberie finji karama kụra mẹ, akalụ ḅụ tarị ene mẹ ḅụ KỊNỊNYANAḄỌ ḅe ẹkwẹn ị̀ pịrịm.

Danẹlị 9:3

Tẹ à kpọma tẹmẹ-la ḅara kẹ KỊNỊNYANAḄỌ Tamụnọ ḅe tẹkẹm, ye sime-ḅara kẹ ori na ẹkwẹnmarị, ḅuru-ịmọarị, akpa ḅiriarị, pịkị fọọn ḅio lẹgịarị.

Emọsị 1:9

KỊNỊNYANAḄỌ ḅe ḍukoarị, “Taya ḅẹ apụ ma si mịẹ-mịẹ-mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. In bebe sịẹ dogi-so mu Idọmụ amakiri ḅụ kun-ḅara ḅio wẹrịm tẹ ịn mịẹ wararị ikia ḅịḅị-kẹ-ogbosọ mẹ sọ in koko-a.

1 Timoti 4:2

Ọkọ sime toluma aị ma iruo kẹ oḅori-kẹ-kịnịsịn ḅụ mie ini arị wasamarị, anịsakị aniemẹ mịẹarị apụ ma ịna tẹmẹ aḅioḅẹngbọ fịị tẹ, gbala ọfịrịarị ikulele kẹ dọkịma ye ọkụ.

Mịẹfinji 11:3

Arị ì ḅẹrẹ-kiri sime maa apụ kẹ fịrịma ḅa, akpa mie in ḅiri ḅarịye, tẹ ịn Tamụnọ oku mẹ ḍuko wasama ḅa, arị aḍin tẹra ẹndẹ tesi finji ma ḅụ.”