Luku 1:33 - FỊAFỊA BAỊBỤLỤ

³³ Tẹ Ori anie Jekọbụ awọmẹ ma amadaḅọ sọ gbamaso ḅarị ḅọ; ori ama-da mẹ kunoma nyana ḅịa.”

Luku 1:33 Iomraidhean Croise

2 Samụẹlị 7:13

Ọ̀ gbọrụ warị nama ị̀ ẹrẹ pịrị ḅa, anịsakị arị ori emine mẹ sịẹma kụrọma gbamaso ḅa.

2 Samụẹlị 7:16

Anịsakị ị̀ tọrọkọ ị́ warị na, ị́ ama-da kụrọ na ịn nwẹn mịẹ sịẹma gbamaso ḅa piki-pikiye-ofori ḅara ḅụ.’ ”

Devidi-Anume 45:6

Tamụnọ kẹ ị́ pịrị daarị ama mẹ, ị́ anị da-mu ḅẹẹ-sakị ḅẹẹ-sakị la ḅa. Ị́yẹrị anie aḍụa ofori ḅara kẹ ḅẹrẹtọn ị́ atomi pịrịarị;

Devidi-Anume 89:4

‘Í furo-ḅẹ-ḅọ sakị mamgba ama-da ḅa; ị́ ama-da ọrụ mẹ arị anị wẹrị kpaịnma mu ḅẹẹ-sakị ḅẹẹ-sakị la ḅa.’ ”

Ayịzaya 16:5

Anịtẹso Devidi furo-ḅẹ-apụ ma ḅẹ gbọrụḅọ amadaḅọ sọ ḅa, tẹ ò ḅioḅẹngbọ kẹ ḅụụ ḅụ gbana na-iḅi ḅara na ḅẹlẹma na kẹ ḅẹrẹtọn ḅa. Ọ̀ sarasarama kuraye mịẹ tẹ ẹrị ḅa mịnẹ jụmọ ḅarị jụmọ inoma-a).

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Danẹlị 4:34

Amadaḅọ ḅe nwẹnị ḅẹẹ, “Sọnọma akụra ma ḅo ḅọrọ tẹso, à tọrụ sakị so dam, tẹ tomina ye-nimi nwẹnị ị̀ sịḅị ḅio sọ. À Kụrọmamgba-Nyana Tamụnọ ḅe tokinim, tẹ kụn na ebube na kẹ ḍumo gbamaso wararị ḅọ ḅe pịrịm. Ọ̀ ḅẹrẹtọn ma mu ḅẹẹ-sakị ḅẹẹ-sakị la ḅa, ori ama-daa sime gbamaso ḅa.”

Danẹlị 6:26

Àrị oloko sụarị mịnẹ à daarị tomikiri mẹ ikelema-koro ḅụ, ọrụḅọ-ọrụḅọ Danẹlị Tamụnọ ḅe ḍiki-ḅalafa tẹ ọ̀ mangịma nyanam. “Ori anie ḍumo wararị Tamụnọọ, tẹ ọ̀ ḅẹrẹtọn mu ḅẹẹ-sakị ḅẹẹ-sakị la ḅa. Ori ama-da mẹ gbala-gbala gulugulu ḅịa, tẹ ọ̀ kụrọ gbala-gbala kunoma ḅịa;

Danẹlị 7:18

Tẹ Kụrọmamgba-Nyana Tamụnọ ḅe atomi ma ama-da kụrọ daa-ọkị tẹ anị ọlọ mu ḅẹẹ-sakị ḅẹẹ-sakị la ḅa.”

Danẹlị 7:27

Tomikiri mamgba ḅẹ ama-da kụrọ na opu na ịn saḅama Kụrọmamgba-Nyana Tamụnọ ḅe atomi ma pịrị ḅa. Ịna ama-da kụrọ mẹ gbala-gbala kunoma ḅịa, tẹ tomikiri ḅẹ ḅẹrẹtọn apụ mamgba fịrịmẹnjị ịn pịrị tẹ ịna ḅịḅịpoki ḅa.”

Obadaya 1:21

Owu-ḅara-iḅiapụ ma kpọlị Zayọnị mu ḅa; in ḅẹrẹtọn Idọmụ pịrị ḅa. Tẹ KỊNỊNYANAḄỌ ḅe amadaḅọ sọ ḅa.

Mayịka 4:7

Anịsakị ekeliapụ ma à nwẹn kẹ kirikọn-apụ mịẹ ḅa, tẹ inima tẹ ịn kẹ wakị nguma apụ ma ḅo kụrọtẹ opu sịẹ sọ ḅa; tẹ KỊNỊNYANAḄỌ ḅe Zayọnị Tụndụ ọgọnọ ḅụ amadaḅọ sọ ịn pịrị ḅa, mị sakị mẹ ḅụ ọkị mu ḅẹẹ-sakị ḅẹẹ-sakị la.

Matiyo 1:1

Nwẹn goo ḅarị apụ ma anie Jizọsị Kịrayịsị atẹngịapụ ma. Ori Jizọsị Kịrayịsị ḅe Devidi furo ọ̀ pakam, anie Ebira-amụ furo-ḅẹ-ḅọ ḅe.

Matiyo 28:18

Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.

Luku 1:34

Meri nwẹnị enjẹlị ḅe ḅẹẹ, “Amụ àrị owiḅọ nimi-a sakị, ndẹẹ ọkọ sime ye inetẹ mịẹ ḅẹ ḅara?”

Romu 9:6

À ḅẹẹ-a mịnẹ Tamụnọ ḅarị ò minini ye mịẹ ḅịa-o; gbala Izirẹlị ẹrẹ fị apụ mamgba Tamụnọ atomi-a.

Galesiya 3:29

Ọkọẹrẹsị, ó sime Kịrayịsị pịrị ḅẹḅẹ, ọmịnị Ebira-amụ furo-ḅẹ-apụụ, tẹ Tamụnọ minini ye mẹ nyana ḅa.

Galesiya 6:16

Ịna aḍumo ḅụ mị ọrụ mẹ ḍukamẹnjịarị apụ ma, yee dein na, ọkụrụkụrụ na, ini na sime — ini na, pịkị Tamụnọ atomi mamgba na simee!

Filipayị 3:3

Wamịnị ma rẹ anie karakaramatẹ tarị-ḅụụ sin tẹ apụ, inia, kẹ gotẹ ọkọ ḍukoarị, wamịnị wa Tẹmẹ ḅe ḅụ ḅọrọ tẹ sunsin Tamụnọ pịrịarị, tẹ wa Kịrayịsị Jizọsị na gbọrụ ḅụ sime tẹ kọn-arị ḍumo mẹ ḅẹ ḅioḅẹlẹ kọn-arị. Wa ọgọnọ, ọgọnọ tomi ẹrị ḅẹ amịẹaị kẹ ḅiokpọma-a.

Hiburu 1:8

Tụḅọ ḅe gbolomaye kịngẹ kụma, Tamụnọ mẹẹ: “yei, Tamụnọ, ị́ ama-da tẹ ḅẹrẹtọn mu ḅẹẹ-sakị ḅẹẹ-sakị la ḅa! Inoma ofori ḅara mie ị́ kẹ ḅẹrẹtọn ị́ atomi ma pịrịarị.

Mịẹfinji 11:15

Anịtẹso sọnọma karama enjẹlị ḅe ori ọdụ ofurom, tẹ So-ḅio tọnwa apọkọ oloku-oloku tẹ ḅẹẹm, “Tomikiri ḅụ ḅẹrẹtọn kụrọ mẹ mịọkụ ḅo wa Nyanaḅọ ḅe na ọ̀ Mẹsaya ḅe na ḅara sọ tẹ, ọ̀ ḅẹrẹtọn mu ḅẹẹ-sakị ḅẹẹ-sakị la ḅa!”