37 Kẹ gotẹ ọkọ ḅẹẹarị Tamụnọ inetẹ mịẹ ḅịa ye ofori.”
KỊNỊNYANAḄỌ ḅe ḅụụ kụrọ ḅaka ye emi? Kala fẹngụ mẹ ḅio, à tọn sakị mẹ ḅụ, à pịkịma ị́ ḍọkụma-ḅo ḅa, tẹ Sera gbọrụ owiḅọtụḅọ iyi ḅa.”
Ịlayịja ḅụụ ḅụ KỊNỊNYANAḄỌ ḅe ẹkwẹn-ḅịḅị mẹ wẹrịtẹ kọọn ḅara, fịlawa-kokoye mẹ ḅio fịlawa ḅarị fa-a, pulo-sụaye mẹ ḅio sọ pulo ḅarị pịkị kụnụnụ-a.
Miemẹ anie KỊNỊNYANAḄỌ ḅe ḍiki-tọrụ ḅụ feke-feke ye; ò Mohabụ ḅẹ apụ ma sọ kẹ ọmịna ḅara-ḅio suu ḅa
Yẹrị sọ í nimi ye nimi wararị; í iḅi ị̀ nẹngị-a.
“Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị So mẹ na Kiri mẹ na tẹmẹm í opu kụrọ ḅụ; ị́ ḅụụ ḅụụ-fụkama ḅaka gberie sọ ofori.
“Yẹrị anie KỊNỊNYANAḄỌ ḅee, tomi mamgba Tamụnọ ḅee; ị̀ ḅụụ ḅụ kụrọ ḅaka gberie-sọ ofori.
“Miemẹ mịọkụ kirikọn-apụ ma ḅụụ inetẹ mịẹ ḅịa ye kịka ḅa, kụma ị̀ ḅụụ anị inetẹ mịẹ ḅịa ye sọ-a.
KỊNỊNYANAḄỌ ḅe nwẹnị Mozizi gbela, “Ị̀ opu kụrọ inetẹ mịẹ ḅịa ye emi? Mịọkụ ị́ ẹrị ḅa, ị̀ ẹkwẹn-ḅịḅị mẹ karakaraye sọ ḅẹ na sọ ḅịa na.”
Tẹ Jizọsị da-da in ḍiki tẹ pakịrịm, “Miemẹ tomi ḅụụ anị inetẹ mịẹ ḅịa ḅara sime wararị; Tamụnọ ḅụụ kụma, ye goyegoye inetẹ mịẹ ḅa.”
Jizọsị nwẹnị da-da ịn ḍiki tẹ pakịrị, “Miemẹ tomi ḅụụ inetẹ mịẹ ḅịa ye, kụma Tamụnọ ḅụụ-a; Tamụnọ ḅụụ ḅẹẹye-ḅẹẹye inetẹ mịẹ ḅa.”
Kẹ ḅio kuroma, ị́ ịyịmbara Elizabẹfụ ma tẹ tomi ḅarị iyi ḅịa tọrụ kẹ ḍiki tẹ ḅọ ma fura tẹ, mie á ḅụụ sonio akalụ, karakara ye árị omongi lama tẹ sọ.
Meri nwẹnị ḅẹẹ, “Yẹrị KỊNỊNYANAḄỌ ḅe fịrịmẹnjịḅọọ, í ḍuko ḅara anị ọkọ paka ị̀ pịrịị.” Tẹ enjẹlị ḅe nwẹnị á koroma so.
Jizọsị nwẹnị pakịrị, “Tomḅọ inetẹ mịẹ ḅịa ye Tamụnọ inetẹ mịẹ ḅa.”
Ọ̀ wamịna ịnyọ ofori, fịị-fịị oju ma ḍima tẹ arị ori ebube oju mẹ kịka ḅa, ọ̀ kẹ inetẹ ye mamgba ọkị-ḅo ò suku-ḅio suuarị kụrọ mẹ ḅụ.
