Luku 1:13 - FỊAFỊA BAỊBỤLỤ

¹³ Kụma enjẹlị ḅe nwẹnị ọ̀ ḅẹẹ, “Zẹkaraya, ḅalafa ma, Tamụnọ ị́ tẹkẹ naa tẹ, ị́ ta Elizabẹfụ owiḅọtụḅọ iyi ḅa. Ị́ kẹ ọ̀ sịn ḅarịye Jọnị.

Luku 1:13 Iomraidhean Croise

Suku-saakị 17:10

Miemẹ anie ị̀ ọḅọkụ mẹ tẹ yẹrị na, ị́yẹrị na í furo-ḅẹ-apụ na ogboku ó koko ḅarịye mẹ: ọmịna ogbo-ḅio owiḅọ nwẹn-sịn owiḅọ tarị-ḅụụ sin ḅa.

Suku-saakị 17:19

Tamụnọ nwẹnị Ebira-amụ ḅẹẹ, “Ẹn-ẹn. Ị́ ta Sera gbọrụ owiḅọtụḅọ iyi ị́ pịrị ḅa, tẹ ị́ kẹ ọ̀ sịn ḅarị ẹrẹ Ayịzịkị. Àrị ị̀ ọḅọkụ mẹ mịẹ pakama ori na ò furo-ḅẹ-apụ na pịrị ḅa, anie sime gbamaso ọḅọkụ mẹ.”

Suku-saakị 18:14

KỊNỊNYANAḄỌ ḅe ḅụụ kụrọ ḅaka ye emi? Kala fẹngụ mẹ ḅio, à tọn sakị mẹ ḅụ, à pịkịma ị́ ḍọkụma-ḅo ḅa, tẹ Sera gbọrụ owiḅọtụḅọ iyi ḅa.”

Suku-saakị 25:21

Tẹ Ayịzịkị KỊNỊNYANAḄỌ ḅe tẹkẹ ọ̀ ta pịrịm, gbala á furo pụụn wararị ẹrẹsị; tẹ KỊNỊNYANAḄỌ ḅe ọ̀ tẹkẹ naa tẹ ò ḅii ye kẹ ọ̀ pịrịm, tẹ ọ̀ ta Ribeka sime-kọnm.

Devidi-Anume 113:9

Ọ̀ mịẹ tẹ tụḅọ iyi-a taḅọ ma kụn nyanarị á warị ḅio; ọ̀ mịẹ tẹ á ḅioḅẹlẹarị awọ kẹ á pịrị ḅụ. Ọ́ KỊNỊNYANAḄỌ ḅe tokini!

Devidi-Anume 118:21

KỊNỊNYANAḄỌ, àrị í tokiniarị, ị́ ị̀ naam ẹrẹsị, í owu-ḅara-iḅi kẹ ị̀ pịrị tẹ ẹrẹsị.

Ayịzaya 8:3

Sakị kẹlẹ ḅọrọ tẹso, ị̀ ta nwẹnị fura. Wamịna tụḅọ ḅe iyi sakị, KỊNỊNYANAḄỌ ḅe ị̀ ḅẹẹm, “Ẹrẹ kẹ ọ̀ sịn, ‘Fọnya fọịn ḅo ye sarasara ḅara kẹ pọkọ ọkị ye.’

Danẹlị 10:12

Anịtẹso ọ̀ nwẹnị ḅẹ, “Danẹlị, ḅalafa ma. Tamụnọ ị́ atẹkẹ naa tẹ tarị ene mẹ tẹ ị́ tọn-pẹlẹ tẹ ị́ ị́ ḅụụ-iderima tẹ yefieye nyana ḅẹ-ḅii kụra ḅio. Àrị ị́ tẹkẹ pakịrị ḅẹ ḅo tẹ.

Hosiya 1:4

KỊNỊNYANAḄỌ ḅe nwẹnị Hosiya ḅẹẹ, “Jẹzirili kẹ ọ̀ sịịn, kẹ gotẹ ọkọ ḅẹẹarị, ala ḅịa sakị ḅụ, àrị ori elemu ḍaḅọ Jehu Jẹzirili ḅụ kura-a ḅara kẹ ḅaa apụ ma gbẹẹfị fomu-ḅara kẹ Izirẹlị ḅẹ amadaḅọ ḅe pịrị ḅa. À Jehu amada-furo mẹ kunoma ḅa.

Hosiya 1:6

Goma maaịn karama tụḅọ iyim; mị sakị ẹrẹḅọtụḅọ. KỊNỊNYANAḄỌ ḅe Hosiya ḅẹẹm, “Á sịịn, Lo-ruhama, kẹ gotẹ ọkọ ḅẹẹarị, à ḅarị jen kẹ ọkụrụkụrụ nyana Izirẹlịapụ ma pịrị ḅịa, anịanịa si-wẹrịso ịn pịrị.

Matiyo 1:21

Árị owiḅọtụḅọ iyi ḅa, tẹ ị́ kẹ ọ̀ sịn ḅarịye Jizọsị (anie fiearị Ḅọrọmaḅọ), ori amịna atomi asi ḅụ ịn ḅọrọma ḅẹ ẹrẹsị.”

Matiyo 14:27

Anị gbọrụ kiri Jizọsị ẹkwẹn ịn pịrị tẹ ḅẹẹm, “Ó ḅiokpọọ! Yẹrịị. Ọ́ ḅalafa ma!”

Matiyo 28:5

Enjẹlị ḅe nwẹnị ẹkwẹn ereme ma pịrị tẹ ḅẹẹ, “Kẹlẹ-sọ ọ́ ḅalafa ma, ó Jizọsị, ịn kẹ ẹngbẹsẹ-sịn ḅụ ḅakụ ḅọ ḅe ḍọkịarị mẹ à nimi wararị.

Makị 16:6

Ọ̀ nwẹnị ḅẹẹ, “Ọ́ ḅụụ-gbiripu ma. À nimi wararị mịnẹ ọ́ Nazarẹtị ḅẹ Jizọsị ḍọkịarị, ịn kẹ ẹngbẹsẹ-sịn ḅụ ḅakụ ḅọ ḅe. Ọ̀ mịanga ofori — ọ̀ saakị tẹẹ! Ó ḍikii, mie ini ò koroma anga mẹ.

Luku 1:14

Ori ḅe iyi mẹ kpọma í ḅioḅẹlẹma ḅa, anie anị pịkị kẹ ja apụ sọ ḅioḅẹlẹma ḅarị ḅara.

Luku 1:30

Enjẹlị ḅe nwẹnị á ḅẹẹ, “Meri, ḅalafa ma, Tamụnọ kẹ ị́ ḅẹlẹma ye ḅakam.

Luku 2:21

Nine aḍin ḅọrọ tẹ ịn tụḅọ ḅe tarị-ḅụụ sin ḅẹ tẹso, ịn nwẹnị ọ̀ sịn Jizọsị, anie ò iyingi amụ ò fura kọn-a ogbo enjẹlị ḅe go ẹrẹ mẹ.

Fịrịmẹnjịapụ 10:31

Ọ̀ nwẹnị ḅẹẹ, ‘Kọnilọsị, Tamụnọ ị́ tẹkẹ naa tẹ, pịkị ị́ kẹ mịẹ ḅẹ ọkụ ofori apụ mịẹarị iḅi mẹ sọ ẹrị tẹ.

Ḅẹrẹkọn-apụ 6:23

Kụma KỊNỊNYANAḄỌ ḅe nwẹnị ọ̀ ḅẹẹ “Dein sime ị́ pịrịị; ḅalafa ma, ị́ fịị ḅịa.”

1 Samụẹlị 2:21

KỊNỊNYANAḄỌ ḅe toluma Ana ḍikim, tẹ á sime kọn, tẹ tẹra owiapụ-awọmẹ na, maa eremịna-awọmẹ na iyim. Anịsakị Samụwẹlị, owiḅọtụḅọ ḅe KỊNỊNYANAḄỌ ḅe tọrọkọ ḅụ sime tẹ ḍụḅam.