Jowẹlị 3:1 - FỊAFỊA BAỊBỤLỤ

¹ KỊNỊNYANAḄỌ ḅe mẹẹ, “Anị sakị ḅụ à mịẹ tẹ Juda na Jeruselemu na siin lọkọlọkọ ḅa.

Jowẹlị 3:1 Iomraidhean Croise

Devidi-Anume 14:7

À tẹkẹ lamarị mịnẹ owu-ḅara-iḅi ḅo Izirẹlị pịrị ḅa Zayọnị ḅụ. Izirẹlị kpọma ḅioḅẹlẹ ḅa KỊNỊNYANAḄỌ ḅe mịẹ tẹ in siin lolo sakị.

Devidi-Anume 85:1

KỊNỊNYANAḄỌ, ị́ ọkụrụkụrụ nyana ị́ amakiri mẹ pịrị tẹẹ; ị́ mịẹ tẹ Izirẹlị siin lọkọlọkọ tẹẹ.

Egberima-Ẹkwẹn 1:23

Àrị ó ḍiki-ịganịarị sakị, ó pokii. À tọnwa nimi kẹ ọ́ pịrị ḅa, à pịkị ị̀ ẹkwẹn-ḅịḅị mẹ kẹ ị́ tọrụ finji ḅa.

Ayịzaya 44:3

À minji kẹ kpakịkịtẹ kiri mẹ pịrị ḅa tẹ samụnọ kiri mẹ ḅụ okolo puu-puu ḅọrọ ḅa. À ḅaka ḅara kẹ ị̀ Tẹmẹ kẹ ị́ awọmẹ ma aḅụụ ḅio su ḅa, tẹ ì bomaa, ḅo ị́ furo-ḅẹ-apụ ọgọnọ gbana ḅa.

Jerimaya 16:15

Anie nakara, ini ị̀ ḅụụ ḅụ ye karị ḅa, anie ḍumo wararị Tamụnọ tẹ Izirẹlịapụ ma ọkị-ḅo ḅọ ḅe ọgọnọ-jụ ḅẹ amakiri mẹ na osi asịẹ ma amakiri mamgba na ḅụ ịn pakama-ḅo ḅọ ḅe, arị ịn gala-gala mu la anga ma. Arị ini ọkị-ḅo ịna ḅara-kuḅu ḅẹ ama mẹ lama ḅa, à kẹ ịna elemu-aḍapụ pịrị amakiri mẹ. Yẹrị KỊNỊNYANAḄỌ ḅe ọkọ ḅẹẹm.”

Jerimaya 29:14

Inn, à ḍukoarị, ọmịnị ị̀ ḍọkị ẹrị ḅa, tẹ arị ọ́ kẹ pịkị ọmịna amakiri ḅo ḅa. Sịẹ goyegoye na ye-yọ goyegoye na tẹ arị ọ́ gala-gala mu la anga ma, arị ó kobiri ḅa, tẹ ọ́ kẹ pịkị-ḅo ó simearị tẹ arị ọ́ kẹ kun-so mu yọ fịrịma amakiri mẹ la ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 30:18

KỊNỊNYANAḄỌ ḅe mẹẹ: Àrị ị̀ atomi kẹ pịkị ịna amakiri ḅo ḅa tẹ ọkụrụkụrụ nyana ere-furo goyegoye pịrị ḅa; In siin Jeruselemu nama ḅa tẹ anị ḅẹ ama-da warị mẹ kẹ tarị ḅara mẹ wẹrị ḅa.

Jerimaya 30:3

arị ị̀ atomi, Izirẹlị na Juda na, kẹ pịkị-ḅo ḅarị sakị mẹ ḅoarị ẹrẹsị. Arị ịn kẹ pịkị-ḅo à kẹ ịna elemu aḍapụ ma pịrị amakiri mẹ lama tẹ in siin ọkị tẹ kẹ ịna nye sọma ḅa. Yẹrị KỊNỊNYANAḄỌ ḅe ọkọ ḅẹẹm.”

Izikẹlị 16:53

KỊNỊNYANAḄỌ ḅe Jeruselemu ḅẹẹm, àrị ịn mịẹ tẹ in siin lọkọlọkọ ḅa — Sọdọmụ na árị akala-ama ma na, pịkị Sameriya na arị akala-ama ma na sọ. Inn, àrị ị́ mịẹ tẹ ị́yẹrị sọ lọkọlọkọ ḅa.

Izikẹlị 39:25

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Kụma mịọkụ àrị ọkụrụkụrụ nyana Jekọbụ furo-ḅẹ-apụ ma pịrị ḅa, Izirẹlịapụ ma, tẹ mịẹ tẹ in siin lọkọlọkọ ḅa. Àrị ị̀ fịafịa kịrị ẹrẹ mẹ ḍụa ḅa.

Danẹlị 12:1

Pịna-pịna ferefere kapa sụa enjẹlị ḅe ḅẹẹm, “Anị sakị mẹ ḅụ opu enjẹlị Mayịkẹlị ḅe, ị́ atomi ḍụarịḅọ ḅe tolu-sịẹ ḅa. Anịtẹso kpọma ḅụụ-fụka sakị ḅo ḅa, si tẹịn ye sịẹ-sịẹ ma tarị paka kụra ḅio. Anị sakị mẹ ḅụ, ị́ atomi mamgba tẹ ẹrẹ Tamụnọ ḍiri ḅio kẹẹ wararị apụ ma ḅọrọma ḅa.

Jowẹlị 2:29

Anị sakị mẹ ḅụ, à pịkị ḅaka ḅara kẹ ị̀ Tẹmẹ kẹ fịrịmẹnjịapụ ma aḅụụ ḅio sọ su ḅa, owiapụ na ereme na.

Emọsị 9:14

“À siin ị̀ atomi ma ọkị-ḅo ịna amakiri lama ḅa. Ini ịna kaantẹ opu ama ma nama tẹ arị ḅio ḅụ anga ḅa, ịn vaịnị aḍụọ ḍiḅi-ḍiḅi tẹ waịnị mẹ ḅuu ḅa. Ịn warị akaka ḅẹ aḍụọ ḍiḅi-ḍiḅi tẹ in ḍiḅi pakama-ḅo ye fị ḅa.”

Kịẹn-aḅịḅị 11:29

Kụma Mozizi nwẹnị ọ̀ ḅẹẹ, “ị̀ sịḅị gotẹ í ini afanarị mụnọọ? Kpọma ì ḅio ḅẹlẹma ye sọ ḅa, KỊNỊNYANAḄỌ ḅe nwẹnị ḅiim ori atomi mamgba ịkịankoroapụ sọọ, nwẹnị pịkị ọ̀ tẹmẹ-ịnyọ kẹ ịna ọgọnọ gbana ḅẹ kụma.”

Kịẹn-aḅịḅị 12:6

Ọ̀ nwẹnị ḅẹẹ, “Ọmịnị ị̀ ẹkwẹn-aḅịḅị naa, ọmịna ogbo-ḅio ịkịankoroḅọ emi-emii, Yẹrị KỊNỊNYANAḄỌ ḅe ịkịan ẹrị ḅara ḅụ, ị̀ mịẹfinji mḅọ pịrị tẹ mḅọ ì nimim, ḍawọ-jụ ḅụ arị mḅọ na ẹkwẹnm.

Ditẹrọnọmị 30:3

anịtẹrẹmẹ mie KỊNỊNYANAḄỌ ọmịna Tamụnọ ḅe ọmịna iḅi fụḅara mẹ pịkịma-ḅo ọ́ pịrị tẹ ọkụrụkụrụ nyana ọ́ pịrị ḅarịye; tẹ sin tomi-kụlọkụlọ ma tẹ KỊNỊNYANAḄỌ ọmịna Tamụnọ ḅe ọ́ gala-galama suu anga mamgba ḅụ ó kobiri ḅarịye.