Luku 1:20 - FỊAFỊA BAỊBỤLỤ

²⁰ Kụma í ị̀ oku mẹ minini-a, anie anị ḅẹ sakị la sakị paka ḅarịye mẹ. Í minini-a mẹ gotẹ ị́ ḅịḅị ikpopu ḅa, í inetẹ ẹkwẹn ḅịa nwenii à minini ị́ pịrị ye mẹ mịẹ ḅa.”

Luku 1:20 Iomraidhean Croise

2 Amadapụ 7:19

ọmụ-alaḅọ ḅe nwẹnị Ịlayịsa gbela, “Ndẹẹ ọkọ sime ye inetẹ mịẹ ḅẹ ḅara KỊNỊNYANAḄỌ ḅe ḅioju So-ḅio ḅẹ ikiḅa-aḅọkọ ma finji sọ?” Ịlayịsa nwẹnị pakịrị, “Ị́ ị́ atọrụngbọ kẹ arị ẹrị ḅa kụma ị́ anị ḅụ ye fị ḅịa.”

2 Amadapụ 7:2

Anịtẹso amadaḅọ ḅe onyo-sẹịn ọmụ-alaḅọ ḅe nwẹnị Ịlayịsa ḅẹẹ, “Miemẹ inetẹ mịẹ ḅẹ, KỊNỊNYANAḄỌ ḅe ḅioju nwẹnị So-ḅio ḅẹ ikiḅa-aḅọkọ ma finji sọ?” Kụma Ịlayịsa nwẹnị pakịrị, “Ị́ ị́ atọrụngbọ ma kẹ anị ẹrị ḅa, kụma ị́ anị ḅụ ye fị ḅịa.”

Paka-so 4:11

Anịtẹso KỊNỊNYANAḄỌ ḅe nwẹnị ọ̀ ḅẹẹ, “Tụḅọ tomḅọ ḅịḅị mẹ tẹmẹ? Tụḅọ ọ̀ mịẹtẹ ọ̀ ḅịḅị ikpopu, anịanịa ò ḅeri iningi, anịanịa ò ye ẹrịarị, anịanịa ọ̀ tọrụngbọ pụụn? Yẹrị KỊNỊNYANAḄỌ ḅe, anị mịẹ-a?

Ayịzaya 7:9

Izirẹlị kụrọ Sameriya nẹngị-a gbọrụ ḅọkọ ḅụ sọ, anị ḅẹ sịḅịda ama mẹ; tẹ Sameriya pịkị kụrọ Ama-da Pẹka nẹngị-a gbọrụ ḅọkọ ḅụ sọ.” “Í minini tẹ inema tọrọkọ mu-a ḅẹḅẹ, ị́yẹrị sọ í sime tọrọkọ mu ḅịa.”

Izikẹlị 24:27

Anị gbọrụ ene mẹ ḅụ, í siin ẹkwẹn kụrọ mẹ tẹ ị́ fama ye mẹ nyana ḅa, tẹ ị́ ori na ẹkwẹn ḅa. Mị ḅọkọ ḅụ ị́ ḅọrọtẹ elekima sọ tomi ma pịrị ḅa, tẹ ịn nwẹnị nimi ḅa mịnẹ yẹrị anie KỊNỊNYANAḄỌ ḅẹ.”

Izikẹlị 3:26

À mịẹ tẹ ị́ ḅẹlẹ fịị tẹ ị́ ḅarị inetẹ mịna kọngọ-kụrọ apụ ma ḅeri nụnụ ḅịa.

Danẹlị 10:15

Ò miemẹ ḍuko sakị, à bio-bioma kiri mẹ ḍikim, ḅịḅị fie-a ḅara.

Kịẹn-aḅịḅị 20:12

KỊNỊNYANAḄỌ ḅe nwẹnị Mozizi na, Erọnị na ḅẹẹ, “Ọmịnị Izirẹlịapụ ma tọrụ-ogbo ḅụ ị̀ mịẹ fịafịama ḅẹ ḅara kẹ ị̀ ḅụụ minini nyana-a ẹrẹsị, anịẹrẹsị ọmịnị mị kobiri-ogbo mẹ ọkị-ḅo ama mẹ tẹ à kẹ ịn pịrị tẹ ama mẹ ḅio suu ḅịa.”

Makị 16:14

Arịmgba ḅẹ kunoma ḅụ Jizọsị ḅụụ-pakama ò ḍukamẹnjị oyi gbọrụḅọ finji ma ḍiem, in ye fịarị ogbo. Tẹ ọ̀ nwẹnị in ḍiki ịganị, in minini nyana-a, pịkị sịḅịḅio kụrọmatẹ tọrụngbọ kẹ ò ḍumo wararị mẹ ẹrị apụ ma ḍuko ye minini-a mẹ gotẹ.

Makị 9:19

Jizọsị nwẹnị ịn ḅẹẹ, “Amụ ọ́ paa minini nyana-a ḅara ḍikii! À ḅọrọ ọmịnị na sime mu tọ-sakị la ḅẹ? À ḅọrọ ọmịna amịẹaị ma inema mu tọ-sakị la ḅẹ? Ọ́ tụḅọ ḅe ọkị-ḅo ị̀ pịrịị!”

Luku 1:19

Enjẹlị ḅe nwẹnị pakịrị, “Yẹrị enjẹlị Gebịrẹlị, tẹ sakị mamgba Tamụnọ tọrọkọ sịẹarị ḅọ ḅe, ori anie ị̀ fịrịma ye mịnẹ à ḅo mị iḅi oku mẹ ḍuko ị́ pịrị.

Luku 1:21

Miemẹ mịẹarị sakị tomi ma Zẹkaraya koru, tẹ ḅụụ-ḅalaḅalarị, ò gotẹ Tamụnọ-warị mẹ ḅio ala sime ye mẹ.

Luku 1:22

Ọ̀ paka-ḅo sakị, ọ̀ ḅarị inetẹ ẹkwẹn ịn pịrị-a, anie ḅụ ịn nwẹnị nimi mịnẹ ori ịkịan ẹrị tẹ Tamụnọ-warị mẹ ḅio. Ine ẹkwẹn-a ḅụ ọ̀ nwẹnị ḅara, ḅara kẹ tọnma ịn pịrị.

Luku 1:45

KỊNỊNYANAḄỌ ḅe kẹ ị́ fịrịma oku mẹ karakaraye sọ ḅẹ tẹ ị́ nwẹn minini ye mẹ kpọma ḅioḅẹlẹma ye sọ ị̀ pịrị tẹ.”

Luku 1:64

Anị gbọrụ kiri Zẹkaraya nwẹnị inetẹ sin ẹkwẹn, tẹ saakị Tamụnọ tokini.

Romu 3:3

Kụma ini ḅẹ ja apụ nwẹnị Tamụnọ ḅii ḅara mịẹ-a, kụma ọ́ sịn-arị Tamụnọ sọ anị gotẹ amịna ḅịḅị sima ḅẹ?

2 Timoti 2:13

Wa ḅarị ḅioḅẹngbọ-kẹ-sịrẹrẹ-niḅi ḅara sime-a sọ, ori ọ̀ paa ḅioḅẹngbọ-kẹ-sịrẹrẹ-niḅi ḅara sime wararị, ori oḅori kẹ amịna ḅụụ sịn ḅịa ẹrẹsị.”

Tayịtọsị 1:2

anie sime gbamaso ḍumo mẹ. Tomikiri mẹ ḅẹ Suku-saakị kụra-ḅio, iruo-iruo-a Tamụnọ ḅe mị ḍumo mẹ minini wa pịrịm,

Hiburu 6:18

Ọkọẹrẹsị mịna maaịn ma emi, mịnẹ ò minini ye mẹ inetẹ ḍima ḅịa, tẹ ọ̀ pịkị iruo ḅịa. Mie ḅụ, wamịnị ọ̀ ḅụụ sịḅị-kikima-yọ ḍọkị-ẹrị tẹ apụ ma, kpọma ḅiokpọ tẹ iḅiọkụ ọ̀ kẹ wamịna tọrọkọ koroma wararị ḅiokpọmaye mẹ fịnama sịẹmarị.

Mịẹfinji 3:19

À ḍiki ịganị tẹ fomu-ḅara kẹ pịrịarị apụ mamgba anie à ḅẹlẹmarịapụ. Ọkọẹrẹsị, ḅụụ sarasara tẹ ị́ asi ḅụ pịkịị.