Lẹvitikọsị 3:3 - FỊAFỊA BAỊBỤLỤ

³ Anịsakị ḅụụ-dein-nyana mịẹ agba mẹ ḅụ, fịnị ḅụ mịẹ KỊNỊNYANAḄỌ ḅe pịrịarị agba ḅara ḅụ, furo ḅio ịla ma gbaịn tẹ pịkị arị ọgọnọ simearị ḅẹlẹkị ma na,

Lẹvitikọsị 3:3 Iomraidhean Croise

Devidi-Anume 119:70

Mịna atomi ma anie yefieye naa-a apụ, kụma àrị í oloko ḅụ tọrụ-ḅẹlẹ ḍọkị ẹrị tẹ.

Paka-so 29:13

Anịsakị ị́ ḅẹlẹkị ma tẹ furo ḅio ịla ma gbaịn aị mamgba na, pụmbụra mẹ ḅụ sime aị ma na maa san-akpa ma na arị ọgọnọ ḅẹ ḅẹlẹkị ma na kẹ sụa ọkị tẹ arị dọkịma ḅa agbamịẹ-anga mẹ ọgọnọ ḅụ.

Paka-so 29:22

“Í pịkị ejimina ḅe ḅẹlẹkị mẹ na, ḅẹlẹkị etemi mẹ na, ịla ma gbaịn ḅẹlẹkị ma na, pụmbụra mẹ ḅụ sime aị ma na, maa san-akpa na arị ọgọnọ ḅụ sime ḅẹlẹkị mẹ na, ama-ḅara anga ḅẹ ḅụọ-ẹtẹnẹ mẹ na ọkị ḅa.

Egberima-Ẹkwẹn 23:26

Ị̀ tụḅọ, iḅiọkụ tọrụ Kireinma tẹ ì ḍumo kẹ ị́ kẹ ḍiki angarị ye mịẹẹ.

Ayịzaya 6:10

Anịtẹso ori ị̀ ḅẹẹm, “Mịẹ tẹ mịna atomi ma akuroma ma oḅoku, ịna aḅeri iningi, tẹ ịna atọrụngbọ pụụn, mịẹ tẹ ịn ḅarị inetẹ ye ẹrị, anịanịa naa, anịanịa ye fie ye naa ḅịa ḅara. Ini ọkọ mịẹ namịna, mimgbe ịn pịkị ị̀ dama-ḅo tẹ gwọọ tẹ.”

Izikẹlị 36:26

Àrị ịwọ ḅioḅẹngbọ na ịwọ kuroma na kẹ ọ́ pịrị ḅa. Àrị ọmịna kọngọ-kụrọma ḍụḅarị ḅioḅẹngbọ mẹ siin so tẹ ḅịḅịpoki ḅioḅẹngbọ kẹ ọ́ pịrị ḅa.

Izikẹlị 44:15

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Arị agbamịẹapụ ma tẹ sime Livayị pịrị tẹ Zadọkụ furo ḅụ paka apụ ma, anị sime-ḅara sime-ḅara sọ, paa ḅioḅẹngbọ kẹ sịrẹrẹ na-iḅi ḅara kẹ fịrịmẹnjị ị̀ pịrị tọrọkọ mum ị̀ warị mẹ ḅio ḅụ, Izirẹlị ḅẹ kirikọn-apụ ma ị̀ ḅụụ pịkị-so sakị. Mie ḅụ mịọkụ ini anie fịrịmẹnjị ị̀ pịrị ḅarị apụ, tẹ ị̀ tọrọkọ ḅo-ḅo tẹ ḅẹlẹkị na ọmbie na kẹ agba mịẹ-mịẹ ị̀ pịrị.

Lẹvitikọsị 1:12

Mḅọ nama ḅe keni tẹ sịḅị mẹ na, ḅẹlẹkị ma na pakama-ḅo ḅa, tẹ agbamịẹapụ ma arị kẹ ọrụtọn koroma ḅa fịnị apakịrị ma tẹ agbamịẹ-anga mẹ ọgọnọ tọnọ wararị fịnị mẹ ḅio.

Lẹvitikọsị 1:8

Erọnị owiapụ-awọmẹ, agbamịẹapụ ma nwẹnị pakịrị ma tẹ agbamịẹ-anga mẹ ọgọnọ simearị fịnị mẹ ọgọnọ kenitẹ nama mẹ na, sịḅị mẹ na, ḅẹlẹkị mẹ na kẹ dẹẹ ḅa ọrụtọn ḅara ḅụ.

Lẹvitikọsị 16:25

Si sin agbamịẹ nama mẹ ḅẹ ḅẹlẹkị mẹ agbamịẹ-anga mẹ ọgọnọ ori anị dọkịma ḅa.

Lẹvitikọsị 3:16

Anịsakị agbamịẹḅọ ḅe nwẹnị agbamịẹ-anga mẹ ọgọnọ fịnị ḅụ mịẹ fịye agba mịẹ ḅara kẹ ḅụụ-ḅẹlẹma kụnụ gotẹ arị dọkịma ḅa. Ḅẹlẹkị mẹmgba KỊNỊNYANAḄỌ ḅe nye.

Lẹvitikọsị 3:2

Mḅọ amịna ḅara kẹ mḅọ agbamịẹ nama ḅe sịḅị ọgọnọ gbana ḅa, tẹ Kobiri Akpụrụ-warị mẹ ḅọkọ ḅụ nama ḅẹ ḅaa ḅa, tẹ Erọnị owiapụ-awọmẹ, agbamịẹapụ ma ọmbie mẹ kẹ agbamịẹ-anga mẹ ḅụụ sara ikelema-koro ḅa.

Lẹvitikọsị 3:4

maa san-akpa ma tẹ ḅiri mẹ ḅụ simearị aị ma na arịḅẹ ḅẹlẹkị tẹ arị ḅụ sime aị ma na, pụmbụra mẹ ḅụ sụa-paka-ḅo wararị aị ma na sin ḅa.

Lẹvitikọsị 4:10

(dein agba mịẹ pootẹ-nambulo ḅe ḅụ mịna aị ma keni ḅara mie arị paa keni ḅarị ḅara), anịsakị agbamịẹḅọ ḅe nwẹnị dọkịma-agba mịẹ edeni mẹ ọgọnọ arị dọkịma ḅa.

Lẹvitikọsị 7:30

Mḅọ ḅarana amịna soku-ḅẹ aḅara kẹ fịnị ḅụ mịẹ KỊNỊNYANAḄỌ ḅe pịrị ḅẹ agbamịẹye mẹ ọkị-ḅo ḅa; mḅọ agbamịẹ nama ḅe ḅẹlẹkị na, ori ndo na ọkị-ḅo KỊNỊNYANAḄỌ ḅe pịrị tẹ ndo mẹ KỊNỊNYANAḄỌ tọrọkọ sikima mie karakara ḍiepịrịye agbamịẹye sime-ḅara sime ḅa.

Lẹvitikọsị 7:5

Agbamịẹḅọ ḅe agbamịẹ-anga mẹ ọgọnọ fịnị ḅụ mịẹ KỊNỊNYANAḄỌ ḅe pịrịarị agba ḅara kẹ arị dọkịma ḅa. Miemẹ anie ḅẹrẹ-ḅarasii agba.

Lẹvitikọsị 9:10

Kụma si sin agbamịẹye mẹ ḅẹ ḅẹlẹkị mẹ na, san-akpa ma na, pụmbụra mẹ ḅụ sụa-paka wararị, ye mẹ ori agbamịẹ-anga mẹ ọgọnọ arị dọkịmam, KỊNỊNYANAḄỌ ḅe wẹrịtẹ tọn Mozizi pịrị ḅara.

Matiyo 13:16

“Ọmịnị ma kụma, ọ́ kpọma iḅi fụḅara sụam! Ọmịna atọrụngbọ ma ye ẹrịarị, ọmịna aḅeri ma pịkị ye naarị.

Matiyo 15:8

Tamụnọ ḅẹẹm, “mịna atomi ma, ḅịḅị apara ngẹrị mie ịn kẹ ị̀ kụn-arị, kụma ịna aḅioḅẹngbọ ị̀ ḅụụ ḅele la jụ iḅerea.

Romu 5:5

Tamụnọ ọ̀ kẹ ḍie wa pịrị wararị Fịafịa Tẹmẹ ḅe ḅụ ḅọrọ tẹ ḅẹlẹma kẹ wamịna ḅioḅẹngbọ ḅụ ọsụma sara tẹ ẹrẹsị, wa nyana ḅiokpọ mẹ ḅarị papaaye sọ-a.

Romu 6:6

Wa nimi wararị mịnẹ, wamịna si sime-ḅara mẹ ḅẹ elemu ḅụụ mẹ ịn kẹ ori na sụa ẹngbẹsẹ-sịn ḅụ ḅakụ tẹ, mịẹtẹ anị ḅarị kụrọ nyana tẹ jen kẹ wa kẹ si omoni sọma ḅịa ḅara.

Ditẹrọnọmị 30:6

KỊNỊNYANAḄỌ ọmịna Tamụnọ ḅe ọmịnị na, ọmịna aḅụụ paka-ḅo apụ ma na ḅioḅẹngbọ ḅẹ tarị-ḅụụ sin ḅa, anieḅụ ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅa, mịẹtẹ ó ḍumo ḅẹ ḅara.

1 Samụẹlị 2:15

Anie sikima, tẹrẹmẹ ịn ḅẹlẹkị mẹ dọkịma, agbamịẹḅọ ḅe fịrịmẹnjịḅọ ḅe ḅo tẹ oriḅe tẹ agba mẹ mịẹarị owiḅọ ḅe ḅẹẹ ḅa, “Kẹ agbamịẹḅọ ḅe pịrị ḅẹ nama kẹ ị̀ pịrị tẹ à fọị; kẹ gotẹ ọkọ ḅẹẹarị, ori ị́ ḅara sọọtẹ nama ọkị ḅịa, kụma amụ sọọ-a ye.”