Luku 1:80 - FỊAFỊA BAỊBỤLỤ

⁸⁰ Tụḅọ ḅe nwẹnị ḍụḅa paka ḅo, oju ḅụ na tẹmẹ ḅụ na. Ịkpa ḅio anie ori anga nwenii tẹ ọ̀ ḅụụ-pakama Izirẹlị ḍie ene la ye.

Luku 1:80 Iomraidhean Croise

Matiyo 11:7

Jọnị ḍukamẹnjịapụ ma soarị ogbo, Jizọsị nwẹnị Jọnị gboloma ye ḍuko ò gbori-ikelema wararị tomina-ogbo-ogbo ma pịrị: “Ọmịnị ịkpa mẹ ḅio Jọnị dama-mu sakị ó ḍiki ḅẹ mu ye tiye? Fẹrụ fie ḅọlọlọmarị asịra mụnọọ?

Matiyo 3:1

Anị sakị mẹ ḅụ Minji Sara Jọnị ḅo Judiya ḅẹ ịkpa mẹ ḅio saakị Tamụnọ ẹkwẹn kọnm.

Luku 1:15

KỊNỊNYANAḄỌ ḅe tọrọkọ ori opu tomḅọ sọ ḅa. Ori iru ḅuu ḅịa, jen-a jen-a kụrọ iru. Ini ori iyi koroma gbọrụ sakị Fịafịa Tẹmẹ ḅe ọ̀ ḅụụ sọ ḅin ḅa,

Luku 2:40

Tụḅọ ḅe nwẹnị ḍụḅa paka-ḅo, tẹ pịkị ịnyọ nyana. Ò ye nimi lamam, tẹ Tamụnọ aboma ori ọgọnọ gbanam.

Luku 2:52

Jizọsị nwẹnị ḍụḅa paka-ḅo, oju na ye-nimi na ḅụ, Tamụnọ ḍiki-ḅụụjịrị ori na simem, tomi pịkị iḅi tọrụ kẹ ò ḍiki ḅioḅẹlẹm.

Jọnị 1:31

Yẹrị sọ àrị ò nimi ḅaka-a, kụma mịẹtẹ Izirẹlịapụ ò nimi ḅẹ ye gotẹ à ḅo minji kẹ ịn saram.”

Fịrịmẹnjịapụ 18:28

Anị mịẹ ḅara ò mu Juu-ḅẹ-apụ ma na ama-ogbo ye-nụnụa kụrọma sakị ori ẹkwẹn mẹ kụrọ na, ọ̀ kẹ Fịafịa Ḍiri mẹ ḅio paka-ḅo aị na kẹ Jizọsị anie Mẹsaya ḅe nwẹn ḅẹẹ ye mẹ ḍuko giregirema ḅara mẹ na, mịẹtẹ ini inetẹ ò kuḅu sịẹ-a.

1 Samụẹlị 2:21

KỊNỊNYANAḄỌ ḅe toluma Ana ḍikim, tẹ á sime kọn, tẹ tẹra owiapụ-awọmẹ na, maa eremịna-awọmẹ na iyim. Anịsakị Samụwẹlị, owiḅọtụḅọ ḅe KỊNỊNYANAḄỌ ḅe tọrọkọ ḅụ sime tẹ ḍụḅam.