Jowẹlị 3:5 - FỊAFỊA BAỊBỤLỤ

⁵ Ọmịnị ị̀ seleḅa na golu na ọkị tẹ pịkị ì iḅi ngọ ma dogi-so mu ọmịna atamụnọ warị ma ḅio suu tẹ.

Jowẹlị 3:5 Iomraidhean Croise

2 Amadapụ 12:18

Johasị Juda ḅẹ amadaḅọ nwẹnị ịlọ suma ḅụ Jehosafatị na, Joramụ na, Ahazaya ori aḍapụ Juda ḅẹ amadapụ ma sikima koroma aị ma na, ò soku ḅe ịlọ suma aị na tẹ KỊNỊNYANAḄỌ ḅe ngọ-koko-ḅio ḅio ịn ḍọkị-ẹrị golu mamgba na, amadaḅọ ḅe warị ḅio sime aị mamgba tan tẹ kẹ Azẹlị Siriya ḅẹ amadaḅọ ḅe fịrịma. Anịtẹrẹmẹ mie Azẹlị Jeruselemu ḅụ pịkị-so ye.

2 Amadapụ 16:8

Ahazi seleḅa na golu na tẹ KỊNỊNYANAḄỌ ḅe warị mẹ ḅio na amadaḅọ ḅe ngọ warị ḅio ọ̀ ḍọkị-ẹrị aị ma sọ ọkị tẹ kẹ ḍiepịrịye ḅụ Asiriya ḅẹ amadaḅọ fịrịmam

2 Amadapụ 24:13

tẹ KỊNỊNYANAḄỌ ḅe sakị pịrị ḍuko ḅara ḅụ, KỊNỊNYANAḄỌ ḅe warị ḅio ḅẹ ngọ mẹmgba na, amadaḅọ ḅe warị ḅio ḅẹ ngọ mẹmgba na dogi-so, tẹ KỊNỊNYANAḄỌ ḅe Tẹkẹ-warị ḅio sime golu-golu ayesụaị tẹ Sọlọmọnị Izirẹlị ḅẹ amadaḅọ ḅe tẹmẹ-aị mamgba kẹ pakịrị-pakịrị puu.

Ayịzaya 11:11

Anị ene mẹ ḅụ, KỊNỊNYANAḄỌ ḅe pịkị siin jen kẹ ọ̀ kụrọ pakama tẹ ori atomi ma tẹ kirikọn-apụ ma ọkị pịkị warị ḅo ḅa, Asiriya na, Ijiputi na ḅụ, pịkị Patọrọsị na, Sudanị na, Ẹlamụ na, Babịlonịya na, Hamatị na, amakiri ma ḅụ tọrụ akaka ḅẹ akiri ma ḅụ na, tọrụ-minji ḅẹ asọ ma ḅụ sọ.

Jerimaya 23:7

KỊNỊNYANAḄỌ ḅe mẹẹ, “Sakị mẹ ḅoarị, kịnị ḅarị jen kẹ ị̀ ḅụ ye karịarị tẹ ḅẹ ḅịa sakị mẹ ḅarị ḍumo wararị Tamụnọ ḅe tẹ Ijiputi amakiri ḅụ Izirẹlịapụ pakama-ḅo ḅọ ḅe.

Jerimaya 50:28

(Ọmụ mangị kọn apụ Babịlonịya ḅụ pụkọ-pakaḅo Jeruselemu laarị, tẹ ịn KỊNỊNYANAḄỌ, wamịna Tamụnọ ḅẹ wẹrịtẹ Babịlonịya apụ ma kẹ Tamụnọ Warị mịẹ ye ḅẹ gbẹẹfị ḅiiarị ḅara ḍukoarị.)

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Izikẹlị 37:12

Mie ḅụ ịkịan koro ị̀ atomi Izirẹlị pịrị tẹ ịn ḅẹẹ mịnẹ Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ịna aḍuḅu ma finji ḅẹ-yearị. Àrị ịn pakama-ḅo tẹ ịn kẹ Izirẹlị amakiri ḅo ḅẹ-yearị.

Danẹlị 11:38

Anie nakara, kụrọnị-ayọ koko kpaịnmarị tamụnọ ḅe mie ọ̀ kụn ḅarịye. Ọ̀ nwẹnị golu na, seleḅa na, juwẹlị nwẹn-sịn aị na, opuma ye la ḍiepịrị-aị na kẹ jene-jene ori elemu-aḍapụ amụ sunsin pịrị-a oru-tamụnọ pịrị ḅa.

Obadaya 1:17

KỊNỊNYANAḄỌ ḅe ḅẹẹm mịnẹ Zayọnị Tụndụ ọgọnọ jen-apụ mangị-so ḅa, tẹ anị fịafịa yọ sọ ḅa. Jekọbụ atomi ma pịkị siin ịna amakiri mẹ nyana ọkị ḅa.