Jowẹlị 3:4 - FỊAFỊA BAỊBỤLỤ

⁴ “Ó tiye kẹ ị̀ mịẹ ḅẹ ḍọkịarị, Taya na, Sayịdọnị na, Filisiteni iri mamgba na? Ọmịnị ị̀ ḅara gbẹẹfị ọkị ḅẹ ḍọkịarị ḅoto? Ọmịnị ọkọ mịẹarị ḅẹḅẹ, yẹrị tarị sarama ọmịna aḅara ḅii ḅa!

Jowẹlị 3:4 Iomraidhean Croise

2 Paka-aị 21:16

KỊNỊNYANAḄỌ ḅe nwẹnị Filisiteniapụ ma na, Arabụ ḅẹ apụ ma na, tẹ Ẹtịyopịya na kpeki wararị apụ ma ịganị sịịn saakị Jehoramụ pịrị.

Ayịzaya 14:29

Filisiteniapụ, ó fomu sime sịn-ikiḅa mẹ anyị tẹ, kụma ó gotẹ ḅioḅẹlẹ ḅẹ ye ofori. Gbọrụ oronwi fịịarị sakị, sii ọ̀ nẹngị ye ọ̀ tọrụ ḍima tẹ paka-ḅoarị. Oronwi anyị kẹngẹ kụma, anị fiin-arị opu ẹfẹrẹfẹ sụa mamataḅaye, tẹ kọrị fịnị sara-pakama-ḅoarị si nama pakama-ḅoarị.

Ayịzaya 34:8

Mie KỊNỊNYANAḄỌ ḅe Zayọnị pụkọ-pakamaḅo ḅẹ sakị mẹ, tẹ si kẹ wa tọn apụ ma ḅara gbẹẹfị ḅii.

Ayịzaya 59:18

Si kẹ ọ̀ tọn apụ ma mịẹ ye mie ò ḍiki tẹ fomu-ḅara kẹ ịn pịrị ḅarịye, jen-a jen-a sụma-jụ ḅẹ amakiri ma ḅụ angarị apụ ma.

Jerimaya 47:1

Tẹrẹmẹ Ijiputi ḅẹ amadaḅọ ḅe owu kẹ Gaza paka KỊNỊNYANAḄỌ ḅe ẹkwẹn ị̀ pịrịtẹ Filisiteni gboloma ye ḅụ.

Jerimaya 47:4

Filisiteni kaan-guluguluma ḅẹ sakị mẹ ḅo la tẹẹ, Taya na Sayịdọnị na ḅụ ḅo ḅarị ḅarasụa mẹ tẹ kiri kọn ye mẹ kiki ḅa. Yẹrị, KỊNỊNYANAḄỌ ḅe, Filisiteniapụ ma ḅaa guluguluma ḅa, inimgba tẹ Kiriti pọkụ-ḅọkọ ḅụ sime tẹ ḅo apụ ma.

Jerimaya 51:6

Babịlonịya ḅụ mangị-soo! Ọmịnị ọmịna aḍumo mangị kọn! Ọ́ Babịlonịya si gotẹ fịị ma. Mịọkụ arị ị̀ gbẹẹfị ḅiiarị, tẹ arị anị gbẹẹ ḅara kẹ anị fomuarị.

Jowẹlị 2:10

Ịn tọrọkọ-tọrọkọ muarị sakị, kiri mẹ jikearị; So-tọrụ mẹ ḍụrụkụarị. Ịrụa mẹ na akalụ mẹ na ḅo kanakanarị, tẹ lolia ma ḅarị jen kẹ ḅịya-a.

Jowẹlị 2:2

Anị ene mẹ kanakana tẹ kpiti ḅa, pịkị kurukuru tẹ oḅuto nyana ḅa. Tọnwa-tọnwa ḅẹ ọmụapụ ḅoarị, kanakana ḅo tụndụ ma gbaịn-arị ye ọkụ. Gbala-gbala jene-jene anị kịkaye amụ paka-a, tẹ pịkị ḅarị jen kẹ paka ḅịa gbala-gbala.

Matiyo 11:21

Ori mẹẹ, “Korazịnị, tẹkẹlẹ sime ị́ pịrịm! Bẹtịsayịda, ị́yẹrị sọ tẹkẹlẹ sime ị́ pịrịm. Ọmịna aḅio ḅụ kọrị tẹ ḅụụ-buama-aị ma nwẹnị Taya na Sayịdọnị na ḅio kọrịm namịna mimgbe tomi ma akpa ịnwaịn tẹ fọọn ḍuu ịna sịḅị sara tẹ ḍie-pakama tẹ mịnẹ ini ịna asi ḅụ pịkị tẹ.

Matiyo 11:22

Ó nimi mịnẹ Ḅẹrẹkọn ene mẹ ḅụ Tamụnọ ọkụrụkụrụ nyana Taya na Sayịdọnị na ḅẹ atomi ma pịrị ọ́ nẹngị ḅa!

Luku 10:13

“Korazịnị, ị́ tẹkẹlẹ ḅa! Bẹtịsayịda, ị́yẹrị sọ ị́ tẹkẹlẹ ḅa! Ọmịna aḅio mịẹ ḅụụ-buama-aị ma Taya na Sayịdọnị na ḅụ mịẹm namịna mimgbe iḅere-iḅerea kụra-ḅio ịn lẹgị-sime tẹ akpa ịnwaịn tẹ fọọn kẹ ịna sịḅị sara tẹ kẹ ḍie tẹ mịnẹ ini ịna asi ḅụ pịkị tẹẹ.

Luku 10:14

Ḅẹrẹkọn Ene ḅụ Tamụnọ Taya na Sayịdọnị na kẹ iḅi kiri sịẹma ọ́ nẹngị ḅa.

Luku 18:7

Mịọkụ, ọ́ sịn-arị Tamụnọ iḅi ḅẹrẹkọn ori atomi pịrị ḅịa, ḍin na eneḅaka na kẹ owu ọ̀ pịrị tẹ ọ̀ ḅara ḅụ ḅarasụa ḅiiarị apụ ma? Ọ̀ sakị fama ḅẹ, ḅarasụa ịn pịrị ḅụ?

Fịrịmẹnjịapụ 9:4

Ọ̀ nwẹnị ḅịkị kiri koro tẹ pọkọ naa, ọ̀ ḅẹẹarị, “Sọlụ, Sọlụ, í tiegotẹ ḅaa-ḅọkọ kẹ ị̀ ḍọkịarị?”

Ditẹrọnọmị 32:35

Gbẹẹfị ḅii na, gbẹẹ-pịkị na ị̀ nye, ịna ḅụọ sịnịnị ḅarị sakị ḅụ; gbala ịna ḅụụ-fụka ene mẹ ḅara-ku la tẹ anịsakị ịna fịị ḅẹrẹkọn fọnya ḅoarị.

2 Tẹsalonịka 1:6

Tamụnọ, ò kuraye mịẹ ḅa: ọ̀ mịẹ tẹ ọ́ kẹ tọrụsiẹrịmarị apụ ma tọrụsiẹrị ḅa,

Ḅẹrẹkọn-apụ 11:12

Anịtẹso Jẹfụta nwẹnị oku-mẹnjịapụ kẹ Amọnị ḅẹ apụ ma amadaḅọ ḅe fịrịma tẹ ḅẹẹ, “Àrị ị́nịna tọ ịgbanịya nyana tẹ ị́ ị̀ ḍọkụma-ḅo tẹ ị̀ ama na owu sọ ḅẹ?”