Luku 1:72 - FỊAFỊA BAỊBỤLỤ

⁷² Ọ̀ ḅẹẹm ọ̀ wamịna atẹngịapụ ma ḍiki tọrụ-kụrụkụrụ ḅa, pịkị ori ini na fị fịafịa ọḅọkụ mẹ kẹ ḅiokoroma ḅa.

Luku 1:72 Iomraidhean Croise

Suku-saakị 12:3

“Àrị í bomapụ-bomapụ boma ḅa, kụma àrị í woriapụ-woriapụ wori ḅa. Anịsakị ị́ ḅụụ ḅụ mie tomikiri ḅẹ afuro mamgba ḅọrọ tẹ boma ḅarịye.”

Suku-saakị 22:18

tẹ í furo-ḅẹ-apụ ḅụụ ḅụ mie tomikiri ḅẹ opu asịẹ mamgba boma nyana ḅarịye — gbala ị́ ị̀ ḅịḅịpokim ẹrẹsị.”

Suku-saakị 26:4

À mịẹtẹ í furo-ḅẹ-apụ kama tẹ So-tọrụ ḅẹ alolia ma ḅin ḅara ḅin ḅa; tẹ mịna ama mamgba kẹ í furo-ḅẹ-apụ pịrị ḅa; anịsakị í furo-ḅẹ-apụ ḅụụ ḅụ tomikiri mẹ ḅẹ opu asịẹ mamgba ḅọrọ tẹ boma nyana ḅa,

Suku-saakị 28:14

anịsakị í furo-ḅẹ-apụ kiri-ḅio ḅẹ fọọn mẹ ḅin ḅara ḅin ḅa, tẹ í wasama mu ịrụa-ideriarị-anga mẹ na, ịrụa-saakịarị-anga mẹ na, ọgọnọ-jụ mẹ na, suku-jụ mẹ na ḅụ sara ḅa; anịsakị ị́ ḅụụ ḅụ mie tomikiri mẹ ḅẹ afuro mamgba boma nyana ḅarị ye.

1 Paka-aị 16:16

ori Ebira-amụ na fị ọḅọkụ mẹ, ò ye karị ḅara kẹ minini Ayịzịkị pịrị ye mẹ.

Devidi-Anume 105:42

Ori ọ̀ mịẹ ḅẹ tẹ minini ọ̀ fịrịmẹnjịḅọ Ebira-amụ pịrị fịafịa mininiye mẹ kẹ ḅiokoromam.

Devidi-Anume 106:45

In gotẹ ori ori ọḅọkụ mẹ kẹ ḅiokoromam, tẹ ori opu ḅẹlẹma mẹ ẹrẹsị ọ̀ ḅara wẹrịm.

Devidi-Anume 111:5

Ọ̀ kụn-arị apụ ma ọ̀ mịẹ tẹ ịn fị ḅẹ ye ḅo ịna ḅara laarị; gbala-gbala ori ori ọḅọkụ mẹ kẹ ḅioḅọrọma-ḅụrama-a.

Devidi-Anume 98:3

Ò minini Izirẹlịapụ ma pịrịye mẹ ọ̀ mịẹm amịna ḅịḅị ḍima-a na kuno-a ḅẹlẹma nyana ịn pịrị na ḅụ. Anga, anga ḅụ simearị apụ mamgba owu wamịna Tamụnọ ḅe ḅara iḅi ye mẹ ẹrị tẹ.

Izikẹlị 16:60

Yẹrị kụma àrị àrị ị́nịna fị ọḅọkụ mẹ kụn ḅa, anie ị́ asambịrịma sakị ḅụ, tẹ à sime mu ḅẹẹ-sakị ḅẹẹ-sakị la ḅara ọḅọkụ kẹ ị́nịna na fị ḅa.

Izikẹlị 16:8

“À siin mẹnjị-ḅọrọarị ogbo, àrị ẹrịm mịnẹ ị́ na ḅẹlẹma ḅẹ sakị mẹ ḅo laa tẹẹ. À nwẹnị ì opu kapa kẹ ị́ paụtẹ oju gbaịn tẹ minini mịnẹ àrị ị́ ḅẹlẹma ḅa. Inn, àrị ị́ na sime ḅẹ ọḅọkụ kẹ ị́ na fịm, tẹ í ḅo ì nye sọm.” Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye.

Lẹvitikọsị 26:42

Anịrẹ arị à Jekọbụ na fị ọḅọkụ kẹ ḅiokoroma ḅa, pịkị arị Ayịzịkị na fị ọḅọkụ kẹ ḅiokoroma ḅa, pịkị àrị Ebira-amụ na fị ọḅọkụ kẹ ḅiokoroma, tẹ arị ama mẹ kẹ ḅiokoroma ḅa.

Mayịka 7:20

Ị́ wẹrịtẹ kẹ iḅere-iḅerea kụra-ḅio wamịna atẹngịapụ karịma ḅara, ị́ í minini na, jike-a ḅẹlẹma na nyana ị́ atomi, Ebira-amụ ḅụụ paka-ḅo apụ ma na, Jekọbụ ḅụụ paka-ḅo apụ ma na pịrị ḅa.

Romu 11:28

Ini Iḅi Oku mẹ sịkịm ẹrẹsị ini Juu-ḅẹ-apụ ma ḅo Tamụnọ na fịya-a apụ sọ tẹ, ọmịnị Ja asịẹ ḅẹ apụ ma sịḅị ẹrẹsị. Tamụnọ ịna atẹngịapụ ma sẹlẹ-ọkị ye ḅụ in ḅo ori ikiapụ sọ tẹ.

Romu 9:4

Ini anie Tamụnọ atomi ma; ori ḅarana ịn kẹ ori awọmẹ sọma, tẹ ori ebube kẹ in ḍiem; ori ini na ọḅọkụ fị tẹ Oloko mẹ kẹ ịn pịrịm; ini anie karakara Tamụnọ tẹkẹ mẹ nyana ye; Tamụnọ minini ịn pịrị aị ịn nyana tẹ;