Luku 1:66 - FỊAFỊA BAỊBỤLỤ

⁶⁶ Anị naa ḅọ naa ḅọ anị kẹ kuroma ḅụ suu tẹ gbelam, “Mịẹ ḅọrọ tọ-ḅara sime ḅẹ tụḅọ?” Tẹ anị inimgba ḅụụ korom mịnẹ KỊNỊNYANAḄỌ ḅe kụrọ ori ọgọnọ gbana tẹ.

Luku 1:66 Iomraidhean Croise

Suku-saakị 37:11

Ori owiapụ-amịnapụ ma nwẹnị miemẹ kẹ ori afana, kụma ọ̀ ḍa anị kẹ ò ḅioḅẹngbọ kokom.

Suku-saakị 39:2

KỊNỊNYANAḄỌ ḅe Josẹfụ na emi tẹ ò ḅo mịẹ ye, mịẹ ye ḅara ḅẹ sọ ḅọ sọm; anịsakị ori ọ̀ sịḅịdaḅọ Ijiputi-ḅẹ-ḅọ ḅe warị emi,

1 Amadapụ 18:46

KỊNỊNYANAḄỌ ḅe ḅara Ịlayịja ọgọnọ ḅụ emii, tẹ ọ̀ nwẹnị ori opu kapa mẹ kẹ ò ḅiri kpọ, tẹ nwẹnị mangị Ehabụ ḅọrọ tẹ tarị mu mẹnjị-ḅọrọ Jẹzirili sọ-muarị anga mẹ la.

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 80:17

Ị́ sẹlẹ ọkị tẹ atomi ma wẹrị kpaịnma tẹ ịn gbaịn, ị́ mịẹ kụrọma lama tẹ sịẹ mẹ.

Devidi-Anume 89:21

Ị̀ ịnyọ sakị mamgba ori na sime ḅa, ị̀ kụrọ ọ̀ mịẹ kụrọma ḅa.

Luku 1:80

Tụḅọ ḅe nwẹnị ḍụḅa paka ḅo, oju ḅụ na tẹmẹ ḅụ na. Ịkpa ḅio anie ori anga nwenii tẹ ọ̀ ḅụụ-pakama Izirẹlị ḍie ene la ye.

Luku 2:19

Mịna aị mamgba ḅụ gberie-sọ Meri ḅioḅọrọ-a, á pịkị kpọma arị kẹ kuroma ḅụ suum.

Luku 2:40

Tụḅọ ḅe nwẹnị ḍụḅa paka-ḅo, tẹ pịkị ịnyọ nyana. Ò ye nimi lamam, tẹ Tamụnọ aboma ori ọgọnọ gbanam.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Luku 9:44

“Ọmịnị à ḍuko ọ́ pịrị ḅẹ-yearị ye mẹ kẹ ḅioḅọrọma ma! In Tomḅọ Tụḅọ ḅe kẹ tomina kụrọ ḅara-ḅio suu ḅẹ tẹẹ.”

Fịrịmẹnjịapụ 11:21

Tẹ KỊNỊNYANAḄỌ ḅe kụrọ ini na simem, tẹ tọnwa-apụ minini tẹ pịkị KỊNỊNYANAḄỌ ḅe dam.

Kọlọsị 1:5

Karakara oku-ḅịḅị mẹ, anie Iḅi Oku mẹ, tarị ḅo ọ́ la sakị, anị kẹ ọ́ pịrịarị ḅiokpọ mẹ gboloma ye ọ́ naa tẹ. Mie ḅụ, ọmịna minini mẹ na ḅẹlẹma mẹ na mị ḅiokpọ mẹ tẹ, So-ḅio Tamụnọ kẹ kpaịnma ọ́ wẹrịma wararị ye mẹ, ḅụ sịrẹrẹ wararị.

1 Samụẹlị 16:18

Asawọ ma ḅẹ gbọrụḅọ nwẹnị pakịrị, “ḍikii, à Jese, Bẹtịlịhẹmụ furo mẹ ḅẹ ḅọ ḅe gbọrụ owiḅọtụḅọ tẹ anị farị ḍin lama, ḅiokpọtẹ ọmụgbin ḅara-ḅaa, owu-kụrọnịḅọ, nimi ẹkwẹn kọn ḍin ḅọ, tẹ iḅi-fịtẹ gbọrụ owiḅọ ẹrị tẹẹ; anịsakị KỊNỊNYANAḄỌ ḅe pịkị ori na emi.”

1 Samụẹlị 2:18

Samụwẹlị anie agbamịẹapụ sịnịnị kapa sụa gbọrụ owiḅọtụḅọ tẹ KỊNỊNYANAḄỌ ḅe tọrọkọ fịrịmẹnjịarị ḅọ.