Luku 1:29 - FỊAFỊA BAỊBỤLỤ

²⁹ Enjẹlị ḅe oku mẹ kpọma Meri ḅioḅẹngbọ pikirima lamam, tẹ á nwẹnị ḅụụ-bua, ọ̀ kọn ẹkwẹn mẹ ḅọrọ tiye fiearị ḅoto.

Luku 1:29 Iomraidhean Croise

Matiyo 16:7

Ịn nwẹnị saakị ini-ini-ini ogboku ḅịḅị ọkị-a tẹ ḅẹẹ, “Wa fịturu kẹ ḅo-a ye mẹ mie ó gotẹ miemẹ ḍukoarị.”

Luku 1:12

Zẹkaraya enjẹlị ḅe ẹrị sakị, ọ̀ ḅụụ-gbiripu tẹ ḅalafaam.

Luku 1:28

Enjẹlị ḅe nwẹnị ḅo tẹ á ḅẹẹ, “Dein sime ị́ pịrịị! KỊNỊNYANAḄỌ ḅe ị́ na emi, tẹ pịkị í boma lama tẹ!”

Luku 1:66

Anị naa ḅọ naa ḅọ anị kẹ kuroma ḅụ suu tẹ gbelam, “Mịẹ ḅọrọ tọ-ḅara sime ḅẹ tụḅọ?” Tẹ anị inimgba ḅụụ korom mịnẹ KỊNỊNYANAḄỌ ḅe kụrọ ori ọgọnọ gbana tẹ.

Luku 2:19

Mịna aị mamgba ḅụ gberie-sọ Meri ḅioḅọrọ-a, á pịkị kpọma arị kẹ kuroma ḅụ suum.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Fịrịmẹnjịapụ 10:17

Pita ori ẹrị ye mẹ fiearị ye kẹ ḅiokoromarị sakị, Kọnilọsị kẹ fịrịma apụ ma Sayịmọnị warị mẹ gbela nimi tẹ ḅo warị mẹ ḅẹ onu-ḅọkọ la tẹ.

Fịrịmẹnjịapụ 10:4

Ḅalafa ḅụ ọ̀ nwẹnị tọrụ finji gegema tẹ enjẹlị ḅe ḍiki tẹ ḅẹẹ, “Ị̀ Nyanaḅọ, tiye paka?” Enjẹlị ḅe nwẹnị ọ̀ pakịrị, “Tamụnọ ị́ atẹkẹ naa tẹ; ḅarasụa mịẹ ḅẹ ọkụ ofori apụ pịrị akọrịnama ma tẹ ị́ kọrịarị aị ma sọ ori ẹrị tẹ, tẹ arị ó ḅioḅẹlẹmarị ọ̀ pịkị tẹlẹma tẹ í boma ḅẹ tẹ.