Luku 1:15 - FỊAFỊA BAỊBỤLỤ

¹⁵ KỊNỊNYANAḄỌ ḅe tọrọkọ ori opu tomḅọ sọ ḅa. Ori iru ḅuu ḅịa, jen-a jen-a kụrọ iru. Ini ori iyi koroma gbọrụ sakị Fịafịa Tẹmẹ ḅe ọ̀ ḅụụ sọ ḅin ḅa,

Luku 1:15 Iomraidhean Croise

Suku-saakị 12:2

Anịsakị àrị ị́ ḅụụ gburo-gburotẹ opu sịẹ pakama ḅa, àrị í boma ḅa, tẹ mịẹtẹ ị́ ẹrẹ gburo-gburo ḅa, anie ḅụ í boma sọ ḅa.”

Suku-saakị 48:19

Kụma ọ̀ ḍa ḍụkụ-a, tẹ nwẹnị ḅẹẹ, “À nimim, ì owiḅọtụḅọ, à nimim. Manasẹ sọ ḅo amịna tomi kụlọ sọ ḅa, anịsakị ori sọ gburo-gburo ḅa anịsọ ori iyimbere kalatụḅọ ḅe ḍụḅa ọ̀ nẹngị ḅa. Kalatụḅọ furo-ḅẹ-apụ ḅo opu asịẹ ogbo sọ ḅa.”

1 Paka-aị 17:8

Àrị ị́ na í mu anga mu anga ḅụ sime tẹ, tẹ ị́ na fịya-a apụ mamgba pẹlẹ-siin tẹẹ, ị́ tọrọkọ ḅụ. À tomikiri mẹ ḅụ gburo-gburotẹ apụ ma ẹrẹ mẹ pembe ẹrẹ pakama ị́ pịrị ḅa.

1 Paka-aị 29:12

Ị́ ḅụụ ḅụ mie ngọ ma na, kụn na ḅoarị ye, ị́yẹrị mie pịkị ḅẹrẹtọn inweni-mgba pịrịarị ḅọ; kụrọ na, ịnyọ na ị́ ḅara-ḅio emii, anịsakị mịẹ gburo-gburoma mẹ na, ịnyọ kẹ ye mamgba pịrị mẹ na ị́ ḅara-ḅio emii.

Devidi-Anume 22:9

Ị́yẹrị mịẹ tẹ ì iyingi deinma ì iyi pakama-ḅom: tẹ ị̀ kala-sakị ị́ ì koko kpaịnmam.

Jerimaya 1:5

“Tẹrẹmẹ à ḍumo kẹ ị́ pịrị, àrị ị́ sẹlẹ pakama-ḅom, tẹ tẹrẹmẹ í iyi paka-ḅo, àrị ị́ sẹlẹ tẹ mịnẹ ị́ ị̀ ịkịankoroḅọ sọ sịẹ-sịẹ ma pịrị.”

Jerimaya 35:6

Kụma ịn nwẹnị pakịrịm, “Wa iru ḅuu-ḅuu-a. Wamịna elemu ḍaḅọ Jonadabụ, Rekabụ tụḅọ ḅe, ḍuko wa pịrịm mịnẹ anị ḅọrọ wamịnị-o, wamịna furo-ḅẹ-apụ sọ, wa gbọrụ iru sọ ḅuu ma.

Lẹvitikọsị 10:9

“Ọ́ mẹnjị Kobiri Akpụrụ-warị mẹ ḅio sọ-mu ḅarị sakị, ị́yẹrị, anịanịa í owiapụ-awọmẹ sọ kẹ ị́ ḅụụ sụa, iru nwẹn-sịn ye, anịanịa, tọrụ-ḅaa gbọrụ iru sọ ó ḅuu ma, anieofori ó ḅofa fịị; anị kẹẹ wararị oloko sọ ọ́ pịrị mu ḅụọ-fa-ḅụọ-paka la ḅa.

Zẹkaraya 9:15

Kụrọmamgba nyana KỊNỊNYANAḄỌ ḅe ori atomi gbaịn ḅọrọma ḅa, tẹ ini si kẹ ịn tọn apụ ma ḅaa guluguluma ḅa. Owu-kiri ḅụ ini iru-tọrụ-ḅaatẹ owiapụ kịka tẹ oloku ḅa tẹ si kẹ ịn tọn apụ ma ọmbie ọsụma ḅa; anị agba ọmbie tẹ kẹ bọlị ḅio sụa tẹ kẹ agbamịẹ-anga mẹ ḅụ sara tẹ ọsụma paka-ḅoarị ye kịka ḅa.

Luku 1:14

Ori ḅe iyi mẹ kpọma í ḅioḅẹlẹma ḅa, anie anị pịkị kẹ ja apụ sọ ḅioḅẹlẹma ḅarị ḅara.

Luku 7:28

Jizọsị nwẹnị mie kẹ sụa ḍuko, “À ḍuko ọ́ pịrịarị, ḅẹẹ tomḅọ-tomḅọ tẹ tomikiri anga tẹ ḅọ tẹ Jọnị na gbasị ḅọ ofori. Anịsọ, Tamụnọ Ama-da suku-ḅio simearị atomi ma ogboku ḅụ iderima tẹịn ḅọ Jọnị nẹngị wararị.”

Luku 7:33

Minji-sara Jọnị ḅo ye ò ḅuru-ịmọm, ọ̀ pịkị iru sọ ḅuu-a, tẹ ọmịnị mẹẹ, ‘oru dogiḅọ!’

Jọnị 5:35

Jọnị ḅe anie kọrị tẹ bele pịrịarị tọnjọ, tẹ ó boowa kala-sakị kẹ ḅioḅẹlẹm ò bele mẹ ḅio.

Fịrịmẹnjịapụ 2:4

Fịafịa Tẹmẹ ḅe nwẹnị inimgba ḅụụ ḅio sọ ḅin, tẹ ịn nwẹnị saakị kịrị-kịrị ama ḅẹ aḅịḅị fie, Fịafịa Tẹmẹ ḅe kụrọ kẹ ịn pịrịm ini ẹkwẹn nwẹn ḅẹ ḅara ḅụ.

Galesiya 1:15

Kụma amụ ini ì iyi-a kụra-ḅio Tamụnọ ị̀ sẹlẹ-ọkịm, ó ḍiki-ḅụụjịrị ḅụ, tẹ ị̀ sịnm àrị ọ̀ fịrị mẹ mẹnjịị. Tẹ ọ̀ tọn-pẹlẹ

Ẹfisọsị 5:18

Ọmịnị iru ḅụụ tọrụ-ḅaama ma, ó guluguluma ngẹrị mie anị mịẹ ḅarịye; anie nakara, yee Tẹmẹ ḅe ọmịna ḅụụ ḅio sọ ḅin.

Jọsụwa 3:7

Tẹ KỊNỊNYANAḄỌ ḅe nwẹnị Jọsụwa ḅẹẹ, “Mịmgba ḅụ mie arị Izirẹlị mẹmgba tọrụ ogbo ḅụ ị́ saakị-gelema ḅarịye, mịẹtẹ ịn nimi ḅẹ ḅara mịnẹ, á wẹrịtẹ Mozizi na sime-ḅara anị ḅara mie àrị ị́nịna sime ḅarị ḅara.

Jọsụwa 4:14

Anị ene mẹ ḅụ, KỊNỊNYANAḄỌ ḅe Jọsụwa saakị gelemam Izirẹlị mẹmgba tọrụ ogbo ḅụ; ịn nwẹnị ḅalafa na, kụn na, mangịma na nyana ọ̀ pịrị, ịn wẹrịtẹ ḅalafa na, kụn na, mangịma na nyana Mozizi pịrị ḅara ò ḍumo-ene mamgba ḅụ.