Luku 1:51 - FỊAFỊA BAỊBỤLỤ

⁵¹ Ori ọ̀ kụrọtẹ opu ḅara sụn-pakama tẹ opu amịẹaị atomi ma gala-galama tẹ, ịna ḅiotọn aị ma na ini na.

Luku 1:51 Iomraidhean Croise

Suku-saakị 11:8

Mị-ḅara mie KỊNỊNYANAḄỌ ḅe kẹ ịn gala-galama tomikiri tọrụ mẹmgba ikelema-koro ḅara, tẹ ịn nwẹnị opu ama mẹ nama mẹ wẹrịso.

Suku-saakị 6:5

KỊNỊNYANAḄỌ ḅe nwẹnị ẹrị mịnẹ tomikiri mẹ ḅụ tomi asi-sịḅịḅio mẹ ḍụḅa tẹ, anịsakị tomi kuroma ḅụ ịn mịẹ ḅẹ tẹ sakị mamgba ịna aḅioḅẹngbọ simearị aị goyegoye, si-aị sikima jen ofori.

Suku-saakị 8:21

Tẹ agba mẹ ḅẹ kụnụ mu KỊNỊNYANAḄỌ ḅe la tẹso, KỊNỊNYANAḄỌ ḅe nwẹnị ò ḅioḅẹngbọ ḅụ ḅẹẹ, “À ḅarị jen-maaịn kẹ tomḅọ sịḅị gotẹ kiri mẹ wori ḅịa, kẹ gotẹ ọkọ ḅẹẹarị, tomḅọ kala-sakị kụra-ḅio ò ḅioḅẹngbọ ḅụ siye sikima ò jen kẹ ḅiokoroma-a; à pịkị ḅarị gbala-gbala jen kẹ ḍumo warị ye goyegoye ḅaa guluguluma ḅịa à mịọkụ mịẹ tẹ ḅara mẹ.

Devidi-Anume 118:15

Ọ̀ Tamụnọ atomi ma akpụrụ-awarị ma ḅio ịn kọn-arị owu-ḅara-iḅi ḅioḅẹlẹ oloku ma pokii: “KỊNỊNYANAḄỌ ḅe opu kụrọ mẹ anị kọrịm!

Devidi-Anume 33:10

Tomikiri ḅẹ asịẹ ma mịẹ ḅẹ tẹ kẹ ḅiotọn aị ma KỊNỊNYANAḄỌ ḅe ḍụkụ tẹ arị sịẹsime-a: ori ini ọlọ-sịẹma tẹ ịn ḅarị ịn tọn aị ma mịẹ-a.

Devidi-Anume 52:9

Tamụnọ ị́ kọrị tẹ aị ma gotẹ arị ịmịẹtẹ kẹ ị́ ḅẹẹarị sakị mamgba; ị́ atomi ma tọrọkọ ḅụ à ḍuko wasama ḅa mịnẹ í iḅim.

Devidi-Anume 63:5

Ị̀ tẹmẹ alalị fị tẹ ḅụụ na-iḅi ḅa, tẹ à ḅioḅẹlẹ anume su-su í tokini ḅa.

Devidi-Anume 89:10

Ị́yẹrị Rehabụ, minji ḅio ḅẹ si opu nama ḅe ponoma kọsịma tẹ ọ̀ ḅaam; í opu kụrọtẹ ịnyọ ḅụ í si kẹ ị́ tọn apụ ma mịẹ tẹ owu ịna ḅara siinm.

Devidi-Anume 89:13

Í opu kụrọ mẹ la ḅara ḍikii! Í opu ịnyọ mẹ la ḅara ḍikii!

Devidi-Anume 98:1

Ịwọ nume-su KỊNỊNYANAḄỌ ḅe pịrịị; ọ̀ ḅụụ-buama-aị mịẹ tẹẹ! Ọ̀ kụrọ na ọ̀ fịafịa ịnyọ na ḅụ ọ̀ ḅarana ọmụ mẹ gbin pẹlẹ tẹ owu-ḅara-iḅi ḅụ.

Paka-so 18:11

Mẹkịnẹ à nimi tẹ mịnẹ KỊNỊNYANAḄỌ ḅe ḍụḅa oru-atamụnọ mamgba nẹngịm, gbala ini opu amịẹaị mịẹ ḅara kẹ tomi ma na mịẹ sakị ori Ijiputi ḅẹ apụ ma ḅara suku-ḅio ḅụ ịn ḍụa-ḅọrọmam ẹrẹsị.”

Ayịzaya 40:10

Ḅẹrẹtọn kụrọ nyana tẹịn KỊNỊNYANAḄỌ ḅe kụrọ kẹ ḅẹrẹtọn ḅẹ ḅoarị Ọ̀ pọkọ pakama ḅo tẹ apụ ma na ḅoarị.

Ayịzaya 51:9

KỊNỊNYANAḄỌ, saakị tẹ ḅarasụa wa pịrịị! Ị́ kụrọ pakama tẹ kẹ wa ḅọrọmaa; anị kẹ elemu ị́ mịẹ-mịẹ ḅara mịẹẹ. Ị́yẹrị mie minji ḅio ḅẹ mamataḅaye Rehabụ ḅe pẹlẹ kọsịma ye.

Ayịzaya 52:10

KỊNỊNYANAḄỌ ḅe ọ́ fịafịa kịrị kụrọ kẹ mịẹ ḅụ suu ḅa; Ori ori atomi ḅọrọma ḅa, tẹ bebe tomikiri mẹ anị ẹrị ḅa.

Ayịzaya 63:12

Tụḅọ amịna ebube kụrọtẹ ḅara kọngọ kẹ fịrịma tẹ anị Mozizi ama-ḅara anga sime? Tụḅọ tọrụ mẹ kẹ maaịn puu ịna tọrọkọ mịẹ tẹ ori ereso gbamaso ḅẹ ḅara?”

Jerimaya 49:15

KỊNỊNYANAḄỌ ḅe mịẹ tẹ ị́ ḅarị ịnyọ nyana ḅịa, tẹ gbọrụḅọ-sọ ị́ kẹ ye-sịn ḅịa.

Danẹlị 4:37

“Mịọkụ, yẹrị, Nebukadineza, tokini na, kụn na pịkị ebube na kẹ Tamụnọ pịrịm, ori So-ḅio ama-daarị ḅọ ḅe. Ọ̀ mịẹ ye goyegoye karakaram pịkị kuram, anị kụma ọ̀ pịkị inetẹ ḅaịn ḅara kẹ ye mịẹarị ḅọ iderima ḅa.”

Romu 1:21

Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.

2 Kọrịntị 10:5

Tomi ḅụụ-gelema ḅụ kẹ ḅo Tamụnọ nimi ḅọkọ mẹ ẹngbẹsẹ ye goyegoye wa nụnụ ḅo kiri ḅio sararị; wa kuroma goyegoye kuun-sịẹma tẹ anị Kịrayịsị ḅịḅị pokiarị.

Ditẹrọnọmị 4:34

Anịanịa jen ene tọ gbọrụ oru-tamụnọ mu jen opu sịẹ ogboku gbọrụ opu sịẹ ọkị amịna ḅụụ pịrị ḅara kẹ ye mịẹ tẹ tọnwa daaḍiki ḅụ na, tọnwa elekima ḅụ na, tọnwa ḅụụ-gbiripuma-aị ḅụ na, ọmụ ḅụ na, kụrọ na ịnyọ na, gburo-gburotẹ atẹmẹ-naịn-naịn ḅụ na; KỊNỊNYANAḄỌ ọmịna Tamụnọ ḅe ọmịna tọrụ-ogbo ḅụ wẹrịtẹ mịẹ ọ́ pịrị ḅara mamgba Ijiputi ḅụ?

1 Pita 5:5

Ọmịnị asawọ ma sọ ọkọ ḍikima tẹ sịḅị-tuu omongiapụ ma pịrịị, tẹ ọmịnị-mgba ḅụụ iderima kẹ tọrọkọ kikima ḅịtẹ sọma tẹ fịrịmẹnjị jụmọ-jụmọ pịrịị, kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tamụnọ ḅụụ-gelemarị ḅọ na tụḅụrụarị, kụma ḅụụ iderimarị ḅọ mẹ mie ori iḅi tọrụ kẹ ḍikiarị.”

Mịẹfinji 18:8

Miemẹ gotẹ, gbọrụ ene ḅụ á ḅụụ-fụka mamgba ḅo á la fama ḅa: obi na kururu na ḅuru-ḅa na. Tẹ ịn fịnị kẹ á dọkịma ḅa, kẹ gotẹ ọkọ ḍukoarị, KỊNỊNYANA-TAMỤNỌ ḅe tẹ á kọn-arị ḅọ ḅe ọ̀ ḍụḅa ḅakam.”