Luku 1:45 - FỊAFỊA BAỊBỤLỤ

⁴⁵ KỊNỊNYANAḄỌ ḅe kẹ ị́ fịrịma oku mẹ karakaraye sọ ḅẹ tẹ ị́ nwẹn minini ye mẹ kpọma ḅioḅẹlẹma ye sọ ị̀ pịrị tẹ.”

Luku 1:45 Iomraidhean Croise

1 Amadapụ 17:16

Ịlayịja ḅụụ ḅụ KỊNỊNYANAḄỌ ḅe ẹkwẹn-ḅịḅị mẹ wẹrịtẹ kọọn ḅara, fịlawa-kokoye mẹ ḅio fịlawa ḅarị fa-a, pulo-sụaye mẹ ḅio sọ pulo ḅarị pịkị kụnụnụ-a.

2 Amadapụ 4:5

Anieḅụ á nwẹnị ọ̀ ḅụụ mẹnjị-so, tẹ árị na árị owiapụ-awọmẹ ma na nwẹnị warị sọ tẹ ḅọkọ mẹ gbaịn ịna ḅụụ pịrị; árị pulo mẹ pẹlẹma sụarị sakị ini ye ḅio ḅụụ ofori ḅẹ ye-sụa-aị ma saakị saakị ḅo á pịrịarị.

2 Paka-aị 20:20

Dede-funfun ḅụ ịn nwẹnị saakị tẹ so Tẹkowa ḅẹ ịkpa mẹ ḅio mu; in mẹnjị pakarị ogbo, Jehosafatị nwẹnị sịẹsime tẹ ḅẹẹ, “ọmịnị ị̀ naa, Juda na, Jeruselemu na ḅụ angarị apụ! Ọ́ KỊNỊNYANAḄỌ ọmịna Tamụnọ ḅe ḅụụ minini nyana-a, anịsakị ọ́ sịẹ-kụrọ ḅa, ọmịnị ori ịkịankoroapụ ma mininii, anịsakị ye ọmịnị na iḅi ḅa.”

Luku 1:20

Kụma í ị̀ oku mẹ minini-a, anie anị ḅẹ sakị la sakị paka ḅarịye mẹ. Í minini-a mẹ gotẹ ị́ ḅịḅị ikpopu ḅa, í inetẹ ẹkwẹn ḅịa nwenii à minini ị́ pịrị ye mẹ mịẹ ḅa.”

Luku 1:44

À paa ị́ sịn-ḅịḅị naa gbọrụ sakị mie ì furo ḅio ḅẹ tụḅọ mẹ saakị ḅioḅẹlẹ tẹ tii ye.

Luku 1:48

ori yẹrị iderima fịrịmẹnjịḅọ ma kẹ ḅiokoroma tẹ ẹrẹsị. Mịọkụ saakị mu, tomi mamgba boma tẹ ḅọ kẹ ị̀ sịn ḅa,

Jọnị 11:40

Jizọsị nwẹnị á ḅẹẹ, “À ḍuko ị́ pịrị-a mịnẹ ị́ Tamụnọ kụrọ mẹ ḅẹ ebube ẹrị ḅa, í minini nyanam ḅẹ kụma?”

Jọnị 20:29

Jizọsị nwẹnị ọ̀ ḅẹẹ, “Ị́ ẹrịarị ẹrẹsị í minini tẹ. Ẹrị-a tẹ ì mininiarị apụ ma anie bomatẹ apụụ!”