Jowẹlị 3:2 - FỊAFỊA BAỊBỤLỤ

² À sịẹ-sịẹ mamgba kobiri tẹ ịn kẹ ‘KỊNỊNYANAḄỌ Ḅe Ḅẹrẹkọn-arị’ sịn tụndụ-suku mẹ ḅo ḅa. Anị anga ḅụ àrị ịn kọn ḅa, ịn kẹ ị̀ atomi mịẹ aị mamgba gotẹ. Ini Izirẹlịapụ ma gala-galama tẹẹ, kịnị tọrụ nimi-a asịẹ ḅụ tẹ ị̀ amakiri, Izirẹlị mẹ kẹ pakịrị-pakịrị ḍiya tẹẹ.

Jowẹlị 3:2 Iomraidhean Croise

2 Paka-aị 20:26

Inia aḍin karama ene ḅụ ịn nwẹnị Bẹraka ḅẹ tụndụ ogboku ḅụ kobiri, anịanga mịẹ in KỊNỊNYANAḄỌ ḅe boma ye; anị ẹrẹsị ọkị-ḅo mịmgba la, ịn kẹ anịanga mẹ sịn ẹrẹ anie Bẹraka-Tụndụ ogboku.

Ayịzaya 66:16

Fịnị na okologie na mie ọ̀ kẹ fomu-ḅara kẹ tomikiri ḅẹ atomi mamgba pịrị ḅarịye, anie ọ̀ ḅẹrẹ-ḅarasii ḅara kẹ ịn ḍọkị-ẹrị sakị — tẹ ịn tọnwa-apụ ḅaa ḅa.

Ayịzaya 66:18

In kuromarị aị na ịn mịẹarị aị na à nimi wararị. À tomikiri ḅẹ asịẹ mamgba kobiri ḅẹ ḅoarị. In ḅo kobiri sakị ini ị̀ kụrọ inetẹ mịẹ ḅarị aị ẹrị ḅa,

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 25:31

Tẹ pọkọ mẹ fie ma mu tomikiri ḅẹ ịkọlị ma la ḅa. KỊNỊNYANAḄỌ ḅe sịẹ-sịẹ ma na ḅẹrẹ nyana wararị. Ọ̀ kịnị mamgba kẹ ḅẹrẹkọn ḅo ḅa tẹ si-sịḅịḅio-sụapụ ma ḅaa ḅa KỊNỊNYANAḄỌ ḅe ọkọ ḅẹẹm.

Jerimaya 49:1

Mie KỊNỊNYANAḄỌ ḅe ḍuko tẹ ye Amọnị gboloma ye ḅụ: “Ndẹẹ Izirẹlị ḅẹ atomi ma? Gbọrụḅọ sọ ofori ịna amakiri mẹ ḍụa? In tiegotẹ wẹrịso tẹ Mịlịkọmụ tẹkẹarị apụ ma Gadi furo-ḅẹ-apụ ma kiri mẹ ọkị tẹ kẹ amịna nye sọma tẹ anị yọ ḅụ anga?

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Izikẹlị 25:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, Mohabụ ḅẹẹ tẹ ẹrẹsị, mịnẹ Juda na osi asịẹ na gbọrụ ḅara,

Izikẹlị 34:6

Anị ḅara ḅụ ị̀ anana ma gele atụndụ ma na tụndụ ma na ọgọnọ ikele-ikelem. Ịn gala-gala bebe tomikiri mẹ ikelemam, tẹ gbọrụḅọ-sọ ini ẹrị ḅẹ tẹ ịn ḍọkị-a.”

Izikẹlị 35:10

“Ị́ ḅẹẹm mịnẹ ma maa asịẹ ma, Juda na Izirẹlị na gboloma, na ịna amakiri ma na sime ị́ pịrịm, tẹ arị nyana ḅa, karakaraye yẹrị KỊNỊNYANAḄỌ ḅe anie ịna Tamụnọọ sọ.

Izikẹlị 36:1

KỊNỊNYANAḄỌ ḅe ḅẹẹm, “Fịị-fịị tomḅọ, ẹkwẹn Izirẹlị ḅẹ tụndụ ma pịrị tẹ ịn ḅẹ ini oku mẹ poki, anie yẹrị,

Izikẹlị 36:5

“Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn pakama Izirẹlị ikelema-koro wararị asịẹ ma ọgọnọ gbana tẹẹ, ị̀ ịganị ọfịrịarị ogbo, mene-mene Idọmụ ọgọnọ. Ye ḍiki ḍiki tẹ ḅioḅẹlẹ na ḍiki-iderima na ḅụ ini ị̀ amakiri mẹ fọịn-ọkị tẹ anị ḅẹ osuka fị ayọ ma kẹ ịna aị sọmam.

Izikẹlị 38:22

Àrị obi na ọmbie ọsụma na kẹ ò fomu ḅa. Eene na ḍụḅarị mgbọlị-mgbọlị na pẹlẹ-a ḅara kẹ paịn-paịn-sara ḅa, pịkị kọrị-fịnị na ọpọlị-orumo na kẹ arị ḅụ sụa, ori na ori ọmụ-ogbo na ọgọnọ sara ḅa, pịkị ọ̀ jụ sọ tọnwa asịẹ ma na ọgọnọ sọ.

Izikẹlị 39:11

KỊNỊNYANAḄỌ ḅe ḅẹẹm, “Mie-mẹmgba pakarị sakị, àrị anịanga Izirẹlị ḅụ ḍụẹịn-ḍiḅi-kiri kẹ Gọgụ pịrị ḅa, ‘Mẹnjị-ḅọrọ-yemuarịapụ Tụndụ-suku Mẹ’ ḅio, Fịtẹ Tọrụ-minji mẹ ḅẹ ịrụa-saakịarị-anga mẹ ḅụ. Ini anị anga Gọgụ na ori ọmụ-ogbo na ḍiḅi ḅa, tẹ ini tụndụ suku mẹ sịn ḅa ‘Gọgụ ọmụ-ogbo Tụndụ suku Mẹ.’

Jowẹlị 3:12

Yee sịẹ-sịẹ ma ḅụụ tẹlẹma tẹ ịn kẹ “KỊNỊNYANAḄỌ Ḅe Ḅẹrẹkọn-arị” sịn tụndụ-suku mẹ ḅo. Anị anga yẹrị KỊNỊNYANAḄỌ ḅe lẹgị tẹ ikelema-koro wararị asịẹ mamgba kọn ḅa.

Jowẹlị 3:14

Kịẹnkịẹn-ọkụ-ofori atomi ḅẹrẹkọn tụndụ suku mẹ ḅụ emi. Anị anga mie ala-a sakị ḅụ KỊNỊNYANAḄỌ ḅe ene mẹ ḅo ḅarịye.

Emọsị 1:11

KỊNỊNYANAḄỌ ḅe ḍukoarị, “Idọmụ ḅẹ apụ ma si mịẹ-mịẹ-mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ini ịna mịnapụ Izirẹlịapụ ḍọkị-ẹrị tẹ in kunm, tẹ gbọrụ ọkụrụkụrụ sọ kẹ in ḍie-a. Ịna ịganị dasịẹma anga nyana-a, tẹ gbala-gbala ịn ḍụkụ tẹ anị dein koro-koro-a.

Mayịka 4:12

Kụma mịna opu asịẹ ma KỊNỊNYANAḄỌ ḅe kuroma nimi-a, ini ọ̀ mịẹ ḅẹ tọn-arị ye mẹ fiearị ye nimi-a mịnẹ mbịaka kobiri gbẹ anga mu ḅara kẹ ori ịn kobiri tẹ ḅara.

Zẹfanaya 3:8

KỊNỊNYANAḄỌ ḅe ḅẹẹarị, “Paa koruu; à saakị tẹ ḅẹrẹ ḍuko sịẹ-sịẹ ma sịḅị sẹịn ḅarị ene mẹ koruu. Àrị ì ḅioḅẹngbọ mịẹ kụrọma tẹ sịẹ-sịẹ ma na amadapụ daarị ayọ ma na kobiri ḅo, mịẹtẹ ị̀ ịganị mẹ kụrọ ini ịnọ ḅẹ ḅara. Ì owi ịganị mẹ ḅẹ kọrị-fịnị bebe tomikiri mẹ guluguluma ḅa.”

Mịẹfinji 11:18

Oru nimi apụ ma ịganịm, ị́yẹrị ịganị ḅẹ sakị mẹ ḅo laa tẹ ẹrẹsị, ị́ fịtẹ-apụ ma kọn ḅẹ sakị mẹ. Ị́ gbọrụ ḅara kẹ gbẹẹ-ye kẹ ị́ afịrịmẹnjị-ịkịankoroapụ ma gbẹẹ, pịkị ị́ atomi tẹ ị́ tẹkẹarị apụ mamgba, opu apụ na kala apụ na, gbẹẹ ḅẹ sakị mẹ ḅo tẹẹ. Tomikiri mẹ gulugulumarị apụ ma gulugulu ḅẹ sakị mẹ la tẹ!”

Mịẹfinji 16:14

Ini ma anie ḅụụ-buama-aị mịẹ-mịẹ oru si-atẹmẹ. Mịna tẹra si-atẹmẹ ma nwẹnị mu tomikiri sime amadapụ mamgba kobiri ḅo mịnẹ in ḅo Kụrọmamgba Nyana Tamụnọ ḅe opu Ene mẹ ḅẹ ọmụ mẹ gbin.

Mịẹfinji 16:16

Anịtẹso, si-atẹmẹ ma nwẹnị amadapụ ma kobiri Hiburu ḅịḅị ḅụ ịn kẹ Amagẹdọnị sịn anga mẹ ḅo.

Mịẹfinji 16:6

Ịn Tamụnọ atomi ma na, ịkịankoroapụ ma na, ọmbie ọsụmam ẹrẹsị, mịọkụ ị́ ọmbie kẹ ịn pịrị tẹ in ḅuu tẹ. Ịn la na-iḅi fomu-ḅara mie ịn la ye.

Mịẹfinji 20:8

tẹ ò mu bebe tomikiri mẹ kana-koro ḅụ simearị asịẹ ma toluma ḅa, anie Gọgụ na, Magọgụ na ma. Ekwesu ịna ọmụapụ ma sịn kobiri ḅo tẹ ini ọmụ gbin ḅa. Tuḅu ọgọnọ ḅẹ onwin mẹ kịẹn-ḅịḅị nimi ḅọ, nimi ḅọ ịna kịẹn-ḅịḅị nimi tẹ.