Luku 1:68 - FỊAFỊA BAỊBỤLỤ

⁶⁸ “Ó yee wa KỊNỊNYANAḄỌ, Izirẹlịapụ tẹkẹarị Tamụnọ ḅe tokini! Ọ̀ ḅarasụa ori atomi pịrị ḅẹ ḅo tẹ, ori ịn ḅọrọma tẹ.

Luku 1:68 Iomraidhean Croise

Suku-saakị 14:20

Tẹ Ebiramụ ye goyegoye ḅụ, oyia akiri ḍiya ḅẹ gbọrụ kiri kẹ Mẹlịkizẹdẹkị pịrịm.

Suku-saakị 24:27

tẹ ḅẹẹ, “Boma sime KỊNỊNYANAḄỌ ḅe pịrịị, anie ị̀ sịḅịdaḅọ Ebira-amụ tẹkẹarị Tamụnọ ḅe tẹ amịna jike-a ḅẹlẹma ḅụ ḅioḅẹngbọ-kẹ-sịrẹrẹ-niḅi ḅara kẹ ò mininiye mịẹ ị̀ sịḅịdaḅọ pịrị tẹ ḅọ ḅe. Yẹrị kụma KỊNỊNYANAḄỌ ḅe etela mẹ kẹ ì ḍie ḅo ị̀ sịḅịdaḅọ ḅe amịnapụ warị la tẹ.”

Suku-saakị 9:26

Ọ̀ pịkị ḅẹẹm, “KỊNỊNYANAḄỌ ị̀ Tamụnọ ḅe ḅara ḅẹ boma sime Sẹmụ pịrịị; anịsakị yee Kenanị ori omoniḅọ sọ.

1 Amadapụ 1:48

tẹ nwẹnị tẹkẹ, ‘Ó yee wa KỊNỊNYANAḄỌ ḅe tokinii, Izirẹlịapụ tẹkẹarị Tamụnọ ḅe, oriḅe tẹ mịmgba mịẹtẹ ị̀ ḅụụ paka-ḅo apụ ma ḅẹ gbọrụḅọ ḅo amada-kụlọ ḅụ ì kiri ọkị tẹ minini tẹ yẹrị sọ ì ḍumo sime tẹ anị ẹrị ye mẹ!’ ”

1 Amadapụ 8:15

Ori mẹẹ, “Ọ́ KỊNỊNYANAḄỌ Izirẹlị Tamụnọ ḅe tokinii: Ori ò minini kẹ ị̀ ḍa Devidi pịrị ye mẹ kokom, ọ̀ ḅẹẹ sakị mịnẹ,

1 Paka-aị 29:10

Anịẹrẹsị Devidi kobiri-ogbo mẹmgba tọrọkọ ḅụ KỊNỊNYANAḄỌ ḅe bomam, tẹ nwẹnị ḅẹẹ, “Yei KỊNỊNYANAḄỌ, wamịna ḍaḅọ, Izirẹlị ḅẹ Tamụnọ, boma sime ị́ pịrị mu ḅẹẹ-sakị ḅẹẹ-sakị la.

1 Paka-aị 29:20

Anịtẹso Devidi nwẹnị kobiri-ogbo mẹmgba ḅẹẹ, “Ọ́ KỊNỊNYANAḄỌ ọmịna Tamụnọ ḅe bomaa.” Tẹ kobiri-ogbo mẹmgba nwẹnị ịna aḍapụ ma Tamụnọ ḅe boma, tẹ ịna asịḅị tuu, tẹ sunsin KỊNỊNYANAḄỌ ḅe pịrị, pịkị kpọma sịḅị-tuu kẹ amadaḅọ ḅe pịrịm.

Devidi-Anume 106:48

Ọ́ KỊNỊNYANAḄỌ ḅe tokinii, Izirẹlịapụ tẹkẹarị Tamụnọ ḅe; ò tokini mịọkụ na ḅẹẹ-sakị ḅẹẹ-sakị na! Yee ọrụḅọ-ọrụḅọ ḅẹẹ, “Amẹnị!” Ọ́ KỊNỊNYANAḄỌ ḅe tokinii!

Devidi-Anume 111:9

Ori ori atomi ma mịẹ tẹ ini ịna asịḅị atomi sọm, pịkị sime gbamaso ọḅọkụ kẹ ini na fịm. Ori Fịafịa na opu kụrọ na Ḅọ!

Devidi-Anume 130:8

Ori ori atomi Izirẹlị ḅọrọma ḅa ịna asi mamgba ḅụ.

Devidi-Anume 41:13

KỊNỊNYANAḄỌ ḅe tokinii, Izirẹlịapụ tẹkẹarị Tamụnọ ḅe! Ò tokinii, mịọkụ na pịkị ḅẹẹ-sakị ḅẹẹ-sakị na ḅụ! Amẹnị! Amẹnị!

Paka-so 4:31

Tomi ma nwẹnị minini; tẹ ịn naam mịnẹ KỊNỊNYANAḄỌ ḅe ḅo toluma Izirẹlịapụ ma ḍiki tẹ anịsakị ori ịna tọrụsiẹrị ẹrị tẹ nwẹn ḅẹẹ ye ḅụ ịn nwẹnị ịna sịḅị-tuu tẹ sunsin Tamụnọ pịrị.

Luku 1:71

mịnẹ ọ̀ wamịnị na fịya-a apụ ḅara-ḅio wa ḅọrọma ḅa, pịkị wa ḍiki-ḅioḅu apụ kụrọ ḅụ wa gbaịn ḅa.

Luku 19:44

Ini ị́ kan sara fama tẹ í ḅio sime atomi mamgba ḅaa fama ḅa. Ịn kẹ í onu mẹ nama wararị aḍụḅarị mamgba jen ḅarị jen ọgọnọ sime ḅịa, mie mẹmgba dogi ḅoarị ye anie Tamụnọ ḅarana ḅo ị́ ḅọrọma ḅẹ sakị mẹ í lekiri-a ẹrẹsị!”

Luku 2:38

Anị gbọrụ sakị mẹ ḅụ árị sọ nwẹnị ḅo la, tẹ ịmịẹtẹ kẹ Tamụnọ ḅẹẹ, pịkị tụḅọ ḅe gboloma ye ḍuko Tamụnọ Jeruselemu ḅọrọma ḅarị mẹ koruarị apụ mamgba pịrị.

Luku 24:21

Wa ḅiokpọm mịnẹ ori anie Izirẹlị ḅọrọma ḅẹ ḅọ! Anịngẹ-kụraḅio mie tẹra aḍin tẹ miemẹ mịẹ tẹ.

Luku 7:16

Ḅalafa nwẹnị inimgba ḅụụ ḅio sọ, tẹ ịn nwẹnị Tamụnọ tokini, ḅẹẹ mịnẹ, “Opu ịkịankoroḅọ paka-ḅo tẹ wamịna ogboku! Tamụnọ ori atomi ḅọrọma ḅẹ ḅo tẹ.”

Ẹfisọsị 1:3

Ó yee wa ịmịẹtẹ kẹ Tamụnọ, pịkị wa Nyanaḅọ Jizọsị Kịrayịsị Ḍa ḅẹ, ḅẹẹ. Kẹ gotẹ ọkọ ḍukoarị, wa Kịrayịsị na gbọrụ ḅụ simearị mẹ gotẹ ọ̀ wa boma tẹ, So-ḅio ḅẹ tẹmẹ ḅụ ḅẹ boma goyegoye kẹ wa pịrị ḅụ.

Ẹfisọsị 1:7

Kẹ gotẹ ọkọ ḍukoarị, Kịrayịsị fịị mie ọ̀ kẹ si omoni ḅara-ḅio wa pakama-ḅo tẹ si mẹ wẹrịso wa pịrị yee. Tamụnọ ḍiki-ḅụụjịrị mẹ ḍụḅa la ḅara ḍikii,

Hiburu 9:12

Kịrayịsị akpụrụ tẹkẹ-warị mẹ ḅio gbọrụ sakị kịngẹ kẹ ḅọrọ sọ Fịafịa-tẹịn Yọ mẹ mu sakị, ori oḅori na nambulo na ọmbie kẹ agba mịẹ ḅẹ mu-a; anie nakara ò soku-ḅẹ ọmbie mie ọ̀ kẹ mu tẹ kẹ sime gbamaso ḅọrọma nyana ḅo wa pịrị ye.

1 Pita 1:3

Ó yee wa ịmịẹtẹ kẹ Tamụnọ pịkị wa Nyanaḅọ Jizọsị Kịrayịsị Ḍa ḅe ḅẹẹ! Ori opu ọkụrụkụrụ mẹ ẹrẹsị ori ịwọ ḍumo kẹ wa pịrịm, fịị ḅụ Jizọsị Kịrayịsị saakịma ḅụ. Miemẹ ḍumo wararị ḅiokpọmaye kẹ wamịna ḅụụ ḅio ḅinmam,

1 Samụẹlị 25:32

Devidi nwẹnị Abigẹlị ḅẹẹ, “Boma sime KỊNỊNYANAḄỌ ḅe, Izirẹlịapụ tẹkẹarị Tamụnọ ḅe tẹ mịmgba ị́ fịrịma ḅo ị̀ na bịama ḅọ ḅe pịrịị!