Jowẹlị 3:12 - FỊAFỊA BAỊBỤLỤ

¹² Yee sịẹ-sịẹ ma ḅụụ tẹlẹma tẹ ịn kẹ “KỊNỊNYANAḄỌ Ḅe Ḅẹrẹkọn-arị” sịn tụndụ-suku mẹ ḅo. Anị anga yẹrị KỊNỊNYANAḄỌ ḅe lẹgị tẹ ikelema-koro wararị asịẹ mamgba kọn ḅa.

Jowẹlị 3:12 Iomraidhean Croise

2 Paka-aị 20:26

Inia aḍin karama ene ḅụ ịn nwẹnị Bẹraka ḅẹ tụndụ ogboku ḅụ kobiri, anịanga mịẹ in KỊNỊNYANAḄỌ ḅe boma ye; anị ẹrẹsị ọkị-ḅo mịmgba la, ịn kẹ anịanga mẹ sịn ẹrẹ anie Bẹraka-Tụndụ ogboku.

Devidi-Anume 7:6

Yei KỊNỊNYANAḄỌ, saakịị, ị́ ịganị ḅụ! Saakị-sịẹ tẹ si kẹ ị̀ tọn-arị apụ ma na bịamaa ịna owi-ịganị mẹ ḅụ: ị́ ḅụụ jike saakị tẹ ḅarasụa ị̀ pịrị-a: karakara ḅẹrẹkọn mie í ḅiiarị,

Devidi-Anume 96:13

KỊNỊNYANAḄỌ ḅe ḅo tomikiri ḅụ ḅẹrẹtọn sakị. Ori inoma ofori ḅara na iḅi ḅara na kẹ ḅẹrẹkọn tomikiri ḅẹ atomi mamgba pịrị ḅa.

Devidi-Anume 98:9

ò tomikiri ḅẹrẹtọn ḅẹ ḅoarị ẹrẹsị. Ori inoma ofori ḅara na iḅi ḅara na kẹ ḅẹrẹtọn tomikiri ḅẹ atomi ma pịrị ḅa.

Ayịzaya 2:4

Ḅẹrẹ nyana wararị opu asịẹ ma ogboku ọ̀ ḅẹrẹ fama ḅa. Ini ịna okologie ma kẹ kiri soku tẹ ye ḍiḅi aị tẹmẹ ḅa tẹ ịna aḅẹkẹrẹ ma kẹ osuka pẹlẹ ogie tẹmẹ ḅa. Sịẹ ma ḅarị gbala-gbala ọmụ kẹ jụmọ-jụmọ gbin ḅịa, ịn ḅarị pịkị gbala-gbala tẹlẹma ọmụgbin pịrị ḅịa.

Ayịzaya 22:1

Mie Ịkịan Ẹrị Tụndụ-suku mẹ gboloma oku mẹẹ. Tiye ẹrẹsị ama mẹ ḅo atomi mamgba warị isun-isun ḅụ sime tẹ tii-arị?

Ayịzaya 3:13

KỊNỊNYANAḄỌ ḅe tẹlẹma tẹ ọ̀ ḅịḅị ḍuko ḅẹ tẹ; ọ̀ tẹlẹma tẹ ori atomi kọn ḅẹ tẹ.

Izikẹlị 30:3

Ene mẹ ḅo kpeki tẹẹ, KỊNỊNYANAḄỌ ḅe ye mịẹ ḅẹ ene mẹ, Oḅuto na ḅụụ-fụka na ene tẹ sime sịẹ-sịẹ ma pịrị ye mẹ.

Izikẹlị 39:11

KỊNỊNYANAḄỌ ḅe ḅẹẹm, “Mie-mẹmgba pakarị sakị, àrị anịanga Izirẹlị ḅụ ḍụẹịn-ḍiḅi-kiri kẹ Gọgụ pịrị ḅa, ‘Mẹnjị-ḅọrọ-yemuarịapụ Tụndụ-suku Mẹ’ ḅio, Fịtẹ Tọrụ-minji mẹ ḅẹ ịrụa-saakịarị-anga mẹ ḅụ. Ini anị anga Gọgụ na ori ọmụ-ogbo na ḍiḅi ḅa, tẹ ini tụndụ suku mẹ sịn ḅa ‘Gọgụ ọmụ-ogbo Tụndụ suku Mẹ.’

Jowẹlị 3:14

Kịẹnkịẹn-ọkụ-ofori atomi ḅẹrẹkọn tụndụ suku mẹ ḅụ emi. Anị anga mie ala-a sakị ḅụ KỊNỊNYANAḄỌ ḅe ene mẹ ḅo ḅarịye.

Jowẹlị 3:2

À sịẹ-sịẹ mamgba kobiri tẹ ịn kẹ ‘KỊNỊNYANAḄỌ Ḅe Ḅẹrẹkọn-arị’ sịn tụndụ-suku mẹ ḅo ḅa. Anị anga ḅụ àrị ịn kọn ḅa, ịn kẹ ị̀ atomi mịẹ aị mamgba gotẹ. Ini Izirẹlịapụ ma gala-galama tẹẹ, kịnị tọrụ nimi-a asịẹ ḅụ tẹ ị̀ amakiri, Izirẹlị mẹ kẹ pakịrị-pakịrị ḍiya tẹẹ.

Mayịka 4:3

Kụlọ-kụlọ ḅụ ọ̀ ḅẹrẹkọn tọnwa tomi pịrị ḅa tẹ kụrọ nyana opu asịẹ ma, kpeki anga na, ala-jụ ḅẹ aị na ịgbanịya ḍuko-ḍuko siin ịn pịrị ḅa; tẹ ini ịna okologie ma ḅakụ-ḅakụ tẹ kẹ ọgụ sọma ḅa, tẹ ịna asụḅa ma kẹ ye kịrị kala-ogie sọma ḅa; sịẹ ḅarị gbala-gbala okologie saakị jen sịẹ na ọmụgbin ḅịa, ịn pịkị ḅarị gbala-gbala ḅụụ tẹlẹma owu pịrị ḅịa.

Zẹkaraya 14:4

Anị ene mẹ ḅụ, ori Olivu Tụndụ mẹ ọgọnọ ḅụ sịẹsime ḅa, Jeruselemu ḅụ ịrụa saakịarị pakịrị da anga mẹ ḅụ. Anịtẹso ini Olivu Tụndụ mẹ kẹ maa anga ḍie ḅa, ịrụa-saakịarị-anga anga ọkị mu anị tuuideriarị pakịrị la ḍụḅatẹ tụndụ ogboku ḅụ. Tụndụ mẹ ḅẹ gbọrụ pakịrị mẹnjị ọgọnọ-jụ da ḅa tẹ anị ḅẹ gbọrụ pakịrị suku-jụ da ḅa.

Mịẹfinji 19:11

Anịtẹso, à ḍiki ḅẹ sakị, so finji tẹ à pịna-fa asụ ẹrị tẹ. Ori ọgọnọ kpọlị tẹ ò dogi mẹnjị ḅọ ḅe ẹrẹ, Ḅioḅẹngbọ kẹ gbana na-iḅi na, karakara na; sime tomḅọ pịrị kiri kẹ mḅọ pịrị ḅara mie ọ̀ kẹ ḅẹrẹkọn-arị, pịkị kẹ ori ọmụ ma gbin-arị ye.