Luku 1:53 - FỊAFỊA BAỊBỤLỤ

⁵³ Ḅuru pọkọ-tarịarị apụ ma ori iḅi aị kẹ ịn pịrị fị furo ḅinma tẹ, ngọ-kọnapụ ma ọ̀ papaa ḅara ḅụ in dee-siin tẹ.

Luku 1:53 Iomraidhean Croise

Devidi-Anume 146:7

ori iḅi ḅẹrẹkọn tomi ponomarị apụ ma pịrịarị tẹ fịye kẹ ḅuru-pọkọtarịapụ ma pịrịarị. KỊNỊNYANAḄỌ ḅe ikoli sọ wararị apụ pakama-ḅoarị,

Devidi-Anume 34:10

Ọkụkụ ma sọ fị ḅẹ ye nyana-a tẹ ḅuru ịn tarịarị: kụma KỊNỊNYANAḄỌ ḅe ḅịḅị pokiarị apụ ma iḅiye tẹ ịn nyana ḅịa ye ofori.

Izikẹlị 34:29

À fịaị pakamarị iḅi kiri kẹ ịn pịrị ḅa, tẹ ḅuru-pọkọtarị kuno ḅa amakiri mẹ ḅụ. Osi asịẹ ma ḅarị jen kẹ nini-suku sụa ịn pịrị ḅịa.

Matiyo 5:6

“Ḅioḅẹlẹ sime Tamụnọ ḅụụ-ḅẹlẹ ye mịẹ ḅụụ ḅụ ye la ḅẹẹye-ḅẹẹye nẹngị apụ ma pịrịm; Tamụnọ mịẹtẹ anị ọkọ sime ịn pịrị gbasịma ḅa!”

Luku 1:54

Ò minini wamịna atẹngịapụ ma pịrị ye ọ̀ mịẹ tẹ; ọ̀ pịkị ḅarasụa ọ̀ fịrịmẹnjịḅọ Izirẹlị pịrị tẹ.

Luku 6:21

Mịọkụ ḅuru pọkọ-tarịarị apụ, ó boma tẹẹ; ọmịna furo ḅin ḅa! Mịọkụ owuarị apụ, ó boma tẹẹ; ọ́ ḍẹrị ḅa!

Luku 6:24

Kụma mịọkụ ngọ-kọn wararị apụ ọ́ tẹkẹlẹ tẹẹ; ọmịna tọrụ-ḅẹlẹ ọ́ nyana fama tẹẹ!

Jọnị 6:35

Jizọsị nwẹnị ḍuko ịn pịrị, “Yẹrị anie ḍumo fịturu mẹ. Ị̀ ḍọkụma-ḅoarị ḅọ ḅuru ḅarị jen kẹ mḅọ tarị ḅịa; ì mininiarị ḅọ minji ḅarị jen kẹ mḅọ pọkọ tarị ḅịa.

1 Kọrịntị 1:26

Ị̀ amịnapụ, ọ́ Tamụnọ ọ́ sịn ọ̀ ḅụụ pịrị sakị ó sime-ḅara kẹ ḅiokoromaa. Tomi kẹ ye ḍikiḍiki ḅara ḅụ, ọmịna ḅụ boowa apụ kịngẹ mie ịn kẹ ye-nimiapụ, anịanịa kụrọ nyana apụ, anịanịa opu kiri sime apụ sịn ye.

1 Kọrịntị 4:8

Ọ́ nyana ḅẹ ḅii ye, ḅii ye ọ́ nyana fama tẹ? Ọ́ pẹrẹ tẹ? Ó ḅo amadapụ sọ tẹ, karakaraye wamịnị amụ ọkọ sime-a sọ. Iḅim, anie yẹrị sọ ḅii ḅara, mimgbe ọmịnị amadapụ sọ fama tẹ, mịẹ tẹ wamịnị sọ inetẹ ọmịnị na sọ tẹ ama-da ḅarị ḅara.

1 Samụẹlị 2:5

Inima tẹ nyana furo ḅinma apụ ma, fịye gotẹ ịna aḅụụ kẹ ọkọ fịrị mẹnjị pịrị tẹ, kụma inima tẹ ḅuru-pọkọtarị sime apụ ma, ḅuru-pọkọtarị ḅụ daasịẹ tẹẹ, Furo pụụn tẹ ḅọ ma sọnọma dogi tẹẹ, kụma arị tẹ tọnwa awọmẹ nyana ḅọ ma, sịkị tẹ ḅọ sọ tẹẹ.