Luku 1:64 - FỊAFỊA BAỊBỤLỤ

⁶⁴ Anị gbọrụ kiri Zẹkaraya nwẹnị inetẹ sin ẹkwẹn, tẹ saakị Tamụnọ tokini.

Luku 1:64 Iomraidhean Croise

Devidi-Anume 51:15

KỊNỊNYANAḄỌ, ḅarasụa ị̀ pịrịarị ẹkwẹn, tẹ àrị í tokini ḅa.

Paka-so 4:11

Anịtẹso KỊNỊNYANAḄỌ ḅe nwẹnị ọ̀ ḅẹẹ, “Tụḅọ tomḅọ ḅịḅị mẹ tẹmẹ? Tụḅọ ọ̀ mịẹtẹ ọ̀ ḅịḅị ikpopu, anịanịa ò ḅeri iningi, anịanịa ò ye ẹrịarị, anịanịa ọ̀ tọrụngbọ pụụn? Yẹrị KỊNỊNYANAḄỌ ḅe, anị mịẹ-a?

Ayịzaya 12:1

Ene ḅoarị kịnị nume suu ḅarị sakị: KỊNỊNYANAḄỌ, àrị ì tokiniarị! Í ì ḍiki ịganị simem, kụma mịọkụ ị̀ ḅarị jen kẹ ịganị-a tẹ ì dedemarị.

Jerimaya 1:9

Anịtẹso KỊNỊNYANAḄỌ ọ̀ ḅara sụn-pakama tẹ ḅara-tụngbalị kẹ ị̀ ḅịḅị apakịrị lama tẹ ị̀ ḅẹẹm, “Pokii, arị í ḍuko-koroma ḅarị ẹkwẹn ma kẹ ị́ pịrịarị.

Izikẹlị 29:21

Anị ene mẹ ḅụ, àrị Izirẹlịapụ ma mịẹ kụrọma ḅa, tẹ mịẹ tẹ ị́yẹrị, Izikẹlị ḅe, ẹkwẹn pakama ḅa ḅẹḅọ-ḅẹḅọ inetẹ ị́ naa ḅẹ anga ḅụ, mịẹ tẹ in nimi ḅarị ḅara mịnẹ yẹrị anie KỊNỊNYANAḄỌ ḅe.”

Izikẹlị 3:27

Anịtẹso, à siin ẹkwẹn ị́ pịrị tẹ ẹkwẹn kụrọ kẹ ị́ pịrị sakị, í ḍuko ịn pịrị ḅa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye. Ini ḅẹ jen-apụ poki ḅa, kụma jen-apụ ị́ kẹ ye-sịn ḅịa, gbala ini ma anie sịḅị-tuu-tuu-a apụ sịẹ.”

Izikẹlị 33:22

Tẹrẹmẹ ò ḅo la ḅẹ ḅoḅiri anga ḅụ, ị̀ ḅụụ nimim mịnẹ KỊNỊNYANAḄỌ ḅe kụrọ mẹ ḅo ị̀ la tẹ. Tomḅọ ḅe ḅo sakị anị ḅẹ ene-ḅaa ḅụ, KỊNỊNYANAḄỌ ḅe siin ẹkwẹn kụrọ kẹ ị̀ pịrịm.

Matiyo 9:33

Kụma Jizọsị oru ḅe dee-pakama kiri, kiri tomḅọ ḅe saakị ẹkwẹn tẹ, tẹ ọrụḅọ-ọrụḅọ nwẹnị ḅụụ-gbiripu. In ḍuko-pakamam, “Izirẹlị ḅụ jene-jene amụ wa nwẹn kịkaye ẹrị-a!”

Luku 1:20

Kụma í ị̀ oku mẹ minini-a, anie anị ḅẹ sakị la sakị paka ḅarịye mẹ. Í minini-a mẹ gotẹ ị́ ḅịḅị ikpopu ḅa, í inetẹ ẹkwẹn ḅịa nwenii à minini ị́ pịrị ye mẹ mịẹ ḅa.”