Jowẹlị 3:8 - FỊAFỊA BAỊBỤLỤ

⁸ À mịẹtẹ ini ọmịna owiapụ-awọmẹ na eremịna-awọmẹ na kẹ Juda ḅẹ apụ dẹrị ḅa, ini nwẹnị ịn kẹ Sabịya apụ tẹ iḅere-iḅerea anga ḅụ simearị apụ ma dẹrị ḅa. Yẹrị, KỊNỊNYANAḄỌ ḅe, ọkọ ḅẹẹm.

Jowẹlị 3:8 Iomraidhean Croise

Jobu 1:15

tẹ Sabịya apụ nwẹnị bẹkẹma ḅo ịn ponoma tẹ ịn kun ọkị, tẹ okologie kẹ fịrịmẹnjịapụ ma pẹlẹ-ḅaa; anịsakị yẹrị ngẹrị mie ḍumo-mangị kọn tẹ ḍuko ị́ pịrị ḅẹ ḅo ye.”

Devidi-Anume 72:10

Sipeni na sọ, sọ ma na ḅụ ama-daarị apụ ma ḍiepịrị-aị kẹ ọ̀ pịrị ḅa; Arebịya na Ẹtịyopịya na ḅẹ amadapụ ma agbamịẹ-aị kẹ ḅo ọ̀ pịrị ḅa.

Ayịzaya 60:14

Í ponoma sime apụ ma owiapụ-awọmẹ ma ḅo ḅa Tẹ tuuideri tẹ kụn kẹ ị́ pịrị ḅa. Gbọrụ sakị í ḍiki-sima sime apụ mamgba ị́ aḅụọ suku sunsin ḅa. Ịn kẹ ị́ sịn ḅarịye: KỊNỊNYANAḄỌ Ḅe Opu Ama. Zayọnị, Izirẹlị Tẹkẹarị Fịafịa Ḅọ Ḅe Opu Ama.

Jerimaya 30:16

Kụma mịọkụ, ó kuun-pẹịarị apụ mamgba ini in kuun-pẹị ḅa, tẹ si kẹ ọ́ tọn-arị apụ mamgba ini ikoliapụ ḅara kẹ ini ọkị so ḅa. Ó ponomarị apụ mamgba ini in ponoma ḅa, tẹ ọmịna aị fọịn soarị apụ mamgba ini ịna aị fọịn so ḅa.

Jerimaya 6:20

Sẹba ḅụ ini ọkị-ḅo ị̀ pịrịarị kụnụaị dọkịma aị ma à kẹ tiye mịẹ ḅẹ, anịanịa sụma-jụ ḅẹ amakiri ḅụ ḅo kụnụaị ma? Ịn kẹ ḅoarị ḍiepịrị-aị ma à da ḅịa, anịanịa ịna agba ma ị̀ ḅụụ-ḅẹlẹ aị sọ.

Izikẹlị 23:42

Kịnị inetẹ ye-bala-a gbiri-gbiri-gbiriarị inweni-ogbo fie ma ḅọrọarị ye na ḅa, ịkpa mẹ ḅio ini ọkị-ḅo inweni-ogbo. Ịn ḅarasụa aị kẹ ereme ma aḅara kọngọ sụam, pịkị iḅi-fịtẹ akịranị kẹ ịna asịḅị surem.

Izikẹlị 38:13

Sẹba na Dedanị na Sipeni na ama ma ḅụ sime tẹ ḅo masịnịapụ ma í gbela ḅa, ‘Ị́ ọmụ-ogbo kobiri tẹ, owu paka tẹ ye fọịn tẹ kụrọ-ḅara kẹ ye tan so ḅẹ ḅara? Ị́ ḅiiarị í seleḅa na golu na nyana, opu ama ma na ja ngọ na, tẹ gbọịn-gbọịnma arị ọmụ ḅio ị́ fọịn ḅo aị mamgba kẹ mẹnjị-so?’ ”

Ditẹrọnọmị 32:30

Gbọrụḅọ tọ-ḅara kẹ kịnị maa ẹndẹ oyia asi finji ḍuka na-iḅi, tẹ maa apụ kịnị puku, sọnọ ẹndẹ finji dee mangịma, ịna Ịkụ Ḅe ịn dẹrị tẹ sikima tẹ KỊNỊNYANAḄỌ ḅe ịn wẹrịso tẹ?

Ḅẹrẹkọn-apụ 2:14

Anieḅụ KỊNỊNYANAḄỌ ḅe ịganị kẹngẹma Izirẹlị ọgọnọ saram tẹ ori ịn kẹ inima tẹ kụrọ ḅara kẹ ngọ fọịn-arị apụ ma ḅara-ḅio suu, tẹ ini ịn fọịnm; ọ̀ pịkị ịn kẹ ini na fịya-a tẹ ini ikelema-koro wararị apụ ma kụrọ ḅio dẹrịmam, anie mịẹtẹ ini inetẹ ḅarị ini na fịya-a apụ ma kuḅu sịẹ-a.

Ḅẹrẹkọn-apụ 4:2

Anie ḅụ KỊNỊNYANAḄỌ ḅe mịẹtẹ Jabini, Kenanị ḅe amadaḅọ ḅe tẹ Hazọ ḅụ sime tẹ ama-da ḅọ ḅe ịn nẹngịmam. Ori ọmụ-ogbo ḅẹ ḅẹrẹtọnḅọ ḅe anie Sisera, oriḅe tẹ Harosẹtị-agoyimụ ḅụ sime ḅọ ḅe.

Ḅẹrẹkọn-apụ 4:9

Á nwẹnị ḅẹẹ, “Tụkụma ḅara ḅụ arị ị́ ḅụụ sọ tẹ mu ḅa; etela mẹ tẹ í muarị anga mẹ, anị, sime-ḅara, sime-ḅara ebube mẹ ḅarị í nye sọ ḅịa, kẹ gotẹ ọkọ ḅẹẹarị, KỊNỊNYANAḄỌ ḅe Sisera kẹ ẹrẹḅọ ḅara-ḅio dẹrịma ḅa.” Anịtẹso Dibora virikama saakị tẹ Barakị ḅụụ sọ tẹ Kẹdẹsị mum.