Jowẹlị 3:16 - FỊAFỊA BAỊBỤLỤ

¹⁶ KỊNỊNYANAḄỌ ḅe ekirearị Zayọnị ḅụ; ọ̀ pọkọọ so-alagba fie ḅara fie paka-ḅoarị Jeruselemu ḅụ, Kiri na So-tọrụ na jikearị. Kụma ori ori atomi ḍụa ḅa.

Jowẹlị 3:16 Iomraidhean Croise

Devidi-Anume 18:2

KỊNỊNYANAḄỌ ḅe anie ì kikimarị ḅọ; ori owu inetẹ ḅo ị̀ la ḅịa anga sọ ị̀ pịrị tẹ. Ị̀ Tamụnọ anie ị̀ gbaịn-arị ḅọ, ọ̀ ḅara-ḅio ị̀ la-la ye ofori. Ori ekpeke sọ ị̀ pịrị wararị; ori ị̀ ḍụa tẹ ì koko kpaịnmarị.

Devidi-Anume 29:11

KỊNỊNYANAḄỌ ḅe ịnyọ kẹ ori atomi pịrịarị tẹ dein kẹ in bomarị.

Devidi-Anume 61:3

gbala ị́yẹrị anie ị̀ gbaịn-arị ḅọ, ị́yẹrị ị̀ kụrọ tẹ onu sọ tẹ si kẹ ị̀ tọn-arị apụ ḅụ ì kikimarị.

Egberima-Ẹkwẹn 18:10

KỊNỊNYANAḄỌ ḅe ọ̀ kụrọtẹ gele-warị na kịkam, anie karakaraye-mịẹapụ ma inetẹ mu tẹ ye ịn la ḅịa anga.

Ayịzaya 33:16

Anịsakị ye ḅarị ị́ la ḅịa, ị́ pịkị ye ḅụụ la-la anga ḅụ emi ḅọ ḅara sime ḅa, gbala ọmụ la-laa kụrọnị-anga ḅụ í emi ye ọkụ. Ị́ fịye nyana tẹ fị ḅa, pịkị minji nyana tẹ ḅuu ḅa.

Ayịzaya 33:21

KỊNỊNYANAḄỌ ḅe ori ebube kẹ wa ḍie ḅa. Wa finjimatẹ atọrụ ma na okolo ma na akaka anga ḅa, kụma fịya-a ọmụ-arụ arị aḅio dọkụ ḅịa.

Ayịzaya 42:13

KỊNỊNYANAḄỌ ḅe ọmụḅọ kịka tẹ paka owu-sọ ḅẹ muarị; Ọ̀ tẹlẹma tẹ ḅio-sẹsẹ ọmụgbin pịrị wararị; Ori ọmụ oloku kọn-arị, owu koro tẹ anị ḍụrụkụ-ḍụrụkụ ḅara; Ori ọ̀ kụrọ ḍie-pakamarị si kẹ ọ̀ tọn apụ ma ọgọnọ.

Ayịzaya 51:16

Yẹrị So ma nụnụ finjimam tẹ kiri mẹ suku mẹ saakịm; À ḍuko Jeruselemu pịrịarị, “Ọmịnị ị̀ atomii! Arị ì tolumaye kẹ ọ́ pịrị tẹẹ, pịkị ị̀ ḅara kẹ ọ́ gbaịn ḅọrọmarị.”

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 17:17

Tẹmẹ-naịn-naịnma ye sọ ị̀ pịrị ma. Ị́yẹrị anie à sime tẹ ye ị̀ la ḅịa yọ ḅụụ-fụka ḅoarị sakị.

Izikẹlị 38:19

À ḍuko-pakamarị ị̀ ịganị mẹ ḅẹ ọfịrị ḅụ, mịnẹ anị ene mẹ ḅụ, kiri opuma jike ḅa Izirẹlị amakiri mẹ ḅụ.

Hosiya 11:10

“Ị̀ atomi ị̀ ḍukamẹnjị ḅa àrị ọkụkụ kịka tẹ oloku si kẹ ịn tọn apụ pịrịarị sakị. Ini ịrụa-ideriarị-anga sime tẹ sarama ị̀ ḍọkụma-ḅo ḅa.

Emọsị 1:2

Emọsị ḅẹẹm, “KỊNỊNYANAḄỌ ḅe Zayọnị ḅụ ekirearị; Ọ̀ pọkọ Jeruselemu ḅụ so-alagba ḅara fiearị. Nama osuka fị-fị ayọ ma samụnọtẹẹ, anịsakị Kamẹlị tụndụ ọgọnọ simearị asịn ma na osuka ma na samụnọtẹ odo tọrụ sụa tẹẹ.”

Emọsị 3:8

Idum ekirearị sakị ḅụ tụḅọ inetẹ ḅalafaa ḅịa? Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn-arị sakị tụḅọ inetẹ ori oku ḍuko wasama kọkọrọ ḅẹ?

Nahọmụ 1:7

KỊNỊNYANAḄỌ ḅe ori iḅim ḅụụ-fụka ene ḅụ kụrọtẹ ḅụụ ḅọị anga; inima tẹ ò ḅio ḅụ ḅụụ ḅọịarị apụ ma, ori in nimi wararị.

Hegayị 2:6

“Ala ḅịa, à So na Kiri na jikema ḅa, kpongbo-kiri na tọrụ-minji na.

Hegayị 2:7

À sịẹ-sịẹ mamgba pịkị-ḅo ḅa, tẹ ini ịn nyana aị ma kẹ mị yọọ ḅo ḅa, tẹ ngọ Tamụnọ-warị mẹ ḅio ḅin ḅa.

Zẹkaraya 10:12

À mịẹ tẹ ị̀ atomi ma kụrọ ḅa; in sunsin ị̀ pịrị tẹ ị̀ ḅịḅị poki ḅa.” KỊNỊNYANAḄỌ ḅe ọkọ ḅẹẹm.

Zẹkaraya 10:6

“À Juda ḅẹ apụ ma mịẹ kụrọma ḅa; Àrị Izirẹlịapụ ma pụkọ-pakamaḅo ḅa. Àrị ọkụrụkụrụ nyana ịn pịrị ḅa tẹ ini ọkị pịkị-ḅo ama lama ḅa. In sime ḅarị ḅara gbala-gbala amụ arị ịn sịkị-a ye ọkụ. Yẹrị anie KỊNỊNYANAḄỌ ịna Tamụnọ ḅe arị ịna atẹkẹ pakịrị ḅa.

Zẹkaraya 9:12

Jen sịẹ ḅụ angarị tẹ mịọkụ ḅiokpọmaye nyanatẹ apụ, ọ́ pịkịma ḅoo, ọ́ pịkịma ọ́ kpaịn-sime ḅarị anga ḅoo, Mịọkụ à ḍuko ọ́ pịrịarị, à maa kiri kẹ ọ́ gbẹẹ wama ḅa ọmịnị ẹrị tẹ tọrụsiẹrị mamgba ḅụ ó boma ḅụ.

Hiburu 12:26

Anị sakị mẹ ḅụ ọ̀ pọkọ mẹ fie tẹ kiri jikem, kụma mịọkụ ò minini tẹ mịnẹ, “À pịkị sin jike ḅarị ye mẹ kiri ngẹrị-a, so sọ.”

Mịẹfinji 11:13

Anị gbọrụ kiri ḅakatẹ kiri-jike pakam; tẹ ama mẹ kẹ oyi akiri ḍiya ḅẹ gbọrụ kiri nwẹnị sọ faa, tẹ anị ḅụ fịị apụ tẹra ẹndẹ fa kịnị puku na kịnị oyia asi na. Kirikọn atomi ma tẹmẹ-naịn-naịn ḅụ ḅọrọ tẹ So-ḅio ḅẹ Tamụnọ ḅe opu mẹ tokinim.

Mịẹfinji 11:19

Tẹ So-ḅio ḅụ Tamụnọ-warị mẹ nwẹnị finji sara, tẹ kịnị anịanga ḅụ Ọḅọkụ fị Igbe mẹ ẹrịm. Anịtẹso So-tọrụ kọrị-kọrị saḅa-ḅọrọ, tẹ So fie-fie tẹ so-alagba tẹịnm; tẹ kiri jike tẹ opu eene mgbọlị mgbọlị saram.

Mịẹfinji 16:18

So nwẹnị ḅalapụ-ḅalapụ tẹ kọrị-kọrị ḅọrọ, tẹ So ḍarị tẹ so-alagba fie, tẹ kiri pịkị iḅiọkụ jikem. Tamụnọ tomi tẹmẹ kụra-ḅio anị ḅara sime kiri-jike amụ paka-a; miemẹ anie si tẹịn kiri-jike.

1 Samụẹlị 15:29

Anịsakị Izirẹlị ḅẹ Ebube ḅe sọ iruo anịanịa ḅioḅẹngbọ ḍima ḅịa, kẹ gotẹ ọkọ ḅẹẹarị, ori tomḅọ tẹ amịna ḅioḅẹngbọ ḍimarị ḅọ-a.”