Luku 1:74 - FỊAFỊA BAỊBỤLỤ

⁷⁴ ọ̀ wamịnị na fịya-a apụ ḅara-ḅio wa pụkọ-pakamaḅo tẹ wa ḅalafa-a ḅara kẹ fịrịmẹnjị ọ̀ pịrị ḅa,

Luku 1:74 Iomraidhean Croise

2 Amadapụ 17:39

Ọmịnị ị̀ ḅịḅị pokii, yẹrị KỊNỊNYANAḄỌ ọmịna Tamụnọ ḅe, tẹ àrị ọmịnị na fịya-a apụ mamgba ḅara-ḅio ọ́ ḍụa-ḅọrọma ḅa.”

Devidi-Anume 119:134

Ì ponomarị apụ ma ḅara-ḅio ị̀ ḅọrọmaa, mịẹ tẹ àrị ị́ tọn kuroma aị ma poki tẹ mịẹ ḅẹ ḅara.

Ayịzaya 43:21

Ini anie à tẹmẹ ị̀ ḅụụ pịrị apụ ma, tẹ in nume su-su ì tokini-tokini-tokini ḅa!”

Ayịzaya 45:17

Kụma KỊNỊNYANAḄỌ ḅe Izirẹlị ḅọrọma tẹ, anịsakị árị owu-ḅara-iḅi mẹ sime mu ḅẹẹ-sakị ḅẹẹ-sakị la ḅa; gbala-gbala arị atomi ḅarị jen kẹ tọrụ-tuu ḅịa.

Zẹkaraya 8:19

“Ọmịnị ọlọarị aḅuru-ịmọ ma anie ini, sọnọ, sọnọma, na oyi na karama akalụ ma ḅụ ḅo ḍereku na ḅioḅẹlẹma alalị sọ Juda ḅẹ apụ ma pịrị ḅa. Mịẹ ḅara mịẹ ḅara ọ́ karakara na dein na ḅẹlẹma nyanam.”

Luku 1:71

mịnẹ ọ̀ wamịnị na fịya-a apụ ḅara-ḅio wa ḅọrọma ḅa, pịkị wa ḍiki-ḅioḅu apụ kụrọ ḅụ wa gbaịn ḅa.

Luku 1:73

Ọ̀ tẹmẹ-la ḅara kẹ minini wamịna atẹngịḅọ Ebira-amụ pịrịm:

Luku 1:75

mịẹtẹ wa fịafịa tẹ Ọ̀ tọrọkọ karakara atomi sọ ḅẹ ḅara, wamịna ḍumo-ene mamgba ḅụ.”

Romu 6:22

Kụma mịọkụ in si ḅara-ḅio ọ́ pụkọ-pakamaḅo Tamụnọ omoniapụ sọma tẹ mẹ, ọ́ nyana ye anie ḅụụ mamgba kpaịnma koroma ọ́ pịrị, tẹ aniemẹ dogi-ḅo ọ́ pịrị ḅarịye anie sime gbamaso ḍumo.

Romu 8:15

Kẹ gotẹ ọkọ ḍukoarị, Tamụnọ kẹ ọ́ pịrị Tẹmẹ ḅe ọ́ kẹ omoni sọma tẹ ọmịna Tẹmẹ-naịn-naịnma ḅẹ ḅọ-a; anie nakara Tẹmẹ ḅe rẹ ọ́ kẹ Tamụnọ awọmẹ sọmarị, tẹ Tẹmẹ ḅe kụrọ ḅụ wa oloku pakama tẹ Tamụnọ naa ḅa, “Ḍaa, ị̀ Ḍa.”

2 Timoti 1:7

Kẹ gotẹ ọkọ ḍukoarị, Tamụnọ kẹ wa pịrị tẹ Tẹmẹ ḅe ọ̀ wamịna tẹmẹ-naịn-naịnma-a; anie nakara, ọ̀ Tẹmẹ ḅe kụrọ na, ḅẹlẹma na, ḅụụ-ọlọ na kẹ wamịna ḅụụ ḅio suu ḅinmarị.

Hiburu 2:15

tẹ nwẹnị mị-ḅara ḅụ, amịna ḍumo ene mamgba kẹ fịị ḍiki ḅalafa omoni-sọ apụ mamgba pakama-ḅo ḅarị ḅara.

Hiburu 9:14

Miemẹ karakara ye sakị goyegoye, Kịrayịsị ọmbie mẹ kpọma ọkọ nẹngị ḅara mịẹ tẹ! Sime gbamaso Tẹmẹ ḅe ḅụ mie ọ̀ ḅọrọ tẹ ọ̀ ḅụụ kẹ la tẹ agba mịẹ Tamụnọ pịrị ye. Ori ọmbie mẹ wamịna tẹmẹ aḅioḅẹngbọ ma sịkịrị fịafịama ḅa, ye ḅụ ofori amịẹaị ḅụ, mịẹtẹ wa fịrịmẹnjị ḍumo wararị Tamụnọ ḅe pịrị ḅẹ ḅara.

Mịẹfinji 2:10

Ọmịnị ẹrị ḅẹ-yearị tọrụsiẹrị goyegoye ọmịnị anị gotẹ ḅalafa ma. Ó pokii! Ekwesu ḅe ọ́ daaḍiki ḅa, ọmịna ḅụ ḅẹ ja apụ kẹ ikoli suu ḅụ, tẹ oyi aḍin mie ọ́ kẹ tọrụsiẹrị ḅarịye. Ọmịnị ọmịnị ị̀ ḅụ nyana minini mẹ ọlọ kụrọmaa, anị nwẹnị fịị dogi-ḅo sọ, tẹ yẹrị ḍumo kẹ owu-ḅara-iḅi apụ gbẹẹ-ye sọma tẹ kẹ ọ́ pịrị ḅa.