Luku 1:79 - FỊAFỊA BAỊBỤLỤ

⁷⁹ tẹ So-ḅio anị sime tẹ ḅịya fị kanakana ḅio angarị apụ mamgba sarama ḅa, tẹ wamịna aḅụọ da dein etela ḅio suu ḅa.”

Luku 1:79 Iomraidhean Croise

Jobu 10:22

ama mẹ tẹ kpiti tẹ ọrụtọn-a ḅara sime ama mẹ; tẹ bele kanakana sime-ḅara sime ama mẹ.”

Jobu 3:5

Yee ḅụụ-oḅoku na furu-kịtịpụtẹ kanakana na anị nyana. Yee kpiti So-tọrụ anị ḅụ anga; Yee ene mẹ ḅẹ kurukuru anị tẹmẹ naịn-naịnma.

Devidi-Anume 107:10

Japụ furu na kanakana na ḅio anga simem, ikoliapụ tẹ ini ikoli kẹ ịkasị kuroma tẹ tọrụsiẹrị sime apụ,

Devidi-Anume 107:14

Ori ịn pakama-ḅom ịna furu na kanakana na ḅio tẹ ịna ikoli ma anyịma kọsịma saram.

Devidi-Anume 23:4

KỊNỊNYANAḄỌ, tụkụmaye à fị ḅalafama ḅara kẹ ḅalafamarị ḅụụ-fụka ḅio sọ ḅẹsọ, à ḅalafa ḅịa, gbala ị́yẹrị ị̀nịna emi ẹrẹsị. Ị́ anana-fomuye mẹ na mkpara mẹ na ḅiokpọ na kpaịn-sakị kẹ ị̀ pịrịarị.

Devidi-Anume 25:12

KỊNỊNYANAḄỌ ḅe ḅịḅị pokiarị apụ ma, ori ịn mẹnjị ḅarị karakara etela kẹ ịn ḍie ḅa.

Devidi-Anume 44:19

Anịsọ ị́ ḅarasụa wa pịrị-a tẹ wa kẹ kịnị-ḅaaḅa piri-ḅio-ḅẹ anama ogboku ḅụ koroma-som; kpiti tẹịn kanakana ḅio mie ị́ wa kẹ gbin kuroma tẹ so ye.

Egberima-Ẹkwẹn 3:17

Nimi inetẹ mịẹ tẹ í ḍumo ḅụụ-ḅẹlẹma ḅa, tẹ ị́ kẹ mu ye ị́ la ḅịa yọ ḅụ suu wẹrị ḅa.

Egberima-Ẹkwẹn 8:20

Karakara mịẹ etela mie à mẹnjịarị; aḍụa ofori ḅẹrẹkọn etela ma mie à ḍuka-muarị,

Ayịzaya 42:16

“À tọrọkọ tarị tẹ ị̀ atọrụngbọ-pụụntẹ-apụ kẹ jene-jene amụ ịn ḅọrọ ye mu-a etela ḅụ ḅọrọ ḅa. Arị ịna kanakana kẹ bele sọma tẹ gbima-gbima amakiri mẹ mịẹ miniminima ḅa ịna tọrọkọ. Ma ma mie à minini aị ma, tẹ gbarị-a ḅara ḅụ arị arị mịẹ ḅa.

Ayịzaya 42:7

Ị́ tọrụngbọ-pụụntẹ-apụ ma tọrụngbọ finji ḅa, pịkị kanakana ikoli awarị ḅio lẹgị wararị apụ ma pakama-ḅo ḅa.

Ayịzaya 48:17

Izirẹlị tẹkẹarị Fịafịa Ḅọ ḅe, KỊNỊNYANAḄỌ ḅe tẹ ọ́ ḅọrọmarị ḅọ ḅe ḅẹẹm: Yẹrị anie KỊNỊNYANAḄỌ ọmịna Tamụnọ ḅe; ọmịna iḅi gotẹ ye kẹ ó toluma ḅẹ-ḅiiarị ḅọ ḅe tẹ ọ́ da-mu ọ́ sọ na-iḅi etela ḅio suuarị ḅọ ḅe.

Ayịzaya 48:22

KỊNỊNYANAḄỌ ḍukoarị, “Ye ḅụụ la-a sime si-mịẹapụ pịrị-a.”

Ayịzaya 49:6

KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.

Ayịzaya 49:9

Arị ikoliapụ ma ḅẹẹ ḅa, “Ọ́ paka-soo!” pịkị kanakana ḅio simearị apụ ma sọ, ọ́ paka bele ḅio ḅoo! in tụndụ ma ọgọnọ sime tẹ osuka fịarị anana ma kịka ḅa,

Ayịzaya 59:8

tẹ gbọrụḅọ-sọ yela-a ḅara sime nyana-a ọmịnị emi anga ḅụ. Ọ́ nyana tẹ mịẹarị ye goyegoye jụmọ inoma ye famam. Sụngụma-sụngụmatẹ etela mie ọ́ mẹnjị-mẹnjị ye, tẹ anị etela mẹnjịarị tẹ ye ḅụụ la-a so ḅarị ḅọ ofori.

Ayịzaya 9:2

Kanakana ḅio mẹnjị sime apụ ma opuma opu bele ẹrị tẹẹ. Kpiti tẹ amakiri ḅụ ini angam, kụma mịọkụ bele ḅịyarị ịna ọgọnọ.

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Matiyo 4:16

Kanakana ḅio anga apụ ma opu bele ẹrị ḅa, fịị kanakana ye-yọ ḅụ anga apụ ma, bele ḅịya ịn sarama ḅa.”

Luku 2:32

Bele tẹ Í ḅiiarị ye mịẹ finji Ja asịẹ ḅẹ apụ ma pịrị, pịkị ebube sọ Ị́ atomi Izirẹlị pịrị.”

Jọnị 1:9

Mie ḅo ḅịya tomikiri ḅẹ atomi mamgba sarama ḅẹ karakara bele mẹ.

Jọnị 12:46

À bele sọ tomikiri mẹ pịrị ḅẹ ḅom, mịẹtẹ ì minini ḅọ, minini ḅọ kanakana ḅio sime ḅịa ḅara.

Jọnị 8:12

Jizọsị jen kẹ ẹkwẹn Farịsiiapụ ma pịrịm, ori mẹẹ, “Yẹrị anie tomikiri mẹ ḅẹ bele mẹ, ì ḍukamẹnjịḅọ-mẹnjịḅọ ḍumo bele nyana ḅa, tẹ ḅarị jen kẹ kanakana ḅio mẹnjị ḅịa.”

Jọnị 9:5

À tomikiri emi sakị goyegoye yẹrị anie tomikiri mẹ ḅẹ bele mẹ.”

Fịrịmẹnjịapụ 10:36

Tamụnọ kẹ Izirẹlịapụ fịrịma oku mẹ, tẹ Jizọsị Kịrayịsị, kịnị mamgba Nyanaḅọ ḅe ḅụ ḅọrọ tẹ ḍuko wasamarị dein Iḅi-Oku mẹ, ọ́ paa nimi tẹẹ.

Fịrịmẹnjịapụ 26:18

Í mu ịna tọrụ finji ḅa; ị́ pịkị kanakana ḅụ ịn da pịkị bele ḅio suu ḅa, tẹ Ekwesu kụrọ ḅụ ịn pakama-ḅo Tamụnọ pịrị ḅa, anị sakị ini ị̀ ḅụụ nyana ḅarị minini mịẹtẹ, Tamụnọ ịna asi mamgba wẹrịso ịn pịrị tẹ ini in sime na-iḅi kiri la ḅa Tamụnọ sẹlẹ-ọkị tẹ atomi ma ogboku.’

Romu 3:17

Ịna ḍumo ḅụ dein ofori,

Ẹfisọsị 5:8

Ọmịnị ḅioju sọ kanakana ḅio sime simem, kụma mịọkụ ó ḅo KỊNỊNYANAḄỌ ḅe atomi sọ tẹ mẹ, ó bele ḅio emi. Ọkọẹrẹsị ó sime bele pịrị apụ kịka ḍumo kọn,