Luku 1:69 - FỊAFỊA BAỊBỤLỤ

⁶⁹ Ori opu Ḅọrọmaḅọ kẹ wa pịrị tẹ, ọ̀ fịrịmẹnjịḅọ Devidi furo mẹ ḅụ paka-ḅo.

Luku 1:69 Iomraidhean Croise

2 Samụẹlị 22:3

Ị̀ Tamụnọ, ị̀ ịkụ, ḅụụ ḅụ à ḅụụ ḅọịarị ḅọ, ị̀ ekpeke, ị̀ ḅọrọma ịfalị ḅe, ị̀ kụrọtẹ ḅọị anga pịkị ị̀ ḅụụ ḅọị yọ, ị̀ ḅọrọmaḅọ; ị́yẹrị ye kẹ kịnị lama ye ḅụ ị̀ ḅọrọmam.

2 Samụẹlị 7:26

Anịsakị ini ị́ ẹrẹ mịẹ ḍụḅama gbamaso tẹ ḅẹẹ ḅa, ‘Kụrọmamgba Nyana KỊNỊNYANAḄỌ ḅe anie Izirẹlị ḅẹ Tamụnọ ḅẹẹ’, tẹ ị́ fịrịmẹnjịḅọ Devidi warị mẹ ị́ tọrọkọ ḅụ sịẹ-kụrọ ḅa

1 Amadapụ 11:13

Anị ọkọ mịẹ ḅa ḅẹsọ, ị̀ fịrịmẹnjịḅọ Devidi sịḅị ẹrẹsị na, à sẹlẹ ọkị ì nye mịẹtẹ opu ama Jeruselemu gotẹ, àrị ọ̀ ḅụụ bebe amakiri mẹ kan-siin fama ḅịa kụma à gbọrụ ibe kọnma ọ̀ pịrị ḅa”.

Devidi-Anume 18:2

KỊNỊNYANAḄỌ ḅe anie ì kikimarị ḅọ; ori owu inetẹ ḅo ị̀ la ḅịa anga sọ ị̀ pịrị tẹ. Ị̀ Tamụnọ anie ị̀ gbaịn-arị ḅọ, ọ̀ ḅara-ḅio ị̀ la-la ye ofori. Ori ekpeke sọ ị̀ pịrị wararị; ori ị̀ ḍụa tẹ ì koko kpaịnmarị.

Devidi-Anume 89:17

Í opu owu-ḅara-iḅi-ḅi-ḅi kẹ wa pịrịarị; ị́ ḅẹlẹma ḅụ ị́ mịẹ tẹ wa owu-kụrọnịapụ sọarị.

Devidi-Anume 89:3

Ị́ ḅẹẹm, “Àrị à sẹlẹ ọkị tẹ tomḅọ ḅe na ọḅọkụ fị tẹẹ; à ye minini ị̀ fịrịmẹnjịḅọ Devidi pịrị tẹ,

Jerimaya 30:9

Anie nakara yẹrị KỊNỊNYANAḄỌ ịna Tamụnọ ḅe mie ịn fịrịmẹnjị pịrị ḅarịye, pịkị Devidi furo-ḅẹ-ḅọ tẹ à kẹ emine ḅụ lẹgịma tẹ ama-da ḅẹ ḅọ ḅe na.

Izikẹlị 29:21

Anị ene mẹ ḅụ, àrị Izirẹlịapụ ma mịẹ kụrọma ḅa, tẹ mịẹ tẹ ị́yẹrị, Izikẹlị ḅe, ẹkwẹn pakama ḅa ḅẹḅọ-ḅẹḅọ inetẹ ị́ naa ḅẹ anga ḅụ, mịẹ tẹ in nimi ḅarị ḅara mịnẹ yẹrị anie KỊNỊNYANAḄỌ ḅe.”

Emọsị 9:11

“Anị ene mẹ ḅụ, à siin Devidi ama-da yọ mẹ pakama-ḅo ḅarị sakị mẹ, anie kaan-sara tẹ warị kịkarị ye mẹ. À siin anị ḅẹ onu ma tẹlẹma tẹ anị tarị ḅara mẹ sime ḅa. À siin anị nama tẹ anị mịẹ tẹ anị iḅere-iḅerea kụra ḅio ḅara mẹ sime ḅa.

Matiyo 1:1

Nwẹn goo ḅarị apụ ma anie Jizọsị Kịrayịsị atẹngịapụ ma. Ori Jizọsị Kịrayịsị ḅe Devidi furo ọ̀ pakam, anie Ebira-amụ furo-ḅẹ-ḅọ ḅe.

Makị 11:10

Tamụnọ wamịna ḍaḅọ Devidi Ama-da mẹ tẹ ḅoarị ye mẹ bomaa! Ọ́ Tamụnọ tokinii!”

Mịẹfinji 22:16

“Yẹrị, Jizọsị, ì enjẹlị fịrịmam mịnẹ ọ̀ mịna aị ma ḍuko ọmịnị sọsị ma ḅẹ atomi ma pịrịị. Yẹrị, Devidi furo ḅụ à pakam, yẹrị anie kamarị ḅaaso Lolia ḅee.”

1 Samụẹlị 2:1

Ana pịkị tẹkẹ tẹ ḅẹẹm: Ì ḅioḅẹngbọ KỊNỊNYANAḄỌ ḅe ḅụ gburo-gburo ḅioḅẹlẹ nyanam; ị̀ ịnyọ saakị gele tẹẹ, KỊNỊNYANAḄỌ ḅe ḅụ. Ị̀ ḅịḅị ị̀ na fịya-a apụ ḍẹrị pọndọm, arị ị́ ḅọrọma ḅụ ḍerekum ẹrẹsị.

1 Samụẹlị 2:10

KỊNỊNYANAḄỌ ḅe ḍiki ḅioḅẹlẹ-a apụ ma, pakịrị-pakịrị puu sara ḅa; ini mie ò So-ḅio so-alagba kẹ tẹịn ḅarịye. KỊNỊNYANAḄỌ ḅe tomikiri mẹ ḅẹ akunoma ma kọn ḅa; ori ịnyọ kẹ ori amadaḅọ pịrị ḅa, tẹ ò pulo kẹ sịḅị ḅụ sara tẹ ḅọ ḅe ịnyọ mẹ saakị-gelema ḅa.