Luku 1:58 - FỊAFỊA BAỊBỤLỤ

⁵⁸ Árị na kpeki tẹ anga apụ na árị amịnapụ na nwẹnị KỊNỊNYANAḄỌ ḅe kẹ á mịẹ opu ḅụụ-buama iḅi mẹ naa tẹ ḅo árị na sọ tẹ ḍereku.

Luku 1:58 Iomraidhean Croise

Suku-saakị 19:19

ḍikii, ọmịna fịrịmẹnjịḅọ ḅe ọmịna ḍiki-tọrụ ḅụ ḍiki-ḅụụjịrị ḍọkị-ẹrị tẹ, tẹ gburo-gburotẹ iḅi anga kẹ ị̀ na kọn tẹ, ì ḍumo ḅọrọma ḅụ; kụma arị inetẹ ḍumo-mangị kọn mu tụndụ ma la ḅịa, anieofori fịị na, fa na mẹ ḅofa ḅo ị̀ la tẹ à fịị.

Suku-saakị 21:6

Tẹ Sera nwẹnị ḅẹẹ, “Tamụnọ ị̀ ḅịḅị ḍẹrị pakama tẹ, ḅẹḅọ-ḅẹḅọ tẹ anị naa ḅọ, naa ḅọ ị̀ na sọ ḍẹrị ḅa.”

Devidi-Anume 113:9

Ọ̀ mịẹ tẹ tụḅọ iyi-a taḅọ ma kụn nyanarị á warị ḅio; ọ̀ mịẹ tẹ á ḅioḅẹlẹarị awọ kẹ á pịrị ḅụ. Ọ́ KỊNỊNYANAḄỌ ḅe tokini!

Egberima-Ẹkwẹn 23:25

Mịẹẹ, ị́ ḍa na í iyingi na ị́ kẹ ḅụụ tọn; anị ḅioḅẹlẹ mẹ kẹ í iyingi pịrịị.

Luku 1:14

Ori ḅe iyi mẹ kpọma í ḅioḅẹlẹma ḅa, anie anị pịkị kẹ ja apụ sọ ḅioḅẹlẹma ḅarị ḅara.

Luku 1:25

Á nwẹnị ḅẹẹ, “Mịọkụ kunoma ḅụ KỊNỊNYANAḄỌ ḅe mị ḅara kẹ ḅarasụa yẹrị ma sọ pịrị tẹ ị̀ ḅụụ inweni-ogbo ḅẹ ḅụụ-jịrị mẹ kan sin tẹ!”

Luku 1:57

Elizabẹfụ iyi ḅẹ sakị la tẹso, á nwẹnị owiḅọtụḅọ iyi.

Luku 14:12

Anịtẹso Jizọsị nwẹnị warị nyanaḅọ ḅe ḅẹẹ, “Jen sakị í fịye kẹ kịnị sịn-arị ḅẹḅẹ, í ikiapụ, anịanịa ị́ amịnapụ, anịanịa ị́ na kpeki tẹ anga igbigi nyana apụ, ḍiki tẹ sịn ma, ini sọ ḅofa fịye kẹ ị́ sịn tẹ ị́ kẹ ịn pịrị fịye kẹ ị́ gbẹẹ.

Romu 12:15

Ó ḅioḅẹlẹarị apụ na sọ tẹ ḅioḅẹlẹẹ; tẹ owuarị apụ na sọ tẹ owuu.

1 Kọrịntị 12:26

Oju mẹ ḅẹ gbọrụ pakịrị tọrụsiẹrịarị ḅẹḅẹ, osi apakịrị mamgba anị na sọ tẹ tọrụsiẹrịarị; ịn gbọrụ pakịrị tokinim ḅẹḅẹ, osi apakịrị mamgba anị na sọ tẹ ḅioḅẹlẹarị.