Luku 1:28 - FỊAFỊA BAỊBỤLỤ

²⁸ Enjẹlị ḅe nwẹnị ḅo tẹ á ḅẹẹ, “Dein sime ị́ pịrịị! KỊNỊNYANAḄỌ ḅe ị́ na emi, tẹ pịkị í boma lama tẹ!”

Luku 1:28 Iomraidhean Croise

Ayịzaya 43:5

Ḅalafa ma — yẹrị na ị́ na emi! “Sụma-jụ ịrụa saakị paka-ḅoarị yọ mẹ na anị tuuideriarị ala-tẹịn yọ mẹ na ḅụ arị í atomi ma ọkị ama ḅo ḅa.

Danẹlị 10:19

Ori mẹẹ, “Tamụnọ ị̀ ḅẹlẹmarị, anie ḅụ ḍụkụ tẹ gberie-sọ ị́ ḅụụ-ḅalaḅalama ma anịanịa ị́ tẹmẹ-naịn-naịnma.” Ò miemẹ ḍuko sakị, ị̀ ḅụụ-ḅio à nimi tẹ mịnẹ à pịkị osi ḅara nẹngị tẹẹ ḅẹẹm, Ị̀ nyanaḅọ, í ḍuko ḅẹ-ḅiiarị ye mẹ ḍuko ị̀ pịrịị. Ị́ ị̀ mịẹ tẹ ị̀ ḅụụ iḅi tarị ḅara nẹngị tẹẹ.

Hosiya 14:2

Ọ́ pịkịma KỊNỊNYANAḄỌ ḅe dama-ḅo, tẹ yee mị tẹkẹ mẹ ọ́ kẹ ọ̀ pịrịarị agba sọ: “Wamịna asi mamgba wẹrịso tẹ wamịna tẹkẹ daa-ọkị, anịsakị wa í tokini ḅa, wa minini ị́ pịrị tẹ ḅara ḅụ.

Matiyo 12:48

Jizọsị nwẹnị pakịrị, “Ì iyingi anie tụḅọ? Ị̀ amịnapụ owiapụ anie tọ apụ?”

Luku 1:27

Ori oku ḍa mu gbọrụ ẹrẹḅọtụḅọ tẹ Josẹfụ nwẹn-sịn owiḅọ sime ḅẹ tẹ ọlọ wararị ḅọ pịrịm. Ori Josẹfụ ḅe Ama-da Devidi furo-ḅẹ-ḅọọ. Ẹrẹḅọtụḅọ ma ẹrẹ Meri.

Luku 1:29

Enjẹlị ḅe oku mẹ kpọma Meri ḅioḅẹngbọ pikirima lamam, tẹ á nwẹnị ḅụụ-bua, ọ̀ kọn ẹkwẹn mẹ ḅọrọ tiye fiearị ḅoto.

Luku 1:30

Enjẹlị ḅe nwẹnị á ḅẹẹ, “Meri, ḅalafa ma, Tamụnọ kẹ ị́ ḅẹlẹma ye ḅakam.

Luku 1:42

tẹ á nwẹnị gele pọkọ kẹ ḅẹẹ, “Eremịna ogbo ḅụ anie boma tẹịn tẹ ḅọ, tẹ í iyi ḅarị tụḅọ mẹ sọ boma tẹ!

Fịrịmẹnjịapụ 18:10

kẹ gotẹ ọkọ ḍukoarị, àrị ị́ na emi. Gbọrụḅọ-sọ inetẹ ye kẹ ị́ lama ḅịa, kẹ gotẹ ọkọ ḍukoarị, mị ama mẹ ḅio tọnwa atomi sime ị́ pịrị wararị.”

Ẹfisọsị 1:6

Ọkọẹrẹsị, ó yee wa Tamụnọ ebube ḍiki-ḅụụjịrị mẹ gotẹ ò tokini, anie ọ̀ ḅẹlẹma Tụḅọ ḅe ḅụ ọ̀ kẹ papaa ḍie wa pịrị ye mẹ!

Ḅẹrẹkọn-apụ 5:24

Ereme ḅụ boma tẹịn ḅọ anie Jehuyẹlị, Hẹba, Kenayịtị ḅọ ḅe ta ma, Akpụrụ-warị ḅio angarị ereme ḅụ boma tẹịn ḅọ

Ḅẹrẹkọn-apụ 6:12

KỊNỊNYANAḄỌ ḅe enjẹlị ḅe nwẹnị ḅụụ pakama ò ḍie tẹ ọ̀ ḅẹẹ, “KỊNỊNYANAḄỌ ḅe í ịna emii, ị́yẹrị ḅiokpọtẹ ọmụgbin ḅara-ḅaatẹ opu tomḅọ.”

Rufu 2:4

Anị gbọrụ-kirikiri, Bohazi nwẹnị Bẹtịlịhẹmụ ḅụ sime tẹ ḅo la; tẹ sịn-ḅịḅị kẹ fịye-sokuapụ ma pịrị tẹ ḅẹẹ, “KỊNỊNYANAḄỌ ḅe ọmịnị na simee!” Ini nwẹnị pakịrị, “KỊNỊNYANAḄỌ ḅe í bomaa.”