Luku 1:17 - FỊAFỊA BAỊBỤLỤ

¹⁷ Tẹrẹmẹ KỊNỊNYANAḄỌ ḅe ḅo, ori tarị ḅo ḅa, opu na kụrọ na ḅụ, ịkịankoro Ịlayịja nyana kụrọ pembe ḅara. Ọ̀ ḍapụ na ịna awọmẹ na ọkị-ḅo siin gboloma ḅa; ọ̀ mịẹtẹ ḅịḅị poki-a atomi ma pịkị ḅo karakaraye-mịẹapụ sọ ḅa. Ọ̀ pịkị KỊNỊNYANAḄỌ ḅe atomi ma tẹlẹma ọ̀ wẹrịma ḅa.”

Luku 1:17 Iomraidhean Croise

1 Amadapụ 17:1

Mị sakị ḅụ Tisibi ḅẹ Ịlayịja, Gilẹdị ḅụ sime ḅọ ḅe nwẹnị Ehabụ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe ḍumo wararị ogbo, ori ḅe tẹ à fịrịmẹnjị pịrịarị ḅọ ḅe, à ḍuko-a sime ogbo, mịna akụra ma ḅụ igirigi anịanịa eene koro ḅịa.”

1 Amadapụ 18:18

Ịlayịja nwẹnị pakịrị, “Amụ àrị Izirẹlị ḅụụ-fụkama-a, kụma ị́yẹrị na ị́ ḍa warị na mie Izirẹlị ḅụụ-fụkama tẹ yee, gbala ị́ KỊNỊNYANAḄỌ ḅe oloko ma sịkị tẹ Balị oru-atamụnọ ma ḍukamẹnjị tẹẹ ẹrẹsị.

1 Amadapụ 21:20

Ehabụ Ịlayịja ẹrị tẹso, ọ̀ nwẹnị Ịlayịja gbela, “yei ị̀ na fịya-a ḅọ, í ḅo ị̀ ḍọkị ẹrị tẹ?” Ọ̀ nwẹnị pakịrị, “À ḅo ị́ ḍọkị ẹrị tẹẹ, gbala ị́yẹrị ḅe ị́ ḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ mẹ dẹrịma tẹ ẹrẹsị.

2 Amadapụ 1:16

tẹ nwẹnị ọ̀ ḅẹẹ, “Mie KỊNỊNYANAḄỌ ḅe ḅẹ ḅara, ‘ị́ fịrịmẹnjịapụ fịrịma mu Balị-zibọbụ, Ẹkịrọnị ḅe oru-tamụnọ ḅe gbela ḅe mum — anie gbala Izirẹlị ḅụ ị́ ḅịḅị ḅii ḅẹ Tamụnọ ofori-a? Ọkọẹrẹsị í mono tẹ iḅila mẹ ọgọnọ í kuro-ḅo ḅịa, kụma karakara-ḅara-ḅụ ị́ fịị ḅa.’ ”.

1 Paka-aị 29:18

Yei KỊNỊNYANAḄỌ, wamịna aḍapụ Ebira-amụ na Ayịzịkị na pịkị Izirẹlị na sịḅị-tuu pịrị Tamụnọ, nwẹn sime ḅio-sẹsẹ ḅara kẹ sịḅị-tuu ị́ pịrị tẹmẹ mẹ kẹ sakị-mamgba ị́ atomi ma aḅioḅẹngbọ ḅụ wẹrịị, tẹ ịna aḅioḅẹngbọ ma da ị́ ḅụụ pịrịị.

2 Paka-aị 29:36

Hẹzịkaya na tomi mamgba na nwẹnị Tamụnọ mịẹ tomi ma pịrị tẹ ye mẹ gotẹ ḍereku; kẹ gotẹ ọkọ ḅẹẹarị, ye mẹ bẹkẹ-ḅara-kẹ ḅom ẹrẹsị.

Devidi-Anume 10:17

Yei KỊNỊNYANAḄỌ, ḅụụ-iderimarị apụ ma atẹkẹ ma í poki ḅa; í ḅiokpọ kẹ ịn pịrị ḅa.

Devidi-Anume 111:10

Tomḅọ ḅọrọ tẹ nimi nyana ḅẹ etela anie kụn kẹ KỊNỊNYANAḄỌ ḅe pịrị; ori anie karakara ḅẹrẹkọn kẹ ọ̀ tọn kuroma aị ma poki tẹ mịẹarị apụ ma pịrịarị. Ini ò tokini gbamaso ḅa.

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Ayịzaya 29:24

Oḅori atomi ḍawọ tẹ anị fiearị ye naa ḅa, tẹ sakị mamgba kẹ mbụrụmbụrụarị apụ ma ḅioḅẹlẹ ḅa, ye kẹ in toluma ḅụ.”

Emọsị 4:12

“Anịtẹso, mie ḅụ, Izirẹlịapụ, àrị ó fomu ḅẹ-yearị. À miemẹ mịẹ ḅẹ-yearị ẹrẹsị, ọ́ tẹlẹma tẹ ì fomu-ḅara daa!”

Matiyo 11:14

tẹ ọ́ nwẹnị ịna oku mẹ minini ḅarị ḅẹḅẹ, Jọnị anie Ịlayịja ḅe tẹ ḅo ḅẹ tẹ in ḍuko ḅọ ḅee.

Matiyo 14:4

Ori arị ọkị ọ̀ ta sọmarị sakị Minji-sara Jọnị ḍuko ọ̀ pịrịm, “Ị́ Ẹrodiyasị ma ọkị simearị mẹ kura-a!”

Matiyo 3:3

Ḅị Jọnị ḅe anie ịkịankoro Ayịzaya ḅụụ ḅụ ẹkwẹn tẹ ḅẹẹ ḅọ ḅe, “Gbọrụḅọ ịkpa mẹ ḅio sime tẹ olokuarị, ‘Etela tẹlẹma KỊNỊNYANAḄỌ ḅe pịrịị, mẹnjị-ḅọrọ-anga mịẹ gono-gonoma ọ̀ pịrị ọ̀ ḅọrọ muu!’ ”

Matiyo 3:4

Nambulo ḅe oju ḅẹ isuke anie ịn kẹ Jọnị kapa ḍori yee; tẹ nama oju ḅẹ apara mie ọ̀ kẹ ò ḅiri pono yee, anịsakị ọ̀ fị-fị fịye anie ịn kẹ igurube nwẹn-sịn akịdị na piri-ḅio-ḅẹ ḅẹm na.

Luku 1:16

tẹ ori Izirẹlị ḅẹ tọnwa-apụ pịkịma ḅo ịn Nyana Tamụnọ ḅe pịrị ḅa.

Luku 1:76

“Ị́yẹrị, ị̀ tụḅọ, ịn kẹ ị́ sịn ḅarịye Geletẹịn Tamụnọ ḅe ịkịankoroḅọ, ị́ tarị mu tẹ KỊNỊNYANAḄỌ ḅe etela tẹlẹma ọ̀ pịrị ḅa,

Jọnị 1:13

Tomi awọ iyi tẹ ḍa sọ ịn pịrị-pịrị ḅara ọ̀ nwẹn kẹ ini iyi-a. Tamụnọ ḅarana minini tẹ Ḍaḅọ sọ ịn pịrịm.

Jọnị 1:34

Jọnị ḅẹẹm, “Àrị ọkọ kẹ anị ẹrị tẹ ḅẹ sakị à ḍuko ọ́ pịrịarị mịnẹ Ori anie Tamụnọ Tụḅọ ḅee.”

Jọnị 3:28

Ọmịnị sọ nimi ḅara ḅụ, à ḅẹẹm, ‘Yẹrị Mẹsaya ḅe-a, kụma Tamụnọ ị̀ kẹ ọ̀ tọrọkọ tarị fịrịmam.’

Fịrịmẹnjịapụ 10:33

Anị gbọrụ sakị ḅụ mie à kịnị kẹ ị́ fịrịma ye, ị́ pịkị kẹ ye-sịn tẹ ḅo ḅara iḅi lamam. Mịọkụ ị́ nwẹn wa ẹrị ḅara mẹ, wamịnị-mgba Tamụnọ tọrọkọ emi tẹ KỊNỊNYANAḄỌ ḅe ị́ fịrịma tẹ í ḍuko wa toluma ḅẹ ye koruarị.”

Romu 9:23

Tẹ ọ̀ pịkị ḅiim ori ori opu ebube mẹ mịẹfinji, anie ọ̀ kẹ wamịnị ori ọkụrụkụrụ nyana pịrịarị apụ ma ọgọnọ ọsụma sara ye mẹ, anie wamịna ḅụ ọ̀ tẹlẹma tẹ ori ebube mẹ nyana ḅẹ apụ ma.

Kọlọsị 1:12

kẹ ịmịẹtẹ kẹ Ḍaḅọ ḅe ḅẹẹ, anie mịẹtẹ wa Tamụnọ atomi ma ḅụ sọ tẹ ò bele ama mẹ la ḅẹ apụ sọ ḅọ ḅe.

2 Timoti 2:21

Gbọrụḅọ mịna si-aị mamgba ḅụ amịna ḅụụ wẹrị fịafịamarị ḅẹḅẹ, ini mḅọ kẹ karakara amịẹaị ḅụ suu ḅa, anie mḅọ ḅụụ saakị sikima wẹrịtẹ kẹ ye mịẹ na iḅi ḅara wẹrị mḅọ Nyanaḅọ pịrị tẹ ẹrẹsị, tẹlẹma tẹ kẹ iḅi mịẹye goyegoye mịẹ ḅẹ ḅara.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.

1 Jọnị 2:28

Ọkọẹrẹsị, ị̀ awọmẹ, ọmịnị ori na gbọrụ ḅụụ simee, mịẹtẹ ò tolu-sịẹ sakị, wa ḅiokpọ lama tẹ ḅarị ḅụụ-jịrị ḅụ ò ḅoarị Ene mẹ ḅụ ọ̀ ḅụụ ḅụ kikima ḅịa ḅara.

Mịẹfinji 20:4

Anịtẹso à pịkị tọnwa emine ẹrịm, tẹ ịn kụrọ kẹ arị ọgọnọ lẹgị apụ ma pịrịm mịnẹ ịn kẹ ḅẹrẹ kọn. À pịkị Jizọsị ḍie-pakama karakara mẹ na Tamụnọ ẹkwẹn mẹ na ḍuko wasamam ẹrẹsị ịn ḅaa tẹ apụ ma atẹmẹ ma sọ ẹrịm. Ini ma amụ ịn sunsin kịnị ḅaa, ḅaa opu nama ḅe na ọ̀ fụḅara mẹ na pịrị-a, ori elekima mẹ sọ amụ ịn kẹ ịna afụḅara ḅọkọ anịanịa ịna aḅara ḅụ sụa-a. Ịn fị-ḅụ-saakị tẹ Kịrayịsị na sọ tẹ kụra maa ẹndẹ oyia asi finji kẹ ama-da tẹ ḅẹrẹtọnm.

1 Samụẹlị 7:5

Anịtẹso Samụwẹlị nwẹnị ḅẹẹ, “Ọmịnị Izirẹlị mẹmgba kobirii Mizipa ḅụ, anịsakị à KỊNỊNYANAḄỌ ḅe tẹkẹ ọ́ pịrị ḅa.”