Luku 1:49 - FỊAFỊA BAỊBỤLỤ

⁴⁹ opu Tamụnọ ḅe kọrị ị̀ pịrị tẹ opu aị ma gotẹ. Ori ẹrẹ fịafịam;

Luku 1:49 Iomraidhean Croise

Suku-saakị 17:1

Ebiramụ sịḅị gbọrụ kụra ofori kụra sọnọa si ḅọrọ tẹso, KỊNỊNYANAḄỌ ḅe amịna ḅụụ pakama Ebiramụ ḍiem, tẹ ọ̀ ḅẹẹm, “Yẹrị anie Kụrọmamgba Nyana Tamụnọ ḅẹ. Ị̀nịna gbọrụ ḅụ mẹnjị tẹ ị̀ ḅịḅị pokii, tẹ sakị mamgba karakara mịẹẹ.

Devidi-Anume 111:9

Ori ori atomi ma mịẹ tẹ ini ịna asịḅị atomi sọm, pịkị sime gbamaso ọḅọkụ kẹ ini na fịm. Ori Fịafịa na opu kụrọ na Ḅọ!

Devidi-Anume 24:8

Nwẹn ḅẹ Ama-da Opuḅọ ḅe ḅọrọ tụḅọ? KỊNỊNYANAḄỌ ḅe ori, kụrọ na opu na KỊNỊNYANAḄỌ, ọmụ ḅara si-si-a ḅọ.

Devidi-Anume 99:3

Ḅẹḅọ-ḅẹḅọ ori opu ḅaka ẹrẹ mẹ tokini ḅa. Fịafịa anie ori!

Devidi-Anume 99:9

Ọ̀ KỊNỊNYANAḄỌ wamịna Tamụnọ ḅe tokini, tẹ ọ̀ fịafịa tụndụ akaka ḅụ sunsin ọ̀ pịrị! KỊNỊNYANAḄỌ wamịna Tamụnọ ḅe fịafịaḅọ.

Paka-so 15:11

Yei KỊNỊNYANAḄỌ, oru-atamụnọ ma ḅụ, ị́ kịkaḅọ tụḅọ? Ama-da opu ḅụ fịafịa, ị́ kịkaḅọ tụḅọ? Ebube nyana amịẹaị ḅụ ḅalafama, tẹ ḅụụ-gbiripuma-aị kọrịarịḅọ tụḅọ?

Ayịzaya 1:24

Mie ḅụ, ọ́ Kụrọmamgba nyana KỊNỊNYANAḄỌ, Izirẹlị kụrọtẹ Tamụnọ ḅe ḍukoarị ye pokii mịọkụ, “Si kẹ ị̀ tọn-arị apụ, àrị ọmịna aḅụụ gbẹẹfị fị ḅa, tẹ ọ́ ḅarị jen kẹ ị̀ ḅụụ-fụkama ḅịa.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 6:3

Ịn jụmọ-jụmọ sịn tẹ ḅẹẹm, “Fịafịa, fịafịa, fịafịa! Kụrọmamgba nyana KỊNỊNYANAḄỌ ḅe anie Fịafịa Ḅọ! Ori ebube tomikiri mẹ ḅin wararị.”

Ayịzaya 63:1

“Nwẹn kẹ Idọmụ ḅẹ opu Bozara ḅụ sime tẹ ḅoarị ḅọ ḅẹ tụḅọ? Ḅieḅe tẹ awụ tọrụ sụa ye ḅiri ḅụlụ-ḅụlụ tẹ kụrọ na ịnyọ na kẹ gbọnma ḅoarị ḅọ ḅe tụḅọ?” “KỊNỊNYANAḄỌ ḅe orii, kụrọ nyana tẹ kịnị ḅọrọmarị ḅọ, ori owu-ḅara-iḅi ḍuko wasama ḅẹ ḅoarị.”

Jerimaya 10:6

KỊNỊNYANAḄỌ, ị́ kịka gbọrụḅọ-sọ ofori; ị́ opu kụrọ nyana wararị, tẹ ị́ ẹrẹ opu na kụrọ na ẹrẹ.

Jerimaya 20:11

Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Makị 5:13

Ori ịn wẹrịso tẹ in mum, tẹ si-atẹmẹ ma nwẹnị tomḅọ ḅe ḅụụ ḅio paka-ḅo tẹ opuropo ma aḅụụ ḅio sọ-mu. Bebe opuropo ogbo mẹ arịmgba opuropo sọnọ ẹndẹ pembe ye — nwẹnị mangị gbere-gberema mu tụndụ mẹ ḅẹ agba anga ḅụ ideri tọrụ mẹ ḅio koro tẹ sombi fịị.

Luku 1:48

ori yẹrị iderima fịrịmẹnjịḅọ ma kẹ ḅiokoroma tẹ ẹrẹsị. Mịọkụ saakị mu, tomi mamgba boma tẹ ḅọ kẹ ị̀ sịn ḅa,

Luku 1:50

ọ́ kẹ ye sịn apụ ma, sakị sakị mamgba ori in ḍiki-tọrụ-kụrụkụrụarị.

Ẹfisọsị 3:20

Ori ḅe tẹ amịna kụrọ wamịna ḅụụ ḅio kọrịnama kọrịarị ḅọ ḅe, tẹ wa inetẹ ḅii, anịanịa kuroma, ḅẹ ḅara nẹngị lama ḅarị ḅara mịẹ ḅẹ ḅọ ḅe,

Mịẹfinji 15:4

KỊNỊNYANAḄỌ, tụḅọ í mangịma ḅịa? Tụḅọ í opu mẹ ḍuko-pakama ḍụkụ ḅịa? Ị́yẹrị ngẹrị anie fịafịa ḅọ. Tomikiri ḅẹ asịẹ mamgba ḅo tẹ sunsin ị́ pịrị ḅa, kịnị mamgba í iḅi amịẹaị ma ẹrị tẹ ẹrẹsị.”

Mịẹfinji 4:8

Arị ḍumo wararị tẹ Tamụnọ tẹmẹ-aị ma gberie sonio apamba, sonio apamba-sụam; tẹ tọrụngbọ, tọrụngbọ, tọrụngbọ mie arị gbori-ikelema ye, ḅioju na ọḅụjụ na ḅụ. Ene ḅaka na ḍin na ḅụ in kuno-a ḅara kẹ nume su-su tẹ ḅẹẹarị: “Fịafịa, fịafịa, fịafịa anie KỊNỊNYANA-TAMỤNỌ Kụrọmamgba nyana ḅọ ḅe, ḅọrọtẹ sakị-o, mịọkụ-o, pịkị ḅo ḅarị sakị ḅụ sọ, emi ḅọ ḅe!”

1 Samụẹlị 2:2

KỊNỊNYANAḄỌ ḅe fịafịa ḅara fịafịa gbọrụḅọ-sọ ofori í sikima gbọrụḅọ-sọ ofori; wamịna Tamụnọ pembema ịkụ ofori.