Luku 1:16 - FỊAFỊA BAỊBỤLỤ

¹⁶ tẹ ori Izirẹlị ḅẹ tọnwa-apụ pịkịma ḅo ịn Nyana Tamụnọ ḅe pịrị ḅa.

Luku 1:16 Iomraidhean Croise

Ayịzaya 49:6

KỊNỊNYANAḄỌ ḅe ị̀ ḅẹẹm: Ị̀ fịrịmẹnjịḅọ, à tarị fịrị mẹ nẹngị ye nyana ị́ pịrị wararị. Ị́ Izirẹlịapụ tẹ fịị-a so apụ ma kẹ ḅo elemu in nyana opu mẹ lama ḅarị mẹ kịngẹ-a, kụma à pịkị ị́ kẹ bele sọma sịẹ-sịẹ ma pịrị ḅa, mịẹ tẹ bebe tomikiri mẹ ḅọrọma ḅẹ ḅara.

Danẹlị 12:3

Ye-nimi sịḅịdapụ ma So-tọrụ ḅẹ bele kẹ ḅịya ḅa. Tẹ ini tẹ tọnwa-apụ toluma tẹ in kuraye mịẹ apụ ma lolia ma kịka tẹ ḅịya ḅẹẹ-sakị ḅẹẹ-sakị la ḅa.”

Malakayị 3:1

Kụrọmamgba nyana KỊNỊNYANAḄỌ ḅe pakịrịm, “Àrị ì oku-mẹnjịḅọ kẹ fịrịma tẹ ori ì etela tẹlẹma ị̀ pịrị ḅa. Anịtẹso KỊNỊNYANAḄỌ ḅe tẹ ọ́ ḍọkịarị ḅọ ḅe ḅiotọn-a ḅara kẹ ọ̀ fịafịa-warị mẹ sọ-ḅo ḅa. Ọmịnị ẹrị ḅẹ tẹ ḅio-sẹsẹarị oku-mẹnjịḅọ ḅe ḅo ḅa, tẹ ị̀ ọḅọkụ mẹ ḍuko wasama ḅa.”

Matiyo 21:32

Kẹ gotẹ ọkọ ḅẹẹarị, Minji-sara Jọnị ḅo tẹ ọ́ ḅọrọ ḅarị karakara etela kẹ ó ḍie sakị ọmịnị ò minini ḍụkụ-a; kụma ini ama-igbigi da apụ ma na ama-mẹnjị-ereme ma na ò mininim. Ọ́ tọrụngbọ kẹ miemẹ ẹrị sakị sọ ọmịnị ọmịna akuroma ḍima tẹ ò minini-a.”

Luku 1:76

“Ị́yẹrị, ị̀ tụḅọ, ịn kẹ ị́ sịn ḅarịye Geletẹịn Tamụnọ ḅe ịkịankoroḅọ, ị́ tarị mu tẹ KỊNỊNYANAḄỌ ḅe etela tẹlẹma ọ̀ pịrị ḅa,

Luku 3:3

Mie ḅụ Jọnị nwẹnị bebe Jodanị tọrụ mẹ la anga, la anga mu tẹ Tamụnọ ẹkwẹn kọn tomi ma pịrị; ori mẹẹ, “Ọmịnị ọmịna asi ḅụ pịkị tẹ minji sara-a, Tamụnọ ọmịna asi wẹrịso ọ́ pịrị ḅa.”