Luku 1:35 - FỊAFỊA BAỊBỤLỤ

³⁵ Enjẹlị ḅe nwẹnị pakịrị, “Fịafịa Tẹmẹ ḅe ị́ ḍọkụma-ḅo ḅa, tẹ Tamụnọ kụrọ mẹ ị́ ọgọnọ gbana ḅa. Ọkọẹrẹsị í iyi ḅarị fịafịa tụḅọ ḅe ini ọ̀ sịn ḅa Tamụnọ Tụḅọ.

Luku 1:35 Iomraidhean Croise

Jobu 14:4

Tụḅọ inetẹ muno ḅio fịafịatẹ ye pakama-ḅo ḅẹ? Gbọrụḅọ-sọ ofori.

Jobu 15:16

tọ-ḅara mịẹ kụma tomḅọ rẹ, ḅụụ si-si-si tẹ ịn tọn-tọn ḅọ ḅe, mịẹ-irima kẹ minji ḅuu ḅara ḅuuarị ḅọ ḅe!

Jobu 25:4

Tomḅọ tọ-ḅara kẹ inetẹ Tamụnọ tọrọkọ karakara ḅẹ? Ori ḅe tẹ ẹrẹḅọ iyi ḅọ inetẹ tọ-ḅara kẹ fịafịa ḅẹ?

Devidi-Anume 2:7

Amadaḅọ ḅe ḅẹẹm, “À KỊNỊNYANAḄỌ ḅe ḍuko ye mẹ ḍuko wasama ḅa. Ori ị̀ ḅẹm, ‘Ị́yẹrị ì owiḅọtụḅọ, mịmgba à ḅo ị́ ḍa sọ tẹẹ.

Devidi-Anume 51:5

Àrị iyi paka-ḅo kụra-ḅio yẹrị si-mịẹḅọ; àrị iyi paka-ḅo ene ḅụ ḅo mịmgba la ị̀ ḅụụ mẹmgba si-si-si.

Matiyo 1:18

Mie Jizọsị Kịrayịsị iyi ḅara. Josẹfụ nwẹn-sịn owiḅọ Meri nwẹn-sịn, amụ owiḅọ na gboloma-a, iriawọ-tụḅọ sime ḅẹ tẹ arị ọlọm. Kụma tẹrẹmẹ in ḅo ama-na-ere-na ḅara kẹ anga gboloma árị ẹrịm Fịafịa Tẹmẹ ḅe kụrọ ḅụ á fura tẹ.

Matiyo 1:20

Ọ̀ paa miemẹ kuromarị ogbo ọ̀ ḍawọ tẹ KỊNỊNYANAḄỌ enjẹlị ọ̀ ḅẹẹm, “Josẹfụ, Devidi tụḅọ, ḅalafa ma tẹ Meri ma ọkị simee. Kẹ gotẹ ọkọ ḅẹẹarị, á kọn wararị fura mẹ Fịafịa Tẹmẹ ḅe kụrọ ḅụ ḅom.

Matiyo 14:33

Anịtẹso arụ mẹ ḅio ḅụ, Jizọsị ḍukamẹnjịapụ ma kparakị tẹ ọ̀ tẹkẹm. Ịn nwẹnị oloku pakama, “Karakara-ḅara-ḅụ ị́yẹrị anie Tamụnọ Tụḅọ ḅee!”

Matiyo 27:54

Ọmụ-alaḅọ ḅe na ori na sime ọmụapụ ma na, tẹ Jizọsị koru sime apụ ma, kiri jike ye mẹ na, paka jen ye goyegoye ẹrị tẹso, ịn ḅalafa lama tẹ ḅẹẹm, “Karakara-ḅara-ḅụ ḅieḅe anie Tamụnọ Tụḅọ!”

Matiyo 4:3

Anịtẹso Ekwesu ḅe nwẹnị ọ̀ dama-ḅo tẹ ọ̀ ḅẹẹ, “Ị́yẹrị kọkọ Tamụnọ Tụḅọ. Tọn mịna ḍụḅarị apakịrị ma pịrị tẹ arị fịturu kpo kpo sọ.”

Makị 1:1

Mie Jizọsị Kịrayịsị, Tamụnọ Tụḅọ ḅe gboloma Iḅi-Oku mẹ.

Makị 1:24

“Nazarẹtị ḅẹ Jizọsị, ị́ wamịnị na tọ mịẹye nyana gboloma? Í ḅo wa ḅaa guluguluma ḅẹ tẹ mịanga? Àrị í nimi wararị — ị́yẹrị anie Tamụnọ fịafịa oku-mẹnjịḅọ!”

Luku 1:27

Ori oku ḍa mu gbọrụ ẹrẹḅọtụḅọ tẹ Josẹfụ nwẹn-sịn owiḅọ sime ḅẹ tẹ ọlọ wararị ḅọ pịrịm. Ori Josẹfụ ḅe Ama-da Devidi furo-ḅẹ-ḅọọ. Ẹrẹḅọtụḅọ ma ẹrẹ Meri.

Luku 1:34

Meri nwẹnị enjẹlị ḅe ḅẹẹ, “Amụ àrị owiḅọ nimi-a sakị, ndẹẹ ọkọ sime ye inetẹ mịẹ ḅẹ ḅara?”

Luku 1:36

Kẹ ḅio kuroma, ị́ ịyịmbara Elizabẹfụ ma tẹ tomi ḅarị iyi ḅịa tọrụ kẹ ḍiki tẹ ḅọ ma fura tẹ, mie á ḅụụ sonio akalụ, karakara ye árị omongi lama tẹ sọ.

Jọnị 1:34

Jọnị ḅẹẹm, “Àrị ọkọ kẹ anị ẹrị tẹ ḅẹ sakị à ḍuko ọ́ pịrịarị mịnẹ Ori anie Tamụnọ Tụḅọ ḅee.”

Jọnị 1:49

Natanịyẹlị nwẹnị pakịrị, “Ye-tolumaḅọ, ị́yẹrị anie Tamụnọ Tụḅọ ḅee; ị́yẹrị anie Izirẹlị Amadaḅọ ḅee.”

Jọnị 20:31

Kụma nwẹn kẹẹ wararị aị ma gotẹ kẹẹ ye anie mịẹtẹ ó minini ḅẹ ḅara mịnẹ Jizọsị anie Mẹsaya, Tamụnọ Tụḅọ ḅee, anịsakị ọmịnị ọ̀ ḅụụ nyana minini ḅụ ọ́ ḅọrọtẹ ḍumo nyana ḅarị ḅara.

Fịrịmẹnjịapụ 8:36

Ini etela mẹ ḅụ ideri koro mu minji sime anga la tẹso, Fịrịmẹnjị-opuḅọ ḅe nwẹnị ḅẹẹ, “Mịanga minji emi sakị, tiye pịkị ì kiki ḅẹ minji sara ḅụ.”

Romu 1:4

kụma Tamụnọ kịka fịafịa sime-ḅara ḅụ, Tamụnọ fịị ḅụ ọ̀ saakịma tẹ opu kụrọ ḅụ ḍie-pakama tẹ mịnẹ ori Tamụnọ Tụḅọọ.

Galesiya 2:20

mie ḅụ, ḍumoarị ḅọ mẹ ḅarị yẹrị-yaa, kụma Kịrayịsị tẹ ị̀ ḅụụ ḅio angarị ḅọ ḅe. Mị ḍumo mẹ tẹ mịọkụ à kọn-arị ye mẹ, Tamụnọ Tụḅọ ḅe ḅụ à nyana minini ḅụ mie à ḍumoarị ye, anie ị̀ ḅẹlẹma tẹ amịna ḍumo kẹ ì gotẹ pịrị ḅọ ḅe.

Ẹfisọsị 2:3

Karakaraye ḍuko ḅụ, wamịnị-mgba ịn mịẹ ḅara mịẹ tẹ tomḅọ si sime-ḅara mẹ ḅụ wa ḅiiarị aị ma ḍiki angam, wamịna meni-oju na wamịna akuroma na ḅụụ-ḅẹlẹ aị mịẹ ḅụ. Wamịna tomḅọ si sime-ḅara mẹ ḅụ wa ḅẹ tomḅọ, tomḅọ na kịka ḅara ḅụ; wa sime Tamụnọ ịganị pịrịm.

Hiburu 4:15

Wamịna Sịḅịda-Agbamịẹḅọ ḅe anie inetẹ ọkụrụkụrụ nyana wamịna ịnyọ ofori ma pịrị ḅịa ḅọ-a. Kụma wa nyana wararị Sịḅịda-Agbamịẹḅọ ḅe anie, ịn ḅọkọ-ḅọkọ ḅụ, ịn wa daaḍikiarị ḅara kẹ daaḍiki tẹ kụma gbọrụ si sọ mịẹ-a ḅọ.