Luku 1:48 - FỊAFỊA BAỊBỤLỤ

⁴⁸ ori yẹrị iderima fịrịmẹnjịḅọ ma kẹ ḅiokoroma tẹ ẹrẹsị. Mịọkụ saakị mu, tomi mamgba boma tẹ ḅọ kẹ ị̀ sịn ḅa,

Luku 1:48 Iomraidhean Croise

Suku-saakị 30:13

Tẹ Liya nwẹnị ḅẹẹ, “Ì ḅioḅẹlẹarị!” Ereme kẹ gbala ị̀ sịn ḅarị ye, Ḅioḅẹlẹ. Mie ḅụ árị ẹrẹ kẹ ọ̀ sịnm Asa.

2 Samụẹlị 7:8

Anịẹrẹsị mịọkụ mị-ḅara mie ị́ kẹ ị̀ fịrịmẹnjịḅọ Devidi ḅẹẹ ḅarị ḅara, “Mie Kụrọmamgba Nyana KỊNỊNYANAḄỌ ḅe ḍuko yee, ‘ị́ anana ma ḍukama mẹnjịarị osuka kiri mẹ ḅụ mie àrị ị́ ọkị yee, mịnẹ ị́ amadaḅọ sọ ị̀ atomi Izirẹlị pịrị ḅa;

Devidi-Anume 102:17

Ori ori atomi tẹ ọ̀ sịkị apụ ma naa tẹ ịn kọn-arị tẹkẹ mẹ poki ḅa.

Devidi-Anume 136:23

Owu wamịna aḅara si sakị ọ̀ wa kẹ ḅioḅọrọma-a; ọ̀ ḅẹlẹma sime gbamasom;

Devidi-Anume 138:6

Tụkụmaye ị́ kpọma gele fa à wararị sọ, í iderima kiri sime apụ kẹ ye-sịn-arị, tẹ ḅụụ-gelema apụ ma inetẹ ị́ ḅụụ ịna aḅụụ ḅọị ḅịa.

Devidi-Anume 72:17

Yee gbala-gbala kịnị amadaḅọ ḅe ẹrẹ kẹ ḅioḅọrọma ma; yee ori ereso mu ịrụa ḅịya mu la ene, la ene la. Yee sịẹ-sịẹ mamgba ò tokini, yee ịn Tamụnọ ḅẹ ori in boma tẹ yee in ḅii, mịnẹ amadaḅọ ḅe ḅioḅẹlẹ.

Ayịzaya 66:2

Ì ḅioju bebe So mẹ na Kiri mẹ na tẹmẹm! Ini ma tẹ ḅụụ-iderima na si ḅụ pịkị na nyana, tẹ ì mangịma tẹ ị̀ ḅịḅịpokiarị apụ ma ịna mịẹ aị ị̀ ḅụụ-ḅẹlẹarị.

Malakayị 3:12

Anịtẹso sịẹ-sịẹ ma ḅẹ atomi ma ḅioḅẹlẹarị apụ kẹ ọ́ sịn ḅa, ọmịna amakiri mẹ anie tomi anga na-iḅi amakiri ẹrẹsị.”

Luku 1:28

Enjẹlị ḅe nwẹnị ḅo tẹ á ḅẹẹ, “Dein sime ị́ pịrịị! KỊNỊNYANAḄỌ ḅe ị́ na emi, tẹ pịkị í boma lama tẹ!”

Luku 1:42

tẹ á nwẹnị gele pọkọ kẹ ḅẹẹ, “Eremịna ogbo ḅụ anie boma tẹịn tẹ ḅọ, tẹ í iyi ḅarị tụḅọ mẹ sọ boma tẹ!

Luku 1:45

KỊNỊNYANAḄỌ ḅe kẹ ị́ fịrịma oku mẹ karakaraye sọ ḅẹ tẹ ị́ nwẹn minini ye mẹ kpọma ḅioḅẹlẹma ye sọ ị̀ pịrị tẹ.”

Luku 1:49

opu Tamụnọ ḅe kọrị ị̀ pịrị tẹ opu aị ma gotẹ. Ori ẹrẹ fịafịam;

Luku 11:27

Jizọsị miemẹ ḍuko sakị tomi ma ḅio ḅụ gbọrụ ẹrẹḅọ nwẹnị ẹkwẹn pakama tẹ ọ̀ ḅẹẹ “Í iyi tẹ í ḍikiḍiki pakama-ḅo ẹrẹḅọ ma á boma tẹẹ!”

1 Samụẹlị 1:11

Á nwẹnị ịlọ minini KỊNỊNYANAḄỌ ḅe pịrị tẹ ḅẹẹ, “yei Kụrọmamgba nyana KỊNỊNYANAḄỌ, ị́yẹrị nwẹnị karakara-ḅara-ḅụ toluma ị́ fịrịmẹnjị-ẹrẹḅọtụḅọ ma ḅụụ ḅẹ ḅụụ-fụka mẹ ḍiki, tẹ ị̀ kẹ ḅiokoroma, tẹ ị́ fịrịmẹnjị-ẹrẹḅọtụḅọ ma kẹ ḅioḅọrọma-a, kụma nwẹnị gbọrụ owiḅọtụḅọ kẹ ị́ fịrịmẹnjị-ẹrẹḅọtụḅọ ma pịrị, pịrị, anịrẹ ò ḍumo-ene mamgba ḅụ arị ọ̀ kẹ KỊNỊNYANAḄỌ ḅe pịrị ḅa, anịsakị gbọrụ sịḅị-sẹịn ogie sọ ọ̀ sịḅị la ḅịa.”

1 Samụẹlị 2:8

Ọ̀ fọọn mẹ ḅio igoinḅọ ḅe saakị-gelemarị, kpoli wararị fọọn mẹ ḅụ, ori ngiri-ngiriḅọ ḅe saakị-gelemarị; mịẹ tẹ in sịḅịdapụ na lẹgị, tẹ kụn nyana ịkasiye nyana ḅẹ ḅara. Gbala tomikiri mẹ ḅẹ ḅeriaị ma KỊNỊNYANAḄỌ ḅe aị, tẹ arị ọgọnọ ò tomikiri mẹ nama tẹ ẹrẹsị.