Jowẹlị 3:7 - FỊAFỊA BAỊBỤLỤ

⁷ Mịọkụ ọmịnị ịn kẹ mu dẹrị anga ḅụ àrị ịn ọkị-ḅo ḅẹ-yearị. Àrị ọ́ kẹ ịn mịẹ ye mẹ kẹ ọ́ mịẹ ḅa.

Jowẹlị 3:7 Iomraidhean Croise

Ẹsịta 7:10

Anieḅụ ịn nwẹnị Emanị kpọ-ḅaa, ọ̀ tẹlẹma tẹ kẹ Mọdịkaya pịrị kịnị-kpọḅaaye mẹ ọgọnọ. Anịtẹrẹmẹ amadaḅọ ḅe ịganị mẹ nwẹnị dein.

Ayịzaya 11:12

Kẹ tomikiri ḅẹ asịẹ ma ḍie mịnẹ, ò siin ori atomi ma kobiri gboloma ḅo ḅa ḅẹ ye ḅụ, KỊNỊNYANAḄỌ ḅe arụ pike ḅịtẹ pike gelema ḅa, tẹ Izirẹlị na Juda na ḅụ gala-gala atomi ma, tomikiri ḅẹ ini ịkọlị ma ḅụ, ini ọkị pịkị ḅoarị.

Ayịzaya 49:12

Ị̀ atomi ala lama wararị anga sime tẹ ḅo ḅa, ọgọnọ-jụ pakịrị anga na, ịrụa-ideriarị-anga anga na, suku-jụ-pakịrị Asiwanị ama ḅụ na.

Ayịzaya 66:6

Pokii! Anị opu yeke-yeke pọkọ mẹ opu ama mẹ ḅio, tẹ Tamụnọ-warị mẹ ḅio fiearị ye mẹ, anie KỊNỊNYANAḄỌ ḅe fomu-ḅara kẹ si kẹ ọ̀ tọn apụ ma pịrịarị ye mẹ ḅẹ pọkọ!”

Jerimaya 23:8

Anie nakara ini ị̀ ḅụ karị tẹ ḅẹẹ ḅa ḍumo wararị Tamụnọ ḅe tẹ ọgọnọ-jụ ḅẹ amakiri mẹ na jen asịẹ mamgba tẹ arị ịn gala-gala mu la ayọ ma ḅụ Izirẹlịapụ ma pakama-ḅo ḅọ ḅe. Ini ịna ḅara-kuḅu ḅẹ amakiri ḅụ anga ḅa.”

Jerimaya 30:10

Ị̀ atomi, ọ́ ḅalafa ma; Izirẹlịapụ, ọ́ tẹmẹ-naịn-naịn ma. Sụma-jụ ḅẹ amakiri mẹ ḅụ arị ọ́ pụkọ-pakamaḅo ḅa, ọmịnị omoniapụ ḅara kẹ simearị amakiri mẹ ḅụ. Ọ́ pịkị warị ḅo tẹ dein ḅụ anga ḅa; ye ḅarị ọ́ la ḅịa, tẹ gbọrụḅọ-sọ ḅarị ọmịna ḅalafama ḅịa.

Jerimaya 30:16

Kụma mịọkụ, ó kuun-pẹịarị apụ mamgba ini in kuun-pẹị ḅa, tẹ si kẹ ọ́ tọn-arị apụ mamgba ini ikoliapụ ḅara kẹ ini ọkị so ḅa. Ó ponomarị apụ mamgba ini in ponoma ḅa, tẹ ọmịna aị fọịn soarị apụ mamgba ini ịna aị fọịn so ḅa.

Jerimaya 31:8

Arị ini ọkị-ḅo ḅa ọgọnọ-jụ mẹ ḅụ tẹ in kobiri ḅa tomikiri mẹ akunoma ḅụ. Tọrụngbọ-pụụntẹ-apụ na ekeliapụ na ịna ḅụ sọ tẹ ḅo ḅa, furatẹ-ereme na iyi ḅẹ-yearị apụ na. Ini opu sịẹ ḅara kẹ pịkị-ḅo ḅa.

Jerimaya 32:37

À tomi ma kobiri ḅo ḅẹ-yearị, anie arị ì owi ịganị ḅụ ịn gala-galama mu asịẹ mamgba ḅụ, tẹ arị ịn kẹ pịkị mịanga ḅo ḅa, tẹ mịẹ tẹ ịn mị yọọ anga ḅa, kpaịn ḅara ḅụ.

Izikẹlị 36:24

Sịẹ goyegoye na amakiri goyegoye na ḅụ arị ọmịnị ọkị pịkị-ḅo ọmịna soku-ḅẹ amakiri lama ḅa.

Izikẹlị 38:8

Tọnwa akụra ḅọrọtẹ so sakị, à tọn ọ̀ pịrị tẹ ori ọmụ kẹ bebe amakiri mẹ tẹ ịn tọnwa asịẹ ḅụ kobiri ḅo gboloma tẹ ini ọmụ ḅalafa ofori ḅara kẹ anga yọ mẹ koro ḅa. Ori ọmụ kẹ Izirẹlị ḅẹ tụndụ ma koro ḅa, anie papaa gbiin-koro sime tẹ kịnị anga-a tẹ alatẹ anga mẹ, kụma mịọkụ ḅụ kịnị mamgba ye ịn la-a ḅara kẹ angarị anga mẹ.

Jowẹlị 3:4

“Ó tiye kẹ ị̀ mịẹ ḅẹ ḍọkịarị, Taya na, Sayịdọnị na, Filisiteni iri mamgba na? Ọmịnị ị̀ ḅara gbẹẹfị ọkị ḅẹ ḍọkịarị ḅoto? Ọmịnị ọkọ mịẹarị ḅẹḅẹ, yẹrị tarị sarama ọmịna aḅara ḅii ḅa!

Zẹkaraya 9:13

À Juda kẹ ọmụḅọ iboli kịkama tẹ ye mịẹ ḅa tẹ Izirẹlị kẹ ḍiein amẹẹ kịkama ḅa. À Zayọnị ḅẹ owiapụ ma kẹ okologie kịkama ḅa, kẹ Girisi ḅẹ owiapụ na owu-sọ.”

Matiyo 7:2

kẹ gotẹ ọkọ ḅẹẹarị, Tamụnọ ị́ kẹ ja apụ kọn, kọn ḅara ḍiki tẹ sọ kọn ḅa, anịsakị ị́ kẹ ye tọn ja apụ pịrị, pịrị ye mẹ la ḅara mie Tamụnọ ḍiki tẹ tọn sọ pịrị ḅarịye.

2 Tẹsalonịka 1:6

Tamụnọ, ò kuraye mịẹ ḅa: ọ̀ mịẹ tẹ ọ́ kẹ tọrụsiẹrịmarị apụ ma tọrụsiẹrị ḅa,

Jemụsị 2:13

Kẹ gotẹ ọkọ ḍukoarị Tamụnọ ọkụrụkụrụ nyana ḅara kẹ ọkụrụkụrụ nyana kịnị pịrị-a ḅọ kọn ḅịa. Kụma ọkụrụkụrụ mẹ kụrọ tẹịnm Tamụnọ ḅẹrẹkọn ḅụ.

Mịẹfinji 13:10

Ḅẹḅọ-ḅẹḅọ tẹ kun-ḅara ḅio sọọ ḅẹ ḅọ, piki-pikiye-ofori ḅara ḅụ, ini mḅọ kun ḅa; ḅẹḅọ-ḅẹḅọ tẹ ogie ḅịḅị ḅụ fịị ḅẹ ḅọ, piki-pikiye-ofori ḅara ḅụ, ogie mie mḅọ ḅaa ḅarịye. Miemẹ anị ye-inema na minini na ḅiiarị Tamụnọ atomi ma pakịrị anga ḅụ.

Mịẹfinji 16:6

Ịn Tamụnọ atomi ma na, ịkịankoroapụ ma na, ọmbie ọsụmam ẹrẹsị, mịọkụ ị́ ọmbie kẹ ịn pịrị tẹ in ḅuu tẹ. Ịn la na-iḅi fomu-ḅara mie ịn la ye.

Mịẹfinji 19:2

Ori aḅẹrẹkọn ma karakaram, aḍụa pịkị arị ḅụ ofori. Amịna ama-mẹnjị si ḍumo kẹ tomikiri mẹ simarị ẹrẹḅọ ma, ọ̀ ḅẹrẹ si pẹlẹ á pịrị tẹ, árị ori afịrịmẹnjịapụ ḅaa ye gotẹ, ò fomu-ḅara kẹ á pịrị tẹ.”

Ḅẹrẹkọn-apụ 1:7

Tẹ Adonibẹzẹkị nwẹnị ḅẹẹ, “Opu ḅara-atụngbalị na, opu ḅụọ-atụngbalị na pẹlẹ so tẹ amadapụ tesi oyi finji ị̀ dẹbịlẹ suku fịaị ọkọsọrọ kolokolo kolokolom; à wẹrịtẹ mịẹ tẹ ḅara, mie Tamụnọ kẹ pịkị ị̀ gbẹẹ tẹ ḅara.” Ini ọ̀ kẹ Jeruselemu ḅom, tẹ anịjụ ọ̀ fịịm.

1 Samụẹlị 15:33

Samụwẹlị nwẹnị ḅẹẹ, “Í okologie wẹrịtẹ mịẹtẹ ereme ḅarị awọ nyana-a ḅara sime tẹ ḅara, mie í iyingi sọ eremịna ogboku ḅụ ḅarị tụḅọ nyana ḅịa ḅara.” Tẹ Samụwẹlị nwẹnị Giligalị ḅụ KỊNỊNYANAḄỌ ḅe tọrọkọ Egagị kẹ pakịrị-pakịrị pẹlẹ.