Luku 1:54 - FỊAFỊA BAỊBỤLỤ

⁵⁴ Ò minini wamịna atẹngịapụ ma pịrị ye ọ̀ mịẹ tẹ; ọ̀ pịkị ḅarasụa ọ̀ fịrịmẹnjịḅọ Izirẹlị pịrị tẹ.

Luku 1:54 Iomraidhean Croise

Devidi-Anume 46:5

Tamụnọ anị opu ama mẹ ḅio emi, gbala-gbala anị fama-fama ye paka ḅịa; dede-funfun ḅụ ò ḅo ḅarasụa anị pịrị ḅa.

Devidi-Anume 98:3

Ò minini Izirẹlịapụ ma pịrịye mẹ ọ̀ mịẹm amịna ḅịḅị ḍima-a na kuno-a ḅẹlẹma nyana ịn pịrị na ḅụ. Anga, anga ḅụ simearị apụ mamgba owu wamịna Tamụnọ ḅe ḅara iḅi ye mẹ ẹrị tẹ.

Ayịzaya 44:21

KỊNỊNYANAḄỌ ḅe mẹẹ, “Izirẹlị, miemẹ kẹ ḅiokoroma; ḅiokoroma mịnẹ ị̀ fịrịmẹnjịḅọọ. Arị ị́ tẹmẹm ị́ ị̀ fịrịmẹnjịḅọ sọọ, anị sakị gbala-gbala arị ị́ kẹ ḅioḅọrọ ḅịa.

Jerimaya 31:20

Izirẹlị, anie ị̀ ḅụụ-ḅẹlẹma tẹịn owiḅọtụḅọ, à ḅẹlẹma-tẹịn tụḅọ. Àrị ị́ ẹrẹ goo sakị goo sakị, à ḅẹlẹma ḅụ ị́ kẹ ḅiokoromarị. Gbala ì ḅioḅẹngbọ í gotẹ mẹnjị pakarị ye ọkụ; Arị ọkụrụkụrụ nyana ḅa.

Jerimaya 31:3

iḅere-iḅerea anga ḅụ à ḅụụ-pakama ịn pịrịm. Izirẹlịapụ, sakị mamgba arị ọ́ ḅẹlẹma tẹ, mie ḅụ à paa ì kuno-a ḅẹlẹma mẹ kẹ ó ḍiearị.

Mayịka 7:20

Ị́ wẹrịtẹ kẹ iḅere-iḅerea kụra-ḅio wamịna atẹngịapụ karịma ḅara, ị́ í minini na, jike-a ḅẹlẹma na nyana ị́ atomi, Ebira-amụ ḅụụ paka-ḅo apụ ma na, Jekọbụ ḅụụ paka-ḅo apụ ma na pịrị ḅa.

Luku 1:53

Ḅuru pọkọ-tarịarị apụ ma ori iḅi aị kẹ ịn pịrị fị furo ḅinma tẹ, ngọ-kọnapụ ma ọ̀ papaa ḅara ḅụ in dee-siin tẹ.

Luku 1:55

Ò ḅiokoroma tẹ ḍiki-ḅụụjịrị nyana Ebira-amụ na, pịkị ò furo-ḅẹ-apụ mamgba na pịrị gbamaso tẹ!”