Luku 1:70 - FỊAFỊA BAỊBỤLỤ

⁷⁰ Ò mininim ọ̀ fịafịa ịkịankoroapụ ma ḅịḅị ḅụ alatẹ sakị,

Luku 1:70 Iomraidhean Croise

Suku-saakị 12:3

“Àrị í bomapụ-bomapụ boma ḅa, kụma àrị í woriapụ-woriapụ wori ḅa. Anịsakị ị́ ḅụụ ḅụ mie tomikiri ḅẹ afuro mamgba ḅọrọ tẹ boma ḅarịye.”

Suku-saakị 3:15

À fịya-a kẹ ị́yẹrị na, ẹrẹḅọ ma na ogboku koroma ḅa, pịkị í furo-ḅẹ-ḅọ na, á furo-ḅẹ-ḅọ na; á furo-ḅẹ-ḅọ ị́ sịḅị fomu kọsịma ḅa, anịsakị ị́yẹrị mḅọ ḅụọ-tongu gbọn ḅa.”

Suku-saakị 49:10

Ama-da mkpara mẹ Juda ḅụ sikima ḅịa, anịanịa ḅẹrẹtọnḅọ ḅụụ da mkpara mẹ ò furo-ḅẹ-apụ ḅụ so, nwenii sịẹ, sịẹ igbigi oso-oso ọ̀ pịrị ḅa; anịsakị tomi-kụlọkụlọ ma ọ̀ ḅịḅị poki ḅa.

2 Samụẹlị 23:2

KỊNỊNYANAḄỌ ḅe Tẹmẹ ḅe ị̀ ḅụụ ḅụ ẹkwẹn-arị; ori ẹkwẹn-ḅịḅị mẹ ị̀ ḅẹlẹ ọgọnọ emi,

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Jerimaya 30:10

Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Makị 12:36

Fịafịa Tẹmẹ ḅe Devidi tẹmẹ jike tẹ ọ̀ ḅẹẹm: “KỊNỊNYANAḄỌ ḅe ị̀ Nyanaḅọ ḅe ḅẹẹm: Ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ suku-ḅio suu sakị la.”

Luku 24:44

Anịtẹso ọ̀ nwẹnị ịn ḅẹẹ, “Ma ma anie àrị ọmịnị na simearị sakị à ḍuko ọ́ pịrị-pịrị aị ma, mịnẹ Mozizi Oloko mẹ na, ịkịankoroapụ ma na, Nume Ḍiri mẹ na, ị̀ ḅụụ ḅụ kẹẹ ye goyegoye paka fama ḅa.”

Fịrịmẹnjịapụ 28:25

Mie ḅụ ịn nwẹnị so, tẹ in soarị sakị Pọlụ kọn gbọrụ ẹkwẹn mie ịn kẹ ye-nụnụa ma-so ye. Ori mẹẹ, “Fịafịa Tẹmẹ ḅe ịkịankoro Ayịzaya ḅụ ḅọrọ tẹ kọn ọmịna atẹngịapụ ma pịrị ẹkwẹn mẹ karakara lamam!”

Romu 1:2

Iḅere-iḅerea kụra-ḅio mie Tamụnọ, ịkịankoroapụ ma, ḅụụ ḅọrọ tẹ mị Iḅi-Oku mẹ minini tomi pịrị tẹ ini anị kẹ fịafịa ḍiri mẹ ḅio kẹẹ koroma ye.

Hiburu 3:7

Ọkọẹrẹsị, Fịafịa Tẹmẹ ḅe ḅẹẹarị, “Mịmgba ọ́ Tamụnọ pọkọ naa naa,

1 Pita 1:12

Tamụnọ mịẹfinji mịna ịkịankoroapụ ma pịrịm, mịnẹ ịna kọrịnama mẹ ḅẹ iḅi ini fị ḅịa, kụma ọmịnị, anie ini arị aị ma gboloma ye, tẹ Fịafịa Tẹmẹ ḅe So-ḅio ḅo kụrọ ḅụ Iḅi Oku mẹ ḅẹ oku-mẹnjịapụ ḍuko wasama ye mẹ ḍuko sakị mẹ. Mịna aị ma enjẹlị apụ sọ nimi ḅẹ ḍọkịm.

2 Pita 1:21

Kẹ gotẹ ọkọ ḍukoarị, gbọrụ ịkịankoro ẹkwẹn sọ amụ jene-jene tomḅọ kuroma ḅụ ḅo-a, kụma Fịafịa Tẹmẹ ḅe ḅẹrẹtọn tomina aḅioḅẹngbọ pịrịarị ogbo mie ịn Tamụnọ ḅara ḅo oku mẹ ḍuko ye.

2 Pita 3:2

À ḅiiarị mịnẹ ọmịnị, iḅere-iḅerea kụra-ḅio, fịafịa ịkịankoroapụ ma ḍuko tẹ aị ma kẹ ḅiokoroma, na KỊNỊNYANAḄỌ, pịkị Ḅọrọmaḅọ ḅe tọn koroma ye mẹ, tẹ ọmịna fịrịmẹnjịapụ ma da-saḅama ọ́ pịrị tẹ ye mẹ na.

Mịẹfinji 19:10

Àrị ọ̀ ḅụọ-suku ḅịkị koro tẹ ọ̀ tẹkẹ ḅẹ-yearị ogbo ori ị̀ ḅẹẹm, “Ọkọ mịẹ ma! Yẹrị sọ kọkọ, ị́yẹrị na ị́ amịnapụ ma na, inimgba tẹ Jizọsị kẹ tomi ḍie karakara mẹ minini tẹ ọlọ-sịẹma wararị apụ ma, pembema fịrịmẹnjịḅọ. Sunsin Tamụnọ pịrịị!” Gbala Jizọsị mịẹfinji karakara mẹ anie ịkịankoroapụ ma tẹmẹ jikearị ye.