Jowẹlị 3:3 - FỊAFỊA BAỊBỤLỤ

³ Ini okoḅa saramam, kẹ tọn-pẹlẹ ḅẹ ḅara tụḅọ kun-soapụ ma ọkị ḅẹ ḅoto. Ini owiapụ-awọmẹ na eremịna-awọmẹ na kẹ omoni ḅara-ḅio dẹrịmam, kẹ sẹfị-ereme na iru na saa gbẹẹ.

Jowẹlị 3:3 Iomraidhean Croise

Jobu 6:27

Ị́ ḍapụ ofori awọmẹ ma sọ gotẹ apịan sụa ḅẹ, tẹ í ikiaḅọ kẹ mu ḅịḅị-kẹ-ogbosọ nyana ḅẹ.

Izikẹlị 27:13

Í Girisi, Tubalị na Mẹsẹkị na ḅụ tuḅokọn tẹ ị́ ngọ ma kẹ omoni ḍimam, pịkị ojo ngọ-ngọ sọ.

Jowẹlị 1:5

Ọ́ naa saakị tẹ owuu, ọmịnị iru ḅuu ebeka amẹẹ; owu pakamaa, ọmịnị tọrụ-ḅaa-a iru ḅuu apụ; girepu-asịnmgbọlụ ma tẹ ịn kẹ ịwọ iru mịẹ ḅẹ aị ma in guluguluma tẹẹ.

Emọsị 2:6

KỊNỊNYANAḄỌ ḅe ḍukoarị, “Izirẹlị ḅẹ apụ ma si-si-si mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ịn kịnị mingirima-mingirima-a atomi tẹ inetẹ ịn fị saa gbẹ ḅịa igoin-apụ kẹ omoni ḅara dẹrịarị, ḅụọ ọgọnọ gbaịn-a okuro la ye kịngẹ sọ nyana-a apụ.

Obadaya 1:11

Anị ene mẹ ḅụ, í ḅele tẹ sịẹsimem, inina fịya-a apụ ịna onu-aḅọkọ ma kan-sara sakị. Arị kịnị tọrụ nimi-a apụ ma si laa ḅara, mie ị́yẹrị sọ si laa ḅara; anie Jeruselemu ngọ ma dogi-so tẹ ịna ogboku anị ḍiya ọkị apụ ma.

Nahọmụ 3:10

Anịsọ ini á dogi-som, á mu kun-ḅara ḅio sọm, á ḍọkọḍọkọ-awọmẹ ini ịn kanị pakịrị-pakịrị mịẹm etela goyegoye sịḅị ḅụ; ini apịan sụa-sụa tẹ kẹ kụn nyana apụ ma ḍiemam, tẹ ikoli kẹ arị opu atomi mamgba sụam.

Mịẹfinji 18:13

tẹ sịnamọnị na, ẹnyị na, inisẹnịsị na, maa na, fịranịkịnịsẹnịsị nwẹn-sịn kụnụ aị na, waịnị iru na, pulo na, gbẹẹtẹ mbịaka na, mgbọlị mgbọlị ḅụ emi aị na, opu anama na, anana na, asụ amẹẹ na, ye dogi aị na, dẹrị ḅẹ omoni, tẹ ḍumo wararị atomi ma, fẹẹ ḅẹ apụ ḅarị ofori.