Luku 10:11 - FỊAFỊA BAỊBỤLỤ

¹¹ ‘Ọmịna ama mẹ ḅẹ onwin tẹ wamịna aḅụọ oḅolo ye sọ wa gugu sara ọ́ pịrị tẹẹ! Kụma ọ́ kẹ ḅiokoromaa mịnẹ Tamụnọ Ama-da mẹ ḅo ó kpeki tẹẹ!’

Luku 10:11 Iomraidhean Croise

Izikẹlị 2:5

Arị kọngọ-kụrọma-apụ ma ini í poki ḅarị-o, in poki ḅịa-o, in nimi ḅa mịnẹ ịkịankoroḅọ ịna ogboku sime tẹẹ.”

Matiyo 10:14

Tẹ gbọrụ warị, anịanịa ama, nwẹnị ọ́ daa-ọkịa, pịkị ọ́ kẹ mu oku mẹ poki ḍụkụ-a ḅẹḅẹ, ọmịnị anịanga mẹ koroma-soo, tẹ ó soarị sakị ọmịna aḅụọ oḅolo fọọn sọ ó gugu sara tẹrẹmẹ ó soo.

Matiyo 10:7

Ó mu tẹ ịn ḅẹẹ, ‘Tamụnọ Ama-da mẹ ḅo kpeki tẹẹ!’

Matiyo 3:2

Ọ̀ kọn ẹkwẹn mẹ ḅẹ sịḅị anie, “Ọmịnị ọmịna asi ḅụ pịkị tẹ Tamụnọ ḍọkụma-muu, gbala Tamụnọ Ama-da mẹ ḅo laa ḅẹ tẹ.”

Makị 6:11

Ó ḅo gbọrụ ama la tẹ tomi ma ọ́ daa-ọkịa, anịanịa ó ḍuko ḅẹ ye poki ḅịa ḅẹḅẹ, ọmịnị ọmịna aḅụọ ḅẹ fọọn gugu sara tẹ soo. Anie mẹ ḅeri nụnụ ye sọ ịn pịrị ḅa!”

Luku 10:10

Kụma ó mu gbọrụ ama la tẹ ini ọ́ daa-ọkịa ḅẹḅẹ, ó mu etela-ogbo sime tẹ ịn ḅẹẹ,

Luku 10:9

tẹ ama mẹ ḅio sime obiapụ gwọ, tẹ ḍuko tomi ma pịrịị, ‘Tamụnọ Ama-da mẹ ḅo ó kpeki tẹẹ!’

Luku 9:5

Kụma tomi ọ́ daa-ọkịa anga goyegoye ọmịnị ama mẹ koroma so, tẹ ọmịna aḅụọ oḅolo onwin sọ gugu sara, tẹ kẹ ḅeri-nụnụye sọma ịn pịrịị.”

Fịrịmẹnjịapụ 13:26

Ì pembema Izirẹlịapụ, Ebira-amụ furo paka apụ, na ọmịnị mịanga simearị Ja asịẹ ḅẹ apụ mamgba tẹ sunsin Tamụnọ pịrịarị apụ na: mị ḅọrọma oku mẹ wamịnị-mgba mie Tamụnọ anị kẹ fịrịma ye.

Fịrịmẹnjịapụ 13:40

Ọkọẹrẹsị, ọmịnị ẹbị mịnẹ ịkịankoroapụ ma ḍuko ye mẹ ọmịna ḅụụ paka-a.

Fịrịmẹnjịapụ 13:46

Kụma Pọlụ na Banabasị na nwẹnị paa ḅalafa-a ḅara kẹ ẹkwẹn pakama: “Anị mịẹ na-iḅi ḅara ḅụ, ọmịnị ma mie kịnị tarị Tamụnọ ẹkwẹn mẹ kọn pịrị gbẹẹ apụ, kụma ọmịnị anị sịkị tẹ, ọmịnị ọmịna ḅụụ kẹ sime gbamaso ḍumo gbẹẹ apụ sịn-a ḅẹẹ sakị, wa ọ́ wẹrịso tẹ tọrụ kẹ Ja asịẹ ḅẹ apụ ma da ḅa.

Fịrịmẹnjịapụ 13:51

Tẹ fịrịmẹnjịapụ ma nwẹnị ịna aḅụọ oḅolo onwin mẹ gugu sara, anị ini in dee ye ḅẹ elekima sọ ḅẹ ḅara, tẹ ịn nwẹnị ḅọrọ so Ikonịyọmụ mu.

Romu 10:21

Kụma Izirẹlị gbolomaye ḅụ Ayịzaya pịkị ḅẹẹm, “Bebe ene mẹmgba arị ị̀ aḅara finji pakama tẹ ḅịḅị poki-a na kọngọ koroma na atomi ma daa-ọkị ḅẹm.”

Romu 10:8

Anị ḍukoarị ye anie mie: “Tamụnọ oku mẹ ọmịnị na kpeki wararị, anị ọmịna ḅịḅị ọgọnọ na ọmịna ḅioḅẹngbọ na ḅụ emi”, anie minini oku mẹ tẹ wa ḍukoarị ye mẹ.

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.