Biblia Todo Logo
Bìoball air-loidhne

- Sanasan -




Jowẹlị 3:9 - FỊAFỊA BAỊBỤLỤ

9 “Miemẹ ḍuko wasamaa, sịẹ-sịẹ ma ogboku: ‘Ọ́ ḅụụ tẹlẹma ọmụ pịrịị! Ọmụapụ sịn ḅoo! Ị́ ọmụgbin-apụ kobiri tẹ ịn mẹnjị paka!

Faic an caibideil Dèan lethbhreac




Jowẹlị 3:9
16 Iomraidhean Croise  

Ḍuko sịẹ-sịẹ mamgba pịrị, “KỊNỊNYANAḄỌ ḅe anie Amadaḅọ! Ò tomikiri mẹ sịẹma kụrọma wararị, tẹ anị inetẹ jike ḅịa ḅara; ọ̀ karakara ḅẹrẹ kọn tomi ma pịrị ḅa.”


Tomikiri ḅẹ opu asịẹ ma ḅẹ apụ mamgba, ó ḅoo! Ó ḅo kobiri ikelema tẹ pokii. Yee bebe tomikiri mẹ na anị ḅio angarị apụ mamgba na mịanga ḅo tẹ poki.


KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.


Oku mẹ ḍuko sịẹ-sịẹ ma pịrịị; anị ḍuko wasamaa! elekima pịrị tẹ kịnị mamgba naa ḅẹ ḅara kẹ oku mẹ ḍukoo! Anị kẹ ḅọị ma! Babịlọnị ḅịkị tẹẹ! Árị ẹkẹkẹ-tamụnọ Madọkụ ḅe ini ò puu kọsịma tẹẹ! Babịlọnị ḅẹ oru-afụḅara ma ḅụụ-jịrị tẹẹ. Á sịḅị-ngụngụnma ḍụẹịn-afụḅara ma kaan-sara tẹẹ!


KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.


“Kẹ ọmụ mẹ saakị ḅẹ elekima mẹ pịrịị! Ọdụ ofuroo, mịẹ tẹ sịẹ-sịẹ ma inetẹ naa ḅẹ ḅara. Sịẹ-sịẹ ma tẹlẹma ọmụ kẹ Babịlonịya paka pịrịị! Ḍuko amadapụ daarị ayọ ma pịrị — Araratị, Mini, na Asịkẹnazị na pịrị mịnẹ ini ọmụ saakịị. Ọmụ-alaḅọ tọn ori ọmụ mẹ sịḅịda tẹ saakịị. Asụ ma ọkị-ḅoo, igurube ḅaka ḅara ḅaka wararị aị ma.


Ịn ḅẹẹ ḅa, “Ọ́ tẹlẹma tẹ owu kẹ Jeruselemu pakaa! Ọ́ ḅụụ karakaramaa! Eneḅaka-ogbo ḅụ wa owu mẹ saakị ḅa!” Kụma ịn ḅẹẹ ḅa, “Sakị mẹ ḅụra ḅaka tẹẹ, mịmgba-ḅe-ene faa ḅẹ tẹẹ, tẹ ḅoḅiri-so mẹ pịkị kpiti tọrọkọ muarị.


Ị́yẹrị anie iḅere-iḅerea kụra ḅio arị ị̀ fịrịmẹnjịapụ, Izirẹlị ḅẹ ịkịankoroapụ ma ḅụ ḅọrọ tẹ ḍuko-wasama sakị, mịnẹ tọrọkọ ḅo ḅarị sakị ḅụ à gbọrụḅọ ọkị-ḅo tẹ owu kẹ Izirẹlị paka ḅẹm. Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”


Ḍuko ọ̀ pịrị ọ̀ tẹlẹmaa, tẹ mịẹ tẹ ori ọmụapụ mamgba tẹlẹma sime ọ̀ tọn ḅara ḅụ.


Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.


À sịẹ-sịẹ mamgba pịkị-ḅo ḅa, tẹ ini ịn nyana aị ma kẹ mị yọọ ḅo ḅa, tẹ ngọ Tamụnọ-warị mẹ ḅio ḅin ḅa.


KỊNỊNYANAḄỌ ḅe sịẹ-sịẹ mamgba kobiri ḅo tẹ in Jeruselemu kẹ ọmụ kiri sọma ḅa. Ini opu ama mẹ ọkị ḅa, warị-warị ma fọịn, tẹ nwẹnị kụrọ ḅara kẹ ereme ma na tii. In tomi ma kẹ maa anga ḍie ḅa, gbọrụ anga kun-so mu jen sịẹ ḅụ angama ḅa, kụma ịna ḅụ kirikọn-apụ ma opu ama mẹ ḅio ini ini ọkị so ḅịa.


Anịtẹso KỊNỊNYANAḄỌ ḅe paka mu arị asịẹ na owu-sọ ḅa, ḅọrọtẹ sakị mẹ ḅụ sọ ọ̀ mịẹ ḅara mẹ.


Lean sinn:

Sanasan


Sanasan