Luku 1:1 - FỊAFỊA BAỊBỤLỤ

¹ Tiyofịlọsị, ì iḅi ḅọ: Tọnwa-apụ ini inetẹ ḅara, inetẹ ḅara kẹ wamịna ogboku paka aị ma kẹ ḍiri kẹẹ tẹ.

Luku 1:1 Iomraidhean Croise

Makị 16:20

Tẹ ò ḍukamẹnjịapụ ma anga-anga ḅụ Tamụnọ ẹkwẹn kọnm, tẹ KỊNỊNYANAḄỌ ḅe ini na kọrị tẹ ịn kọn ẹkwẹn mẹ karakaraye mẹ ḍie-pakamam ịn mịẹ ḅụụ-buama-aị ḅụ.

Jọnị 20:31

Kụma nwẹn kẹẹ wararị aị ma gotẹ kẹẹ ye anie mịẹtẹ ó minini ḅẹ ḅara mịnẹ Jizọsị anie Mẹsaya, Tamụnọ Tụḅọ ḅee, anịsakị ọmịnị ọ̀ ḅụụ nyana minini ḅụ ọ́ ḅọrọtẹ ḍumo nyana ḅarị ḅara.

Romu 14:5

Gbọrụḅọ ọkịarị gbọrụ ene opu ene sọ osi ene ma nẹngịm, jụmọ pịkị ene mamgba ọkị gbasịma wararị, ọrụḅọ-ọrụḅọ mḅọ ọlọ ye, ọlọ ye ḅẹ karakara nimi lamaa.

Romu 4:21

Ò nimi lamam mịnẹ Tamụnọ inetẹ ò minini tẹ ye mẹ mịẹ ḅa.

Kọlọsị 2:2

À miemẹ mịẹ tẹ ḅiokpọ ịna ḅụụ ḅio ḅintẹ ḅẹlẹma ini ọkị-ḅo gboloma dogi-ḅo ḅarị ḅara, tẹ mịẹ tẹ ịn gbala-gbala ḅio maaịn maaịn tọn ḅịa ḅara, aniemẹ anie karakara ḅara kẹ ye fiearị ye naa dogi-ḅoarị ye. Mị ḅara ḅụ ịn ḅo nimi ḅa mịnẹ Tamụnọ kikima ye mẹ anie Kịrayịsị ḅe ḅioju.

Kọlọsị 4:12

Ẹpafarasị sọ ó ḅiim; ori anie pịkị ọmịna ogbo mẹ ḅẹ jụmọ, tẹ fịrịmẹnjị Kịrayịsị Jizọsị pịrịarị ḅọ. Sakị mamgba ọ̀ tẹmẹ-la ḅara kẹ tẹkẹ ọ́ pịrịarị, Tamụnọ ḅara ḅiiarị mịnẹ ọ̀ mịẹtẹ ọ́ sịẹ-kụrọ, mịẹarị ye nimi tẹ ḅioḅẹngbọ mẹmgba kẹ minini tẹ Kịrayịsị ḍukamẹnjịapụ ḅara, tẹ busunu tẹ ḅara kẹ Tamụnọ ḅịḅị poki, tẹ ó ḅii ye mịẹ.

1 Tẹsalonịka 1:5

Kẹ gotẹ ọkọ ḍukoarị, wa Iḅi-Oku mẹ kẹ ḅo ọ́ pịrị ye mẹ, ẹkwẹn-ḅịḅị ḅụ kịngẹ-a, kụma kụrọ na, Fịafịa Tẹmẹ ḅe na, busunutẹ ḅara kẹ anị ḅẹ karakara mẹ minini na ḅụ. Wa ọmịnị na simearị sakị wa anga ḅara ó nimi wararị; ọmịnị iḅi mie wa gotẹ anị ḅara anga ye.

1 Timoti 3:16

Gbọrụḅọ-sọ inetẹ pịkị ḅịa mịnẹ wamịna Tamụnọ etela mẹ ḅụ gbọrụ kikima wararị opu ye emi: Tomina sime-ḅara ḅụ ọ̀ paka-ḅom, Tẹmẹ ḅe ọ̀ karakara mẹ ḍie-pakamam, enjẹlị apụ Ori ẹrịm. Sịẹ-sịẹ ma ogboku ini ò ḍuko-pakamam, bebe tomikiri mẹ ḅụ tomi ò mininim, tẹ Tamụnọ ọ̀ kẹ iwo so mum.

2 Timoti 4:17

Kụma KỊNỊNYANAḄỌ ḅe ị̀ na sime tẹ ịnyọ kẹ ị̀ pịrịm, anie mịẹtẹ àrị inetẹ bebe oku mẹ ḍuko wasama Ja asịẹ ḅẹ apụ mamgba pịrị tẹ ịn naam; tẹ Tamụnọ ịn ḅaa-ḅẹrẹ-pẹlẹ ị̀ pịrị ḅẹ ye mẹ ḅio ị̀ pụkọ-pakamaḅom.

Hiburu 10:22

Mie ḅụ, ó yee wa sọma-ḅo Tamụnọ kpeki, karakara ḅioḅẹngbọ na jike-a minini na ḅụ; ḅioḅẹngbọ ma sịkịrị fịafịa, tẹ si ḅẹrẹ-ḅarasii ponoma-a tẹmẹ ḅioḅẹngbọ na minji sịkịrị vịọịmatẹ oju ma na ḅụ.

Hiburu 6:11

Wa ḅii lamarị ye anie, ọmịna ḅụ ọrụḅọ-ọrụḅọ mḅọ nyana ḅio-sẹsẹ mẹ ọlọ mu kunoma la, mịẹtẹ ọ́ kẹ ḅiokpọma wararị aị ma ḅo ọmịna ḅara la ḅarị ḅara.