Jowẹlị 2:8 - FỊAFỊA BAỊBỤLỤ

⁸ Ịn jụmọ-jụmọ tọrọkọ-pẹlẹma-a. In gbiima mu ịn ẹmgbẹsẹ wararị aị tolu-ḅọrọarị, tẹ gberie-sọ inetẹ ịn dasịẹma-a.

Jowẹlị 2:8 Iomraidhean Croise

2 Paka-aị 23:10

Ọ̀ nwẹnị tomi mamgba kẹ amadaḅọ ḅe ḍikiḍikiarị apụ wẹrị ḅara wẹrị, ọrụḅọ-ọrụḅọ ọmụ gbin ye mḅọ ḅara emi, warị mẹ ḅẹ suku-jụ ọkị mu ọgọnọ-jụ la agbamịẹ-anga mẹ na, warị mẹ na pakịrị anga.

2 Paka-aị 32:5

Ọ̀ nwẹnị tọn pẹlẹ tẹ ḅara kẹ saakị kọrịnama kọrị tẹ onu mẹ ḅụ kaan-sara tẹ anga mamgba nama tẹ anị ọgọnọ gele awarị nama; nwẹnị anị ḅio mẹnjị paka ḅụ pịkị jen onu nama, tẹ ọ̀ pịkị Devidi opu ama mẹ ḅio in Sara Pakama Kiri mẹ mịẹ kụrọmam. Ọ̀ pịkị ḅẹlẹma gburo-gburoma owuaị na ekpeke na tẹmẹm.

Nehimaya 4:17

tẹ onu mẹ namarị apụ ma ọḅụjụ sịẹ. Inima tẹ iku aị dogiapụ kẹ anị kọrị ḅara, ḅụọ-ḅụọ gbọrụ ḅara kẹ kọrịnama kọrị tẹ osi ḅara kẹ ọmụgbinye ọlọm,

Nehimaya 4:23

Anieḅụ yẹrị-o, ị̀ amịnapụ ma-o, ị̀ afịrịmẹnjịapụ ma-o, ye-yọ ḍikiḍikiapụ ma tẹ ị̀ ḍuka-ḅo apụ ma-o, gbọrụḅọ-sọ mḅọ oju ḅẹ akapa sịn-a; ḅụọ-ḅụọ mḅọ ọmụgbinye ọlọ sịẹmam.

Jobu 33:18

Ori ọ̀ tẹmẹ wẹrị ḅelemam olulu mẹ ḅụ, ò ḍumo na okologie mẹ ḅẹ fịị na fa na ḅụ.

Jobu 36:12

Kụma ịn poki-a ḅẹḅẹ, okologie mẹ ḅụ ịn fịị fa ḅa, tẹ kịnị nimi-a ḅara kẹ fịị ḅa.

Egberima-Ẹkwẹn 30:27

Igurube amẹẹ: ini amadaḅọ nyana-a, kụma ini ọrụtọn ḅara mẹnjịarị.

Sọlọmọnị Ḅẹlẹtẹịn Nume 4:13

anịanga ḍiḅi-aị ma kamarị. In so-pakarị ḅara pọmigireneti asịn kẹ ḍiḅi fị sịnmgbọlụ ḍụọ ḅara ọkụ tẹ nwẹnị iḅitẹịn fị sịnmgbọlụ sụarị. Anị anga hina na nadị na nwẹn-sịn aị ma kụrọ-a;

Ayịzaya 5:27

Ịna ḅụ ịnyọ pọkọ-tarị ḅọ ofori; ịna ḅụ pụmbụarị ḅọ ofori. Gbala-gbala ịn sịngẹ-a, anịanịa mono. Ịna ḅiri-ponoye sọ foo-foo-a; ịna okuro ḍiki sọ pẹlẹ-a.

Jowẹlị 2:7

Ọmụapụ kịka ḅara ịn nwẹn kẹ owu pakarị; ịn ọmụgbin-apụ kịka tẹ onu ma kpọlịarị. Inimgba da-daa mẹnjị tọrọkọ-tọrọkọ muarị, tẹ pịkị jen anga da-a.

Jowẹlị 2:9

In gbiima mu opu ama mẹ bịan-arị, ịn mangị mu onu ma ḍosi saḅarị; ịn warị ma kpọlị iwoarị, tẹ furuapụ kịka tẹ ikiḅa-aḅọkọ ma ḅụ ḅọrọ sọ-muarị.