Luku 1:41 - FỊAFỊA BAỊBỤLỤ

⁴¹ Elizabẹfụ Meri sịn-ḅịḅị mẹ naa gbọrụ sakị á furo ḅio ḅẹ tụḅọ mẹ nwẹnị tii, tẹ Fịafịa Tẹmẹ ḅe nwẹnị Elizabẹfụ ḅụụ sọ ḅin,

Luku 1:41 Iomraidhean Croise

Suku-saakị 25:22

Awọmẹ ma á furo ḅio ye-nụnụam, tẹ á nwẹnị ḅẹẹ, “Anị nwẹnị mị-ḅara mẹ kụma à tiegotẹ ḍumo ḅẹ?” Mie ḅụ á mu KỊNỊNYANAḄỌ ḅe ḅịḅị ḅiim.

Devidi-Anume 22:10

Àrị iyi paka-ḅo ene kụra-ḅio àrị ị́ ḅụụ sịrẹrẹm, sakị mamgba pịkị ị̀ Tamụnọ.

Luku 1:15

KỊNỊNYANAḄỌ ḅe tọrọkọ ori opu tomḅọ sọ ḅa. Ori iru ḅuu ḅịa, jen-a jen-a kụrọ iru. Ini ori iyi koroma gbọrụ sakị Fịafịa Tẹmẹ ḅe ọ̀ ḅụụ sọ ḅin ḅa,

Luku 1:40

Á nwẹnị Zẹkaraya warị sọ-mu tẹ sịn-ḅịḅị kẹ Elizabẹfụ pịrị.

Luku 1:42

tẹ á nwẹnị gele pọkọ kẹ ḅẹẹ, “Eremịna ogbo ḅụ anie boma tẹịn tẹ ḅọ, tẹ í iyi ḅarị tụḅọ mẹ sọ boma tẹ!

Luku 1:44

À paa ị́ sịn-ḅịḅị naa gbọrụ sakị mie ì furo ḅio ḅẹ tụḅọ mẹ saakị ḅioḅẹlẹ tẹ tii ye.

Luku 1:67

Fịafịa Tẹmẹ ḅe nwẹnị Jọnị ḍa Zẹkaraya ḅụụ sọ, tẹ ọ̀ nwẹnị Tamụnọ oku mẹ ḍuko pakama:

Luku 4:1

Jizọsị Jodanị tọrụ mẹ ḅụ pịkịma som, Fịafịa Tẹmẹ ḅe ọ̀ ḅụụ sọ ḅin wararị ḅara ḅụ. Tẹ Tẹmẹ ḅe nwẹnị ọ̀ kẹ ịkpa ḅio mu.

Fịrịmẹnjịapụ 2:4

Fịafịa Tẹmẹ ḅe nwẹnị inimgba ḅụụ ḅio sọ ḅin, tẹ ịn nwẹnị saakị kịrị-kịrị ama ḅẹ aḅịḅị fie, Fịafịa Tẹmẹ ḅe kụrọ kẹ ịn pịrịm ini ẹkwẹn nwẹn ḅẹ ḅara ḅụ.

Fịrịmẹnjịapụ 4:8

Tẹ Fịafịa Tẹmẹ ḅe Pita ḅụụ sọ ḅin ḅara ḅụ ọ̀ nwẹnị ịn pakịrị, “Ọmịnị tomi ma sịḅịdapụ na omongiapụ na,

Fịrịmẹnjịapụ 6:3

Ọkọẹrẹsị, mịnapụ, ọ́ Fịafịa Tẹmẹ ḅe ḅụụ ḅio ḅintẹ, ye nimi wararị sọnọma apụ sẹlẹ pakama-ḅoo ọmịna ogboku, tẹ wa mị fịrị mẹ kẹ ịna ḅara sụa.

Fịrịmẹnjịapụ 7:55

Kụma Fịafịa Tẹmẹ ḅe Sitivini ḅụụ ḅio ḅin ḅara ḅụ ọ̀ nwẹnị tọrụ saakị so ḍiki tẹ Tamụnọ ebube ẹrị; ọ̀ pịkị Jizọsị ẹrịm ọ̀ Tamụnọ ama-ḅara anga sịẹ wararị.

Fịrịmẹnjịapụ 9:17

Mie ḅụ Ananayasị nwẹnị mu, tẹ Sọlụ sime, sime warị mẹ so, tẹ ori aḅara kẹ Sọlụ ọgọnọ gbana tẹ ḅẹẹ, “Mbire Sọlụ, KỊNỊNYANAḄỌ Jizọsị ḅe ḅioju ị̀ kẹ fịrịmam, ori anie amịna ḅụụ pakama í ḍie ḅọ ḅee etela ḅụ, ị́ mịanga ḅoarị sakị. Ò gotẹ ị̀ kẹ fịrịma ye, í siin tọrụngbọ kẹ ye ẹrị tẹ Fịafịa Tẹmẹ ḅe ị́ ḅụụ ḅio sọ ḅin ḅẹ ḅara.”

Ẹfisọsị 5:18

Ọmịnị iru ḅụụ tọrụ-ḅaama ma, ó guluguluma ngẹrị mie anị mịẹ ḅarịye; anie nakara, yee Tẹmẹ ḅe ọmịna ḅụụ ḅio sọ ḅin.

Mịẹfinji 1:10

Anịanga ḅụ, KỊNỊNYANAḄỌ Ene mẹ ḅụ, Tẹmẹ ḅe kụrọ mẹ ḅo ị̀ ọlọm, tẹ à naa ḅẹ sakị, gbọrụ geletẹ pọkọ ọdụ ofuro ḅara kẹ ì tongu ḅio fie tẹ.