Jowẹlị 3:10 - FỊAFỊA BAỊBỤLỤ

¹⁰ Ọmịnị amana kẹ ọmịna kiri soku ọgụ ma ḅakụ pẹndẹmatẹ arị okologie sọ; tẹ ọmịna ḍụọ kọrị kala-ogie ma kẹ sụḅa mịẹẹ. Yee ịnyọ ḅụụ ḅụ ofori ḅọ ḅẹẹ, “Ị̀ ḅụụ ịnyọ emii!”

Jowẹlị 3:10 Iomraidhean Croise

2 Paka-aị 25:8

Kụma ị̀ nwẹnị ḅiotọnm mị ḅọkọ rẹ mịẹ ị̀ kẹ ọmụ ḅio kụrọ ḅarịye ḅẹḅẹ, Tamụnọ ị́nịna fịya-a apụ ma tọrọkọ ì sukuruma-gbin ḅa; kẹ gotẹ ọkọ ḅẹẹarị, Tamụnọ kụrọ nyana wararị kẹ ḅarasụa, anịanịa sukuruma-gbin.”

Ayịzaya 2:4

Ḅẹrẹ nyana wararị opu asịẹ ma ogboku ọ̀ ḅẹrẹ fama ḅa. Ini ịna okologie ma kẹ kiri soku tẹ ye ḍiḅi aị tẹmẹ ḅa tẹ ịna aḅẹkẹrẹ ma kẹ osuka pẹlẹ ogie tẹmẹ ḅa. Sịẹ ma ḅarị gbala-gbala ọmụ kẹ jụmọ-jụmọ gbin ḅịa, ịn ḅarị pịkị gbala-gbala tẹlẹma ọmụgbin pịrị ḅịa.

Jerimaya 51:11

KỊNỊNYANAḄỌ ḅe Midiya ḅẹ amadapụ ma jike-saakịma tẹẹ, ọ̀ tọn tẹ ọ̀ Babịlọnị guluguluma ḅẹ ẹrẹsị. Anị ḅara mie ọ̀ kẹ ini ọ̀ Tamụnọ-warị mẹ kan guluguluma ye mẹ ḅẹ gbẹẹfị ḅii ḅẹ ḅara. Owu mẹ pakarị ọmụ-alapụ ma tọn ọmụapụ ma pịrịarị, “Ọmịnị ọmịna aḍịẹịn ma farị oḅumaa! Ekpeke ma tẹlẹma wẹrịị.

Mayịka 4:3

Kụlọ-kụlọ ḅụ ọ̀ ḅẹrẹkọn tọnwa tomi pịrị ḅa tẹ kụrọ nyana opu asịẹ ma, kpeki anga na, ala-jụ ḅẹ aị na ịgbanịya ḍuko-ḍuko siin ịn pịrị ḅa; tẹ ini ịna okologie ma ḅakụ-ḅakụ tẹ kẹ ọgụ sọma ḅa, tẹ ịna asụḅa ma kẹ ye kịrị kala-ogie sọma ḅa; sịẹ ḅarị gbala-gbala okologie saakị jen sịẹ na ọmụgbin ḅịa, ịn pịkị ḅarị gbala-gbala ḅụụ tẹlẹma owu pịrị ḅịa.

Zẹkaraya 12:8

Anị ene mẹ ḅụ, yẹrị KỊNỊNYANAḄỌ ḅe Jeruselemu ḅụ angarị apụ ma gbaịn ḅọrọma ḅa, ịna ogboku ịnyọ nyana-a tẹịn ḅọ kịngẹ sọ Devidi kụrọ ḅara kụrọ ḅa. Devidi furo-ḅẹ-apụ ma ịna tọrọkọ tarị ḅa, ì enjẹlị ọkụ, pịkị yẹrị ḅioju kịka ḅara.

Luku 13:12

Jizọsị árị ẹrị sakị ori á ḅẹẹm, “Ẹrẹḅọ, í obi ị́ ḅụụ so tẹ!”

Luku 22:36

Jizọsị nwẹnị ḅẹẹ, “Mịọkụ mẹ kụma igbigi sụa akpa-o, ye-sụa akpa-o nyanaḅọ anị ọkịị, tẹ okologie nyana-a ḅọ amịna ọgọnọ ḅẹ kapa dẹrị tẹ kẹ gberie fẹẹ.