Luku 1:32 - FỊAFỊA BAỊBỤLỤ

³² Ori opu sọ ḅa, tẹ Geletẹịn Tamụnọ ḅe Tụḅọ anie tomi kẹ ọ̀ sịn ḅarịye. Ori atẹngịḅọ Devidi ama-da ḅara anie KỊNỊNYANA-TAMỤNỌ ḅe ọ̀ kẹ ama-dama ḅarị ḅara.

Luku 1:32 Iomraidhean Croise

2 Samụẹlị 7:16

Anịsakị ị̀ tọrọkọ ị́ warị na, ị́ ama-da kụrọ na ịn nwẹn mịẹ sịẹma gbamaso ḅa piki-pikiye-ofori ḅara ḅụ.’ ”

Devidi-Anume 132:11

Ị́ tẹmẹ-la ḅara kẹ ye minini Devidi pịrịm, anie ị́ ḅịḅị ḍima ḅịa minini ye mẹ: “Àrị ị́ owiapụ-awọmẹ ma ḅẹ gbọrụḅọ kẹ ama-dama ḅa, tẹ ḅọrọtẹ so sakị ori daa ḅa.

Devidi-Anume 132:12

Í owiapụ-awọmẹ ma karakara ḅara kẹ ị̀ ọḅọkụ mẹ na à tọn kuroma aị ma na ọkị-ọkịị, ịna owiapụ-awọmẹ sọ í kiri ḅụ ama-da ḅa sakị mamgba.”

Ayịzaya 16:5

Anịtẹso Devidi furo-ḅẹ-apụ ma ḅẹ gbọrụḅọ amadaḅọ sọ ḅa, tẹ ò ḅioḅẹngbọ kẹ ḅụụ ḅụ gbana na-iḅi ḅara na ḅẹlẹma na kẹ ḅẹrẹtọn ḅa. Ọ̀ sarasarama kuraye mịẹ tẹ ẹrị ḅa mịnẹ jụmọ ḅarị jụmọ inoma-a).

Jerimaya 17:25

Anịtẹso amadapụ ma na amadapụ awọmẹ ma na Jeruselemu ogigo-aḅọkọ ma sọ mu ḅa ama-da opu ḅụ, Devidi nyana gberie mẹ. Ini na Juda na Jeruselemu na ḅẹ apụ ma na gbọrụ ḅụ, in kirimẹnjị-ọmụarụ ma na, asụ amẹẹ na kpọlị tẹ kẹ dọkụ ḅa, tẹ Jeruselemu mẹ tomi sakị mamgba anị ḅio ḅin ḅa.

Jerimaya 22:2

yei Juda ḅẹ amadaḅọ, KỊNỊNYANAḄỌ ḅe ẹkwẹn mẹ pokii, tẹ Devidi emine ọgọnọ lẹgị wararị ḅọ — ị́yẹrị na í opu fịrịmẹnjịapụ na ị́ atomi tẹ ma ogigo-aḅọkọ ma mẹnjị-mẹnjị sọ-ḅoarị apụ ma.

Danẹlị 2:44

Arị amadapụ ma sakị ḅụ So-ḅio ḅẹ Tamụnọ ḅe kunoma ḅịa ama-da yọ pakama ḅa. Gbala-gbala kịnị anị nẹngịma ḅịa, kụma anị ye-kọnma-a ḅara kẹ tomikiri ḅẹ ama-da mamgba guluguluma ḅa, anị tẹso, anị sime gbamaso ḅa.

Matiyo 1:1

Nwẹn goo ḅarị apụ ma anie Jizọsị Kịrayịsị atẹngịapụ ma. Ori Jizọsị Kịrayịsị ḅe Devidi furo ọ̀ pakam, anie Ebira-amụ furo-ḅẹ-ḅọ ḅe.

Matiyo 12:42

Ḅẹrẹkọn Ene ḅụ Sẹba ḅẹ Ama-da ẹrẹḅọ ma saakị tẹ ḅẹrẹ ḍuko ọmịna sịḅị sẹịn ḅa, anị gotẹ ọkọ mịẹ ḅarịye árị ma amịna ama jụ ḅio sime tẹ Ama-da Sọlọmọnị ye-nimi tolumaye mẹ poki ḅẹ tẹ saakị ḅom. Ó nimii mịnẹ mịanga ḍụḅa Sọlọmọnị nẹngị ye emi.

Matiyo 28:18

Jizọsị nwẹnị mẹnjị mu in kpeki tẹ ịn ḅẹẹ, “Tamụnọ kụrọ mamgba kẹ ị̀ pịrị tẹ, So-ḅio sime ye-o, kiri ḅio sime ye-o.

Matiyo 3:11

Yẹrị kịngẹ kụma ó si ḅụ pịkị tẹ Tamụnọ daa tẹ nwẹn ḅẹẹ elekima minji mie à kẹ ọ́ sararị ye; kụma ị̀ sakị ḅọrọ tẹso, gbọrụḅọ ḅo tẹ Fịafịa Tẹmẹ ḅe na, kọrị-fịnị na, kẹ minji kẹ ọ́ sara ḅa. Ori ị̀ nẹngị la ḅara ḅụ, ọ̀ kẹ ḅụọ sụarị okuro sọ à dogi gbẹẹ-a.

Makị 14:61

Kụma Jizọsị gbọsime tẹ gbọrụ ẹkwẹn sọ kọn ḍụkụ-a. Tẹ Sịḅịda-Agbamịẹḅọ ḅe pịkị siin ò gbelam, “Mẹsaya, Bomatẹ Tamụnọ ḅe Tụḅọ ḅe?”

Makị 5:7

tẹ gele pọkọ kẹ kararama-oloku, “Jizọsị, Geletẹịn Tamụnọ ḅe Tụḅọ! Ị́ ị̀ kẹ tiye mịẹ ḅẹ? Tamụnọ ẹrẹ ḅụ, àrị ị́ tẹkẹm, ị̀ kẹ tọrụsiẹrịma ma!”

Luku 1:15

KỊNỊNYANAḄỌ ḅe tọrọkọ ori opu tomḅọ sọ ḅa. Ori iru ḅuu ḅịa, jen-a jen-a kụrọ iru. Ini ori iyi koroma gbọrụ sakị Fịafịa Tẹmẹ ḅe ọ̀ ḅụụ sọ ḅin ḅa,

Luku 1:35

Enjẹlị ḅe nwẹnị pakịrị, “Fịafịa Tẹmẹ ḅe ị́ ḍọkụma-ḅo ḅa, tẹ Tamụnọ kụrọ mẹ ị́ ọgọnọ gbana ḅa. Ọkọẹrẹsị í iyi ḅarị fịafịa tụḅọ ḅe ini ọ̀ sịn ḅa Tamụnọ Tụḅọ.

Luku 1:76

“Ị́yẹrị, ị̀ tụḅọ, ịn kẹ ị́ sịn ḅarịye Geletẹịn Tamụnọ ḅe ịkịankoroḅọ, ị́ tarị mu tẹ KỊNỊNYANAḄỌ ḅe etela tẹlẹma ọ̀ pịrị ḅa,

Luku 3:16

Mie ḅụ Jọnị nwẹnị inimgba ḅẹẹ, “Yẹrị minji kịngẹ mie à kẹ ọ́ sararị, kụma ị̀ nẹngị lama ḅọ ḅoarị. Anị ḅọ ḅe ḅụọ ḅẹ okuro ḍiki kịngẹ sọ à fima gbẹẹ-a. Tamụnọ Fịafịa Tẹmẹ ḅe na kọrị-fịnị na mie ọ̀ kẹ minji kiri ḍima tẹ kẹ ọ́ sara ḅarịye.

Luku 6:35

Gbala-gbala! Si kẹ ị́ tọn apụ ḅẹlẹma, tẹ iḅi kẹ ịn mịẹ; ye kẹ kịnị ḅọlọ, tẹ ịn pịkịma ḅo tẹ anị kẹ ị́ pịrị ḅẹ gbọrụ ḅọkọ sọ nwẹn kẹ ḅio tọnma. Ọkọ rẹ mie ọmịnị opu gbẹẹ-ye nyana tẹ pịkị Geletẹịn Tamụnọ ḅe awọmẹ sọ ḅarịye. Kẹ gotẹ ọkọ ḍukoarị ye, ori iḅi mẹ mu ịmịẹtẹ ḅẹẹ ḅẹẹ-a apụ na, si-sịḅịḅio-sụapụ na sọ laarị.

Jọnị 12:34

Tomina-ogbo mẹ nwẹnị pakịrị, “Wamịna Fịafịa Ḍiri ḍuko wa pịrịm mịnẹ Mẹsaya ḅe ọ̀ fịị ḅịa gbamaso ḅa. Ndẹẹ ị́yẹrị pịkị inetẹ ḅẹẹ ḅẹ ḅara mịnẹ ịn Tomḅọ Tụḅọ ḅe saakị-gelema ḅẹ? Ị́yẹrị ḅẹẹarị Tomḅọ Tụḅọ ḅe ḅọrọ tụḅọ?”

Jọnị 6:69

Tẹ mịọkụ wa minini tẹ pịkị nimi tẹ mịnẹ ị́yẹrị anie Fịafịa Ḅọ ḅe, tẹ Tamụnọ ḅụụ sime tẹ ḅo ḅọ ḅee.”

Fịrịmẹnjịapụ 16:17

Á Pọlụ na wamịnị na ḍukamẹnjị-mẹnjị tẹ oloku-oloku tẹ ḅẹẹm, “Mịna atomi ma anie, Geletẹịn Tamụnọ ḅe fịrịmẹnjịapụ! Ini ọmịnị inetẹ ḅọrọma ḅẹ ḅara ḍuko ọ́ pịrịarị!”

Fịrịmẹnjịapụ 2:30

Ori ḅe ịkịankoroḅọọ, ọ̀ pịkị Tamụnọ minini ọ̀ pịrị ye nimim. Tamụnọ ye karị ḅara kẹ mininim mịnẹ ò Devidi furo ḅụ paka-ḅo kẹ ama-dama ḅa, ori Devidi ḅe sime-ḅara sime ḅọ.”

Fịrịmẹnjịapụ 2:36

“Ọkọẹrẹsị, ọmịnị Izirẹlịapụ mamgba nimi na-iḅim, mịnẹ ḅị Jizọsị ḅe, tẹ ọ́ kẹ ẹngbẹsẹ sịn ḅụ ḅakụ ḅọ ḅe, anị gbọrụḅọ ḅe, anie Tamụnọ kẹ KỊNỊNYANAḄỌ na Mẹsaya na mịẹ tẹ ḅọ ḅee!”

Fịrịmẹnjịapụ 7:48

Kụma Geletẹịn Tamụnọ ḅe ò tomi nama warị ḅio anga, anga-a; anie ịkịankoroḅọ ḅe ḍuko ḅara,

Romu 1:4

kụma Tamụnọ kịka fịafịa sime-ḅara ḅụ, Tamụnọ fịị ḅụ ọ̀ saakịma tẹ opu kụrọ ḅụ ḍie-pakama tẹ mịnẹ ori Tamụnọ Tụḅọọ.

Mịẹfinji 3:7

“Mị ḍiri mẹ kẹẹ tẹ kẹ Fịladẹlịfịya ḅẹ sọsị mẹ ḅẹ enjẹlị ḅe fịrịmaa: “Miemẹ anie fịafịa tẹ pịkị karakara wararị ḅọ ḅe ḅara ḅo oku mẹ. Ori anie Devidi sambị mẹ ọlọ ḅọ, tẹ ḅọkọ finji kụma inetẹ gbaịn ḅẹ ḅọ ofori, pịkị gbaịn kụma inetẹ finji ḅẹ ḅọ ofori, ḅọ ḅe.