Luku 1:8 - FỊAFỊA BAỊBỤLỤ

⁸ Gbọrụ ene Tamụnọ-warị mẹ ḅio agbamịẹ kọrịnama kọrị nwẹnị ḅo Zẹkaraya la, anie ene-ḅaaene-ḅaaene ọ̀ kọrị-kọrị ye mẹ.

Luku 1:8 Iomraidhean Croise

1 Paka-aị 24:19

Mịna apụ ma ini ịn tọn suu tẹ kọrịnama ḅara ḅụ, ịna fịrị ḅụ ịn KỊNỊNYANAḄỌ ḅe warị mẹ ḅio sọ ḅo ḅa, tẹ ịna ḍaḅọ Erọnị wẹrịtẹ mịẹ pakama ịn pịrị tẹ anị wẹrịtẹ mịẹ-mịẹ ḅara mịẹ ḅa KỊNỊNYANAḄỌ Izirẹlị ḅẹ Tamụnọ ḅe wẹrịtẹ tọn ọ̀ pịrị ḅara.

1 Paka-aị 24:2

Kụma Nadabụ na, Abihu na awọ iyi-a ḅara ḅụ fịị tẹrẹmẹ ịna ḍaḅọ fịịm, anieḅụ Ẹlịyeza na, Itama na ḅo agbamịẹapụ sọm.

2 Paka-aị 11:14

Livayị furo-ḅẹ-apụ ma sime inimgba pịrị osuka-akiri ma na, in nyana aị na koroma so tẹ Juda na Jeruselemu na ḅom, gbala Jerobohamụ na ori owiapụ-awọmẹ na KỊNỊNYANAḄỌ ḅe agbamịẹapụ ḅara kẹ fịrịmẹnjị ḅụ in sukuruma pakamam ẹrẹsị,

2 Paka-aị 31:19

Erọnị owiapụ-awọmẹ, agbamịẹapụ ma tẹ sime ịna opu ama ma pịrị tẹ sime wenimgba pịrị aḍụọ-kiri ma ḅụ angarị apụ ma, kịrị-kịrị opu ama ma ḅụ owiapụ emi, ini ẹrẹ kẹ sịn tẹ gbọrsịḅị sime ḍiekiri ma ḍiema-ḍiema agbamịẹ owiapụ ma ogboku na, ḅẹḅọ-ḅẹḅọ tẹ Livayị furo-ḅẹ-apụ ma ogboku ḅụ ẹrẹ sụa apụ ma pịrịarị apụ.

2 Paka-aị 31:2

Hẹzịkaya nwẹnị agbamịẹapụ ma na, Livayị furo-ḅẹ-apụ ma na kẹ kpoo-kpo ḍiema; agbamịẹapụ ma na, Livayị furo-ḅẹ-apụ ma na, ọrụ kpoo-kpo amịna fịrị nyanam, fịrị mẹ wẹrịtẹ sime-ḅara. Agbamịẹapụ ma na Livayị furo-ḅẹ-apụ ma na sime in pịrị yee anie dọkịma-agba mịẹ na, dein-pịrị-agba mịẹ na, KỊNỊNYANAḄỌ ḅe warị mẹ ḅẹ ogigo-aḅọkọ ḅụ ḅẹ fịrị mẹnjị na, ịmịẹtẹ ḅẹẹ na pịkị tokini anume su na.

2 Paka-aị 8:14

Ò ḍa Devidi wẹrịtẹ tọn koroma ḅara, ori agbamịẹapụ itu-itu ma tọn ịna fịrị pịrịm, tẹ Livayị furo-ḅẹ-apụ ma na tọnm, ịna tokinii fịrị akiri ma na, agbamịẹapụ ma tọrọkọ ḅụọ-ḅụọ nyana tẹ ogigo-aḅọkọ ma pịrịm; gbala mịẹ Devidi, Tamụnọ tomḅọ ḅe tọn tẹ ḅara.

Ẹzịra 6:18

In nwẹnị agbamịẹapụ ma kẹ ịna kpoo kpo ma ḅụ wẹrị, tẹ Livayị furo-ḅẹ-apụ ma kẹ Jeruselemu ḅụ Tamụnọ fịrị tẹ Mozizi ḍiri mẹ ḅio anị wẹrịtẹ kẹẹ wararị ḅara ḅụ ịna fịrị akiri ḅụ koromam.

Paka-so 28:1

“Í iyimbere Erọnị na, ori owiapụ-awọmẹ Nadabụ na, Abihu na, Ẹlịyeza na, Itama na ọkị-ḅo ị́ ḅụụ kpekimaa, Izirẹlịapụ ma ḅụ. Ini agbamịẹapụ ḅara ḅụ fịrịmẹnjị ị̀ pịrị ḅa.

Paka-so 28:41

Anịsakị ị́ kapa ma kẹ í iyimbere Erọnị na ori owiapụ-awọmẹ na sụa ḅa, tẹ fịafịa-pulo kẹ ịna asịḅị sara, tẹ ḅara kẹ ịna asịḅị gbana, tẹ ịn mịẹ fịafịama sikima wẹrị ḅa, mịẹtẹ ini agbamịẹapụ ḅara kẹ fịrịmẹnjị ị̀ pịrị ḅarị ḅara.

Paka-so 29:1

“Mịọkụ miemẹ anie ị́ kẹ ịn mịẹ ḅarịye ịn mịẹ fịafịama sikima wẹrị ḅụ, mịẹtẹ ini agbamịẹapụ ḅara kẹ fịrị mẹnjị ị̀ pịrị ḅarị ḅara. Ḅụụ ḅụ ḅẹkụ ofori gbọrụ asambịrịma owi-nambulo na, maa ejimina na,

Paka-so 29:44

À Kobiri Akpụrụ-warị mẹ na, agbamịẹ-anga mẹ na mịẹ fịafịama ḅa; Erọnị na, ori owiapụ-awọmẹ na sọ arị agbamịẹapụ ḅara ḅụ ịn mịẹ fịafịama ḅa.

Paka-so 29:9

tẹ ḅiri-ponoaị kẹ ịna aḅiri pono, tẹ sun ma kẹ ịn sure ḅa; tẹ agbamịẹ fịrị mẹ ịna nye sọ mu ḅẹ sakị, ḅẹ sakị la ḅa kẹẹ-korotẹ oloko ḅara ḅụ. Mị ḅara mie ị́ kẹ ḅara kẹ Erọnị na, ori owiapụ-awọmẹ na ọgọnọ gbana tẹ ịn mịẹ fịafịama ḅarị ḅara.”

Paka-so 30:30

Í fịafịa-pulo kẹ Erọnị na, ori owiapụ-awọmẹ na sịḅị sara tẹ ịn mịẹ fịafịama ḅa, mịẹtẹ ini agbamịẹapụ ḅara kẹ fịrịmẹnjị ị̀ pịrị ḅarị ḅara.

Kịẹn-aḅịḅị 18:7

Kụma ị́yẹrị na, í owiapụ-awọmẹ na kẹ ị́ ḅụụ sụa, mie agbamịẹ kọrịnama tẹ agbamịẹ-anga mẹ gboloma agbamịẹ akọrịnama mamgba, anie kiki-pẹlẹ-ḅịtẹ mẹ ḅẹ ḅioju ḅụ Fịafịa-tẹịn Yọ mẹ ḅẹ fịrị mẹnjị ḅarịye; Ị́ agbamịẹ kọrịnama mẹ, yẹrị anị kẹ ḍiepịrịye ḅara ḅụ ị́ pịrịm; anịsakị ḅẹḅọ-ḅẹḅọ tẹ sọma ḅo kpeki ḅọ, kpeki ḅọ mḅọ fịị ḅa.”

Luku 1:5

Ẹrọdị Judiya ḅụ ama-daarị sakị, Abija agbamịẹ ọrụ mẹ ḅụ Zẹkaraya nwẹn-sịn agbamịẹḅọ simem. Ọ̀ ta ẹrẹ Elizabẹfụ, árị ma sọ Erọnị furo-ḅẹ-ḅọọ.

Luku 1:7

Ini awọ nyana-a, Elizabẹfụ amụ tụḅọ iyi-a ẹrẹsị, anịsakị árị na Zẹkaraya na pịkị kpọma omongi tẹ.