Luku 1:9 - FỊAFỊA BAỊBỤLỤ

⁹ Agbamịẹapụ ma wẹrịtẹ mịẹ-mịẹ ḅara ḅụ, ịn sụa apịan ori ọlọm, mịnẹ ori kụnụaị dọkịmaa, agbamịẹ-anga mẹ ọgọnọ. Anie ḅụ ọ̀ nwẹnị KỊNỊNYANAḄỌ ḅe Warị mẹ ḅio sọ-mu,

Luku 1:9 Iomraidhean Croise

1 Paka-aị 23:13

Amịramụ owiapụ-awọmẹ anie Erọnị, Mozizi na. Erọnị ini ò sikima kẹ fịafịa tẹịn aị ma mịẹ fịafịa ma pịrịm, mịnẹ ori na ori owiapụ-awọmẹ na sime KỊNỊNYANAḄỌ ḅe tọrọkọ kụnụaị dọkịma pịrị gbamaso ḅa.

1 Paka-aị 6:49

Kụma Erọnị na ori owiapụ-awọmẹ ma na dọkịma agba mịẹ anga mẹ ḅụụ dọkịma-agba mịẹ mẹ na, kụnụaị dọkịma anga mẹ ḅụ kụnụaị dọkịma mẹ na, onyo-sẹịn kẹ Fịafịa-tẹịn Yọ mẹ ḅụ ḅẹ kọrịnama mẹmgba na, pịkị ḅẹrẹ fama kẹ Izirẹlị pịrị, Mozizi Tamụnọ fịrịmẹnjịḅọ ḅe wẹrịtẹ tọn tẹ ḅara mẹmgba ḅụ.

2 Paka-aị 26:16

Kụma ọ̀ kụrọ tẹso, ọ̀ nwẹnị saakị opu amịẹaị mịẹ ọ̀ ḅaa ḅe ye pịrị. Ọ̀ gbala papaaye mịẹm KỊNỊNYANAḄỌ ọ̀ Tamụnọ ḅe ḅụụ, tẹ kụnụaị kẹ KỊNỊNYANAḄỌ ḅe Tẹkẹ-warị mẹ ḅio sọ-mu kụnụaị dọkịma edeni mẹ ọgọnọ dọkịma ḅẹ mum.

2 Paka-aị 29:11

Ì owiapụ-awọmẹ, mịọkụ ọ́ ḅarị fịrị-sụgba ma, kẹ gotẹ ọkọ ḅẹẹarị, KỊNỊNYANAḄỌ ḅe ọ́ sẹlẹ-ọkị tẹ ọmịnị ọ̀ tọrọkọ sịẹ, tẹ fịrị mẹnjị ọ̀ pịrị ḅe ḅara, anịsakị ọmịnị ori afịrịmẹnjịapụ sọ tẹ kụnụaị dọkịma-dọkịma ọ̀ pịrị ḅa.”

Kịẹn-aḅịḅị 16:40

anị ye kẹ kịnị ḅiokoromaye sọ Izirẹlịapụ ma pịrị ḅarị ḅara, mịẹtẹ agbamịẹḅọ-a tomḅọ, Erọnị furo ḅụ paka-ḅo-a ḅọ, sọma mu agbamịẹ-anga mẹ kpeki, tẹ KỊNỊNYANAḄỌ ḅe tọrọkọ agba dọkịma ḅịa ḅara, anieofori mḅọ ḅofa ḅo Kora na ori ogbo ḅẹ apụ na sọ KỊNỊNYANAḄỌ ḅe wẹrịtẹ Mozizi ḅụ ḅọrọ tẹ kẹ Ẹlịyeza ḅẹẹ ḅara.

Matiyo 27:5

Tẹ Judasị nwẹnị igbigi ma kẹ Tamụnọ-warị mẹ ḅio wọịma sara tẹso, ọ̀ nwẹnị mu ọ̀ ḅụụ kpọọ ḅaam.

Hiburu 9:6

Mie ịn wẹrịtẹ arị aị mamgba kẹ ọrụtọn ḅara. Ene goyegoye agbamịẹapụ ma Akpụrụ tẹkẹ-warị mẹ ḅẹ warị-kuḅu mẹ ḅụ ịna kọrịnama kọrịarị,

1 Samụẹlị 2:28

Izirẹlị ḅẹ afuro mamgba ḅụ, àrị ọ̀ sẹlẹ-ọkị tẹ kẹ ị̀ agbamịẹḅọ mịẹm, iwo ị̀ agbamịẹ-anga mu kụnụaị dọkịma ị̀ pịrị, ị̀ tọrọkọ Ẹfọdị nwẹn-sịn kapa mẹ sụa, anịsakị Izirẹlịapụ ma fịnị ḅụ mịẹ ḅẹ ị̀ agba mamgba à kẹ ị́ ḍa warị mẹ pịrịm.