Luku 1:25 - FỊAFỊA BAỊBỤLỤ

²⁵ Á nwẹnị ḅẹẹ, “Mịọkụ kunoma ḅụ KỊNỊNYANAḄỌ ḅe mị ḅara kẹ ḅarasụa yẹrị ma sọ pịrị tẹ ị̀ ḅụụ inweni-ogbo ḅẹ ḅụụ-jịrị mẹ kan sin tẹ!”

Luku 1:25 Iomraidhean Croise

Suku-saakị 25:21

Tẹ Ayịzịkị KỊNỊNYANAḄỌ ḅe tẹkẹ ọ̀ ta pịrịm, gbala á furo pụụn wararị ẹrẹsị; tẹ KỊNỊNYANAḄỌ ḅe ọ̀ tẹkẹ naa tẹ ò ḅii ye kẹ ọ̀ pịrịm, tẹ ọ̀ ta Ribeka sime-kọnm.

2 Samụẹlị 6:23

Anịsakị Mịkalị, Sọlụ ẹrẹḅọtụḅọ ma gbọrụ tụḅọ sọ iyi-a mu á fịị ene lam.

Ayịzaya 25:8

Tẹịn ḅẹrẹtọn KỊNỊNYANAḄỌ ḅe fịị ḅaa guluguluma gbamaso ḅa! Tọrụngbọ goyegoye ḅụ simearị owu-minji mẹ ò sin ḅa, ọ̀ pịkị bebe tomikiri mẹ ḅụ ori atomi ma nyanatẹ tọrụ-tuu mẹ sọ siin ḅa. KỊNỊNYANAḄỌ ḅe ḅioju ḍuko tẹ!

Ayịzaya 4:1

Anị sakị mẹ ḅụ, sọnọma ereme gbọrụ owiḅọ kun sịẹma tẹ ḅẹẹ ḅa, “Wa inetẹ wamịna ḅụụ koko tẹ wamịna kapa sụa ḅa, kụma sisi minini wa pịrị wa ḅẹ wamịna diḅọ, mịẹ tẹ wa ḅarị owiḅọ sime-a ḅụụ-jịrị mẹ da tọrọkọ mu ḅịa ḅara.” Jeruselemu ḅo anị sime, sime-ḅara sime ḅa.

Luku 1:13

Kụma enjẹlị ḅe nwẹnị ọ̀ ḅẹẹ, “Zẹkaraya, ḅalafa ma, Tamụnọ ị́ tẹkẹ naa tẹ, ị́ ta Elizabẹfụ owiḅọtụḅọ iyi ḅa. Ị́ kẹ ọ̀ sịn ḅarịye Jọnị.

Luku 1:24

Anịtẹso ala-a kụma ọ̀ ta Elizabẹfụ fura tẹ, tẹ à nwẹnị sọnọ akalụ kẹ warị ḅio á ḅụụ ḅọị.

Hiburu 11:11

Minini anie mịẹtẹ Ebira-amụ inetẹ ḅo ḍaḅọ sọ ye, karakaraye ori omongi lama tẹ sọ, anịsakị ọ̀ ta Sera sọ, á sịḅị ḅọrọ tẹ akụra la ḅara ḅụ á ḅarị inetẹ fura ḅịa ḅara sime tẹẹ. Ò mininim mịnẹ Tamụnọ minini ọ̀ pịrị tẹ ye mẹ mịẹ ḅa.

Ḅẹrẹkọn-apụ 11:37

Á nwẹnị á ḍa ḅẹẹ, “Minini tẹ miemẹ mịẹ ị̀ pịrịị, maa akalụ kẹ ị̀ wẹrịsoo, mịẹtẹ à mu tụndụ ma ọgọnọ ị̀ ikiapụ na mẹnjị ikelekele tẹ ị̀ ḅụụ-gboloa mẹ kururu tẹ owu pakama.”

1 Samụẹlị 1:6

Pẹnina árị afana á ḅụụ-sịnịsịnịma ḅẹ ḅara kẹ ḅẹlẹma arị ịganịma lamam, anie KỊNỊNYANAḄỌ ḅe kẹ á furo pụnma ye ẹrẹsị