Luku 1:3 - FỊAFỊA BAỊBỤLỤ

³ Ọkọẹrẹsị, ị́ kụn ḅụ, à kpọma mịna aị ma tarị saakị ḅụ arị sọkịrị ḍiki tẹ ḍawọ tẹ ḅara, à kuromam, anị iḅi ḅa yẹrị sọ arị kẹ ọrụtọn tẹ kẹ ḍiri kẹẹ ị́ pịrị,

Luku 1:3 Iomraidhean Croise

Devidi-Anume 40:5

Yei KỊNỊNYANAḄỌ, wamịna Tamụnọ, ị̀ mịẹ wa pịrị tẹ aị ḅakam, ị́ kịka gbọrụḅọ-sọ ofori: ḅụụ-buama tọnwa aị ị́ nwẹn mịẹ wa pịrị ḅẹ tẹ tọn wẹrị wararị. Gbala-gbala àrị inetẹ arịmgba gotẹ fama ḅịa, arịḅẹ kịẹn-ḅịḅị ḅakam!

Devidi-Anume 50:21

Mie mamgba ọ́ mịẹ tẹ, tẹ à ḅịḅị fie-a, mie ḅụ ọmịnị ọkịarị mịnẹ yẹrị na ọmịnị na kịkarị. Kụma mịọkụ àrị ó ḍiki ịganịarị, tẹ mịẹ tẹ ó giregirema ọ́ mịẹ ye mẹ nimiarị.

Egberima-Ẹkwẹn 22:21

tẹ arị karakara mẹ sime iḅi ḅara kẹ í toluma ḅa. Anịtẹso ini ị́ fịrịma pakama mu anị ḍọkị ḅẹ sakị ị́ karakara pakịrị-ḅịḅị mẹ ọkị-ḅo ḅa.

Nimi Tolumaḅọ 12:9

Ye-nimi mẹ sikima, Nimi Tolumaḅọ ḅe ye ḍawọ ḍịịn na, ye bala ḅara ḅụ egberima-ẹkwẹn ḍawọ tẹ anị fie ye nimi tẹ anị kẹ anị sime na-iḅi kiri koroma na kẹ tomi tolumam.

Luku 1:1

Tiyofịlọsị, ì iḅi ḅọ: Tọnwa-apụ ini inetẹ ḅara, inetẹ ḅara kẹ wamịna ogboku paka aị ma kẹ ḍiri kẹẹ tẹ.

Fịrịmẹnjịapụ 1:1

Tiyofịlọsị, ì iḅi-ḅọ: À tarị kẹẹ ḍiri mẹ ḅio Jizọsị kọrị aị na ò toluma aị na gboloma aị mamgba à kẹẹ koroma famam, ọ̀ tarị saakị ọ̀ kọrịnama kọrị sakị ḅụ,

Fịrịmẹnjịapụ 11:4

Mie ḅụ Pita nwẹnị sukuyọ-saakị ye paka ḅara, paka ḅara ḍuko ịn pịrị:

Fịrịmẹnjịapụ 15:19

Jemusị paa ẹkwẹn tọrọkọ mu tẹ ḅẹẹm, “Ọkọẹrẹsị mie ị̀ ḅịḅị, mịnẹ wa Ja asịẹ ḅẹ apụ ma tẹ pịkị Tamụnọ da tẹ apụ ma ḅụụ-fụkama ma.

Fịrịmẹnjịapụ 15:25

Anie ḅụ wa sịḅị gbolomatẹ kịnị sẹlẹ wamịna iḅi ikia apụ Banabasị na Pọlụ na ḅụ sụa tẹ kẹ ọ́ fịrịmarị,

Fịrịmẹnjịapụ 15:28

Fịafịa Tẹmẹ ḅe na wamịnị na ḅịḅị-kẹ-ogbosọ ḅụ wa iku ó ponoma ḅẹ ye kẹ ọmịnị ọgọnọ gbana ḅịa, mịna koko na-iḅi oloko ma sikima:

Fịrịmẹnjịapụ 18:23

Ori anịanga kẹlẹ sime tẹso, ọ̀ nwẹnị Galesiya na Firijiya na iri ma mu tẹ ịnyọ kẹ minini apụ mamgba pịrị.

Fịrịmẹnjịapụ 23:26

“Yẹrị, Kịladịyọsị Lisiyasị, mị ḍiri mẹ kẹẹ tẹ kẹ, Ori opu ḅụ, Ḅẹrẹtọnḅọ Fẹlịkisi fịrịmarị. À ḅii-ḅịḅị kẹ ị́ fịrịmam.

Fịrịmẹnjịapụ 24:3

Sakị mamgba wa miemẹ kẹ ye-sịn lamam anga, anga ḅụ, tẹ pịkị kpọma ịmịẹtẹ kẹ ị́ ḅẹẹarị sakị mamgba.

Fịrịmẹnjịapụ 26:25

Pọlụ nwẹnị pakịrị, “Í Opu ḅụ! Yẹrị à nọmụ-a. Karakara mẹ mie à tọrụ deinma tẹ ḍukoarị.

1 Kọrịntị 16:12

Mịọkụ à ḅo wamịna mịnaḅọ Apọlọsị gbolomaye la tẹ. Tọnwa sakị arị ẹkwẹn ò ḅiokpọma tẹ mịnẹ ori osi amịnapụ ma ḅụ sọ tẹ ḅo ó ḍikii, kụma anị ḅara mẹ amụ ọ̀ ḅioḅẹngbọ sọ kụrọ-a, mịnẹ ori ọkọ mịẹ mị sakị ḅụ. Anịsọ, ọ̀ sakị nyana sakị ò ḅo ḅa.

1 Kọrịntị 7:40

Kụma á diḅọ ofori ḅara mẹ sime mẹ ḅụ á ḅioḅẹlẹ nyana tẹịn ḅa. À nwẹn ḍuko ye mẹmgba ì kuroma ḅụ ḅo ye, tẹ à kuromarị mịnẹ Tamụnọ Tẹmẹ ḅe ị̀ ḅụụ ḅio emi.

1 Timoti 4:6

Ị́ ma ịn mịẹ ḅẹ aị ma ḍuko mịnapụ ma pịrị kụma, ị́ Kịrayịsị Jizọsị iḅi fịrịmẹnjịḅọ sọ ḅa, anie ḅioju nwẹnị minini ẹkwẹn ma na, í ḍukamẹnjịarị karakara tolumaye mẹ na kẹ tẹmẹ fịye sọma fị-fị.