Luku 1:52 - FỊAFỊA BAỊBỤLỤ

⁵² Ori opu amadapụ ma siin koroma tẹ ịna emine ma ḅụ, tẹ iderima kiri ḅụ sime apụ ma iwoma tẹ.

Luku 1:52 Iomraidhean Croise

Nimi Tolumaḅọ 4:14

anị asatụḅọ ḅe nwẹnị ikoli ḅio sime tẹ paka-ḅo emine mẹ ọgọnọ lẹgị ḅọ-o, sịẹ mẹ ḅio igoin furo ḅio iyi ḅọ sọ.

Izikẹlị 17:24

Amakiri mẹ ḅio sime sịn goyegoye nimi ḅa mịnẹ yẹrị anie KỊNỊNYANAḄỌ ḅe. Yẹrị anie sịn ma pẹlẹ-gbin tẹ mịẹ tẹ tim-timtẹ asịn ma ḍụḅa paka-ḅo tẹ sịn sọarị. À mịẹ tẹ ịwọ-jaja asịn ma kpatụarị pịkị mịẹ tẹ samụnọtẹ asịn ma ịwọ aị sọarị. Yẹrị KỊNỊNYANAḄỌ ḅe ọkọ ḅẹẹm. À mịẹ ḅẹ tẹ ḍuko ye mẹ à mịẹ ḅa.”

Emọsị 9:11

“Anị ene mẹ ḅụ, à siin Devidi ama-da yọ mẹ pakama-ḅo ḅarị sakị mẹ, anie kaan-sara tẹ warị kịkarị ye mẹ. À siin anị ḅẹ onu ma tẹlẹma tẹ anị tarị ḅara mẹ sime ḅa. À siin anị nama tẹ anị mịẹ tẹ anị iḅere-iḅerea kụra ḅio ḅara mẹ sime ḅa.

Makị 6:3

Ḅie akanịḅọ ḅe ori-a, Meri tụḅọ ḅe, tẹ Jemusị na, Josẹfụ na, Judasị na, Sayịmọnị na iyimbere ḅe ori-a? Ori eremịna amịnapụ ma in mịanga anga-a?” Anie ḅụ ini ọ̀ sịkịm.

Luku 14:11

Amịna ḅụụ saakị-gelema ḅọ, gelema ḅọ, mḅọ iderima ḅa; anị sakị amịna ḅụụ iderima ḅọ, iderima ḅọ mḅọ opu sọ ḅa.”

Luku 18:14

Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

1 Samụẹlị 2:4

Kụrọ-nyana apụ ma okuro aḍịẹịn ma anyị tẹ, kụma ịnyọ nyana-a ḅọ ḅe ịnyọ sụa tẹ.